Agregador de novas

Lowi ofrece fibra óptica por 30 euros/mes sen custos de instalación

códigocero - Mér, 08/16/2017 - 19:49

A poucos meses de revolucionar o mercado coa súa oferta de fibra óptica + móbil, o operador de baixo custo de Vodafone, Lowi, sorprende agora cunha oferta de fibra, ou sexa, que os usuarios que precisen dunha conexión doméstica á Rede a través de fibra óptica e non queiran ter que contratar teléfono fixo, móbil ou televisión teñen unha nova opción moi asumible, xa que Lowi ofrece conexións a 50 Mbps por 30 euros/mes.
O máis rechamante desta nova oferta comercial é que conta con router Wi-Fi e instalación de balde e cun compromiso de permanencia de só 3 meses (non respectar a permanencia suporía ter que facer fronte a un gasto de instalación de 150 euros, mentres que o router estaría valorado en 100 euros), e aínda que a oferta de Lowi con 1 GB de datos e chamadas sen límite a móbiles e fixos nacionais é moito máis competitiva (pois só custa 37 euros/mes), o novo plan resulta moi interesante para quen non quere mudar de compañía móbil.
A velocidade desta nova conexión de fibra é de 50 Mbps de descarga garantidos e até 30 Mbps de subida, ofrecéndose alí onde teña cobertura Vodafone. Dadas as súas condicións de contratación semella unha opción moi atractiva para estudantes, que podería gozar de banda larga fixa sen ter que soportar elevados custos iniciais nin subscribir longos compromisos de permanencia.

Categorías: Ciencia

Opioid emergency, climate language and a frozen fruit cake

Nature - Mér, 08/16/2017 - 17:05

The week in science: 11–17 August 2017.

Nature 548 264 doi: 10.1038/548264a

Categorías: Ciencia

California’s scientists push to create massive climate-research programme

Nature - Mér, 08/16/2017 - 17:05

Effort backed by the state’s flagship universities comes as US President Donald Trump shrugs off global warming.

Nature 548 267 doi: 10.1038/548267a

Categorías: Ciencia

China’s embrace of embryo selection raises thorny questions

Nature - Mér, 08/16/2017 - 17:05

Fertility centres are making a massive push to increase preimplantation genetic diagnosis in a bid to eradicate certain diseases.

Nature 548 272 doi: 10.1038/548272a

Categorías: Ciencia

O vindeiro episodio de Game of Thrones puido serve de madrugada a través de HBO España

códigocero - Mér, 08/16/2017 - 13:57
Imaxe coa que demostraban que o vindeiro episodio de Game of Thrones estaba dispoñible a través de HBO España

Este verán está a ser todo un pesadelo para a HBO, e tras as polémicas ao redor das filtracións de material confidencial roubado dos seus sistemas informáticos e a filtración do episodio 4 da actual tempada de Game of Thrones a través dunha compañía asiática, agora a cousa complicouse aínda máis, pero non por mor de axentes externos, senón que o vindeiro episodio da serie estrela da compañía estivo dispoñible s pasada noite por mor dun erro de HBO Nordic, división da compañía que é a que subministra os contidos a HBO España, ou sexa, que os países europeos nos que está presente a plataforma de streaming da HBO puideron acceder en primicia ao episodio 6 de Game of Thrones.
Inicialmente a xente soubo na Rede do acontecido a través de usuarios de HBO España, chegando a desatarse un grande rebumbio nas redes sociais por parte de usuarios norteamericanos que querían que lles facilitasen o episodio filtrado, chegando a anoxarse ante o feito de que non houbese usuarios españois que capturasen con calidade o capítulo, chegando incluso a promover o cancelo #NukeSpain. Parece que dende o outro lado do Atlántico non entenden de cambio horario (a filtración aconteceu durante a madrugada) e tamén tardaron bastante en caer na conta de que HBO España non ten infraestrutura de seu, senón que era HBO Nordic a responsable do servizo de streaming.
Durante os momentos de máxima tensión, moitos usuarios con pouco sentidiño tiveron a mala idea de retransmitir o episodio da serie en vivo e con malísima calidade a través de Twitch, YouTube, Periscope ou incluso Instagram, conseguindo certa relevancia un español co nome de usuario afaga23, quen viu como Instagram pechoulle a emisión do seu directo, e agora mesmo ten a súa conta de usuario en Twitter suspendida. Tras o peche da retransmisión en Instagram comentou en Twitter que «non insisto porque non quero problemas nin o fixen con mala intención», o que demostra o pouco tino que teñen moitos usuarios da Internet, ignorantes de que están a cometer un delito moi doado de perseguir dada a publicidade co que se comete.
Nos primeiros momentos dende a HBO conseguiron frear boa parte das retransmisións ilícitas, pero a proliferación de fontes que difundiron o episodio, finalmente con boa calidade (Full HD e audio correcto, en vez de son captado co móbil), fixo que esta loita non puidese trunfar, e neste momento a distribución do episodio filtrado é masiva, de xeito que calquera persoa ansiosa por ver as aventuras de Poñente con antelación pode facelo, aínda que queda por ver se iso afectará negativamente á audiencia do vindeiro episodio, pois no caso do episodio 4 conseguiuse a mellor audiencia da historia da serie, non quedando claro que a filtración foi negativa, xa que puido xogar un rol importante ao animar ao público a ver un capítulo que presumía ser moi impactante.

Categorías: Ciencia

China launches brain-imaging factory

Nature - Mér, 08/16/2017 - 02:11

Hub aims to make industrial-scale high-resolution brain mapping a standard tool for neuroscience

Nature 548 268 doi: 10.1038/548268a

Categorías: Ciencia

Why 14 ecology labs teamed up to watch grass grow

Nature - Mar, 08/15/2017 - 20:02

Multi-lab efforts point the way to shoring up the reliability of field studies.

Nature 548 271 doi: 10.1038/548271a

Categorías: Ciencia

A little democracy could go a long way

Nature - Mar, 08/15/2017 - 11:11

The Middle East is freezing out Qatar. A science academy could help — and would set an important precedent for the region, says Ehsan Masood.

Nature 548 261 doi: 10.1038/548261a

Categorías: Ciencia

Ecologists protest Australia’s plans to cut funding for environment-monitoring network

Nature - Mar, 08/15/2017 - 02:02

Scientists say the move will reduce the country’s capacity to predict future ecosystem changes.

Nature News doi: 10.1038/nature.2017.22453

Categorías: Ciencia

Facebook comeza a competir con Wallapop

códigocero - Lun, 08/14/2017 - 23:20

O ano pasado Facebook estreou nos EE.UU., Reino Unido, Australia e Nova Zelandia o seu Marketplace, unha plataforma de compra-venda entre particulares completamente de balde, que estaba dispoñible tanto a través do móbil como vía web, e que meses máis adiante pasou a operar tamén en Canadá, Chile e México, dando agora un importante salto ao principiar a funcionar en 17 países europeos (Austria, Bélxica, República Checa, Dinamarca, Finlandia, Francia, Alemaña, Hungría, Irlanda, Italia, Luxemburgo, Países Baixos, Noruega, Portugal, Suecia, Suíza e España) de xeito que podemos considerar que chegou o grande competidor de Wallapop.
Dado que o Mercado de Facebook funciona cos nosos nomes de usuario, os compradores e vendedores poden coñecer mellor con quen comercial, saber se teñen coñecidos comúns e, en definitiva, ter unha maior relación de confianza, corrixindo unha das principais eivas de Wallapop (plataforma considerada como moi pouco seria e fiable, que conseguiu o seu éxito principalmente polas súas fortes campañas de comunicación e o feito de ser de balde).
Dende Facebook aseguran que o paso mes de maio nos EE.UU. tiñan máis de 18 millóns de produtos á venda no seu Mercado, volume que non deixa de medrar, polo que parece que estamos ante un servizo que vai conseguir moi boa aceptación á hora de mercar e vender produtos de electrónica de consumo, vehículos, roupa, libros e mesmo vivendas.
Esta plataforma pode destacar tamén polo feito de propiciar as operacións de compra-venda en proximidade, xa que o seu buscador limita os resultados a produtos a unha distancia de entre 2 e 100 quilómetros como máximo. A comunicación entre o comprador e o vendedor realízase a través da mensaxería de Facebook, ofrecendo así unha maior seguridade que outras plataformas que tenden ao anonimato.

Categorías: Ciencia

Telecable di adeus ao fútbol para a tempada que vén

códigocero - Lun, 08/14/2017 - 21:30

O verán de 2015 será lembrado por moitos como o da guerra do fútbol, pois negociáronse numerosos acordos de emisión que principalmente contribuíron a que Movistar adoptase unha posición de grande forza que incluso levou a Vodafone a seguir unha senda bastante innovadora (aliándose con plataformas en liña como Netflix e HBO para completar a súa oferta audiovisual) e que como consecuencia máis acusada temos que o operador R quedaba sen fútbol televisado, deixando a súa oferta televisiva na peor situación da historia da compañía.
Ante esta situación produciuse unha resposta moi rechamante por parte de R, que recomendaba aos seus clientes que, de querer poder seguir gozando do fútbol, en vez de cambiar de compañía, recorresen a plataformas de deportes por streaming, en concreto, o servizo de Telecable.
Tedi era a plataforma de Telecable que permitía contratar canles de fútbol con independencia do noso operador (xa que as retransmisións realizábanse a través da Rede) e, para facilitar a adopción desta solución, incluso comercializaban a tediBox, un pequeno trebello con Android personalizado para poder recibir o sinal das retransmisións deportivas no noso televisor sempre que contemos cunha acceso á Rede a través de Wi-Fi ou cable cun mínimo de velocidade.
Pero esta interesante solución vén de dicir adeus, pois dende Telecable confirman que as condicións que esixen para a renovación dos dereitos de emisión do fútbol fan imposible de sustentar o negocio, polo que deciden botar o peche de tedi TV, advertindo de que en breve publicarán unha actualización da tediBox para liberar o dispositivo, pasando a ser un Android sen limitacións.

Alternativas a tedi TV

Pero o peche de tedi TV non fai que desapareza o fútbol legal por streaming, xa que aínda se manteñen en activo un par de plataformas bastante célebres en España: beIN Connect e Opensport.
No caso de beIN Connect, a plataforma ofrece as canles deportivas beIN Sports LaLiga, beIN Sports, LaLiga 1|2|3tv e GolHD por 9,99 euros dentro do seu lote de fútbol, destacando por contar tamén cun lote de canles de lecer (Fox, ANX, TNT, TCM, Fox Life, Nickelodeon, National Geographic Channel, Comedy Central e Historia) por 7,99 euros de xeito independente ou 14,99 euros de xeito conxunto co fútbol.
Pola contra, a oferta de Opensport é puramente deportiva, de xeito que as súas modalidades son 2: unha subscrición mensual por 9,99 euros e a posibilidade de contratar semanas soltas por 4,99 euros. En ambos casos aceptan 2 conexións simultáneas (mentres que beIN Connect só acepta 1 usuario de cada vez) e inclúe El Partidazo, La Liga 123, o motor, deportes extremos e incluso unha canle de loita, polo que esta oferta iría máis aló do fútbol, pero manténdose no ámbito deportivo.
Tanto beIN Connect como Opensport poden verse no PC, en dispositivos con Android (incluíndo Android TV) e iOS, a través de Chromecast e incluso no Apple TV, de xeito que a súa dispoñibilidade é bastante boa. Tamén hai algún Smart TV que inclúe as aplicacións para poder gozar destes servizos dun xeito cómodo.

Categorías: Ciencia

Un bot derrota aos mellores xogadores do mundo de Dota 2

códigocero - Lun, 08/14/2017 - 20:04

A pasada fin de semana celebrouse The International 7, un torneo do xogo Dota 2 que partía cunha bolsa de máis de 24 millóns de dólares, de xeito que o equipo europeo que se fixo coa vitoria, Team Liquid, puido facerse cun total de 10.806.301 dólares tras derrotar ao equipo Newbee cun histórico 3-0, pero este feito veuse eclipsado en boa medida por unha nova de OpenAI, unha startup que conta co apoio de Elon Musk, que aproveitou o torneo para demostrar a forza do seu bot, capaz de derrotar aos mellores xogadores de Dota 2 en enfrontamentos de 1 contra 1.
Durante The International o sistema de intelixencia artificial de OpenAI bateuse no escenario con Danil Dendi Ishutin, do equipo Natus Vincere, gañando nunha partida ao mellor de tres, como tamén fixeron en privado durante a semana pasada con varios dos mellores xogadores de Dota 2 do mundo, incluíndo a Syed SumaiL (o mellor xogador 1 contra 1 a nivel mundial) e Artour Arteezy Babaev (o mellor xogador xeral de Dota 2 do mundo).
Os enfrontamentos de 1 contra 1 en Dota 2 están considerados como un xogo moi complexo (bastante máis que o xadrez ou o Weichi, xogos superados nos últimos anos polas intelixencias artificiais de IBM e Google), e os sistemas de intelixencia artificial construídos son capaces de aprender a planificar, atacar e enganar aos seus opoñentes, conseguindo actualmente que o número de accións por minuto das intelixencias artificiais sexa comparable ao dun xogador humano medio.
O interesante dos bots de OpenAI é que, en vez de imitar ou explorar unha árbore de xogo, aprenderon a xogar dende cero xogando por si mesmos, dun xeito semellante a como podería facer unha persoa, o que fai que vaian desenvolvendo intuicións sobre como actuarán os seus contrarios, o que resulta de vital importancia para este tipo de xogo.
Demostrado o éxito de OpenAI cos seus bots de 1 contra 1, queda agora crear un equipo de bots de Dota 2 que poida competir e colaborar con equipos humanos, o que é unha tarefa moito máis complexa (xa que nas partidas están involucrados 2 equipos de 5 xogadores) e, en calquera caso, estes desenvolvementos non son finalistas, senón que a aplicación da intelixencia artificial en xogos o que busca é avanzar na solución de situacións complexas nas que poidan estar involucrados seres humanos.

Vídeo no que explican o proxecto de desenvolvemento de bots para xogar a Dota 2

Categorías: Ciencia

LG a meirande pantalla OLED do mundo xuntando 820 paneis de alta definición

códigocero - Lun, 08/14/2017 - 19:18

Para demostrar as posibilidades das pantallas OLED de marco aberto LG chegou a un acordo con Emaar Entertainment, operador do Acuario de Dubai para facer realidade un proxecto que concretouse no video wall OLED máis grande do mundo, para o que xuntaron 820 pantallas de alta definición.
Esta impresionante instalación que podería considerarse como a pantalla OLED máis grande do mundo, permite revolucionar os espazos comerciais á vez que demostra a innovación en pantallas, pois cómpre salientar que non estamos a falar dun video wall tradicional, con pantallas planas, senón que está formado con pantallas curvas tanto cóncavas como convexas, e tanto en vertical como en horizontal, construíndo unha forma que hai poucos anos era imposible e ofrecendo unha imaxe de moi alta calidade grazas aos avances da tecnoloxía OLED, que ofrece non só unha grande eficiencia enerxética, senón tamén un negros profundos, unhas cores vibrantes e un grande ángulo de visión, superando claramente aos panel retroiluminados convencionais.

Categorías: Ciencia

Más da metade das empresas tecnolóxicas galegas desenvolven medidas de RSE

códigocero - Lun, 08/14/2017 - 18:52

En Galicia, 7 de cada 10 empresas TIC coñecen o termo Responsabilidade Social Empresarial (RSE), e 6 de cada 10 teñen implantado actuacións de RSE no seu funcionamento diario segundo se desprende do informe A Responsabilidade Social Empresarial das Empresas TIC de Galicia. Edición 2016, elaborado polo Observatorio da Sociedade da Información e a Modernización de Galicia (OSIMGA), adscrito á AMTEGA.
Entre as empresas que coñecen o termo de Responsabilidade Social Empresarial existen distintas sensibilidades respecto ao que implica o termo, sendo maioritarias as seguintes as acepcións de compromiso ante a sociedade (97,6%), a da ética e a transparencia (97,5%) e de responsabilidade cos traballadores (96,3%).
As políticas dedicadas á seguridade e hixiene no traballo (54,7%), á conciliación laboral e familiar (43,9%) e á formación e capacitación dos empregados (37,1%), son as que contan cunha maior presenza dentro das empresas TIC galegas.
A totalidade de políticas de RSE analizadas incrementaron a súa presenza na empresa TIC galega, destacando incremento de case 12 puntos nas medidas relativas á conciliación laboral e familiar, pasando dun 32,0% no ano 2014 ao 43,9 % no ano 2016.
En canto ao nivel de actuación de políticas de RSE no ámbito mercantil, de cara ao cliente, ao consumidor e á Administración, as políticas de información e asesoramento sobre o produto ou servizo son a actuación máis estendida.
As actuacións de RSE especializadas en provedores son as que contan cunhas porcentaxes de integración máis baixa en termos globais. Non obstante, de maneira global as relacións cos provedores están a experimentar melloras, especialmente as actuacións destinadas a favorecer canles de diálogo cos provedores á fixación de prazos de pago que permitan aos provedores manter a súa viabilidade económica.

Categorías: Ciencia

Novo programa de axudas para a creación de emprego de base tecnolóxica

códigocero - Lun, 08/14/2017 - 13:50

Coa finalidade de impulsar a creación de novas iniciativas empresariais de base tecnolóxica en Galicia a Xunta vén convocar un programa de incentivos para o ano 2017 dirixido a iniciativas de emprego de base tecnolóxica (IEBT), de xeito que as empresas previamente cualificadas poderán solicitar axudas á creación directa de emprego estable, á contratación de persoal técnico de alta cualificación e ao inicio e posta en marcha da actividade.
As iniciativas que poden concorrer a estas axudas e subvencións terán que estar previamente cualificadas e estar rexistradas como IEBT, sendo subvencionables as contratacións realizadas entre o 1 de outubro de 2016 e o 30 de setembro de 2017.
Esta convocatoria de axudas recibiu a aprobación o pasado 20 de xullo, cando se estableceron as súas bases reguladoras, goza do cofinanciamento do Fondo Social Europeo e poderán presentarse solicitudes a este programa até o 30 de setembro, resolvéndose nun prazo de 3 meses.

Categorías: Ciencia

Filtran episodios da serie Curb Your Enthusiasm da HBO

códigocero - Lun, 08/14/2017 - 13:30

A polémica tras a intrusión aos sistemas da HBO non cesa, o que incluso está a resultar especialmente molesto para a compañía por verse obrigada a saír á palestra cada vez que se produce unha filtración de contidos, como durante a xornada do domingo, na que apareceron na Rede numerosos episodios inéditos de Curb Your Enthusiasm e doutras series, que non tiñan pensado ver a luz até o mes de outubro.
Dende a HBO chegan a asegurar que «non imos comentar cada vez que soltan un novo anaco de información», pois consideran que xa deron todas as aclaracións necesarias pola súa banda ao recoñecer a intrusión nos seus sistemas e insistir en que non están en negociacións cos delincuentes responsables das filtracións.

4 detidos na India

Pero aínda que non haxa avances significativos na investigación sobre a intrusión na compañía norteamericana, non que se refire á filtración do episodio 4 da actual tempada de Game of Thrones, si hai novidades, pois veñen de arrestar a 4 persoas na India ás que responsabilizan da publicación do capítulo da serie de moda antes da súa emisión.
Os sospeitosos estarán en arresto até o 21 de agosto mentres se investigan os feitos, que non terían nada que ver coa grande filtración da HBO, pois neste caso sería unha compañía de Mumbai, encargada de almacenar e procesar os episodios de televisión para a súa explotación local, a afectada polo roubo de contidos audiovisuais.

Categorías: Ciencia

Porriño achega a informática ás persoas desempregadas

códigocero - Ven, 08/11/2017 - 19:42

É posíbel seguir formándonos en TIC durante o verán? Pois, malia a consabida (e comprensíbel) caída de actividade das entidades e das empresas adicadas a facernos avanzar en materia dixital, si que é posíbel. Por exemplo, o Concello de Porriño está a desenvolver en agosto un completo programa de formación TIC para persoas desempregadas. A medida vén da man da Concellería de Formación e Emprego que dirixe Soledad Girón. As actividades comezaron o pasado día 7, co obradoiro Iniciación á informática, que tivo unha duración de 30 horas e que serviu para introducir aos participantes en cousas como o manexo básico dun computador, a xestión de arquivos, a creación de textos, a navegación por Internet ou o envío de correos electrónicos.
O programa continúa este 17 de agosto co curso Libre Office Calc-Iniciación. Terá unha duración de 20 horas, empezará esta quinta feira (xoves) e rematará o martes, día 22, impartíndose de 9 da mañá a 2 da tarde a persoas que teñan coñecementos básicos de ordenador. O obxectivo, informa o Concello, é que ao final da aprendizaxe “os participantes sexan quen de realizar operacións básicas e funcións sinxelas, saber dar formato as celas e configurar a páxina”.
Por último, o día 31 de agosto celebrarase o obradoiro Libre Office Base-Iniciación. Abranguerá 30 horas de formación. Impartiranse en horario de 9.00 da mañá a 14.00 horas, dende o xoves día 24 ao xoves 31 de agosto. O curso está dirixido a persoas que teñan teñan coñecementos básicos de ordenador. Ao rematar o usuario/a será quen de crear e modificar táboas, consultas, formularios, informes e crear relacións entre datos.
O Concello recalca que estas actividades da Concellaría de Formación e Emprego están destinadas a persoas que se atopan actualmente nunha situación de desemprego. Para poder participar é preciso inscribirse e pode facerse chamando ao seguinte teléfono 986 348944.

Categorías: Ciencia

Presentadas en Pontevedra as axudas para a dixitalización das iniciativas dos autónomos

códigocero - Ven, 08/11/2017 - 18:16

A secretaria xeral de Emprego, Covadonga Toca, presentou onte en Pontevedra as vindeiras axudas do seu departamento para os autónomos e emprendedores. Son unha serie de mecanismos para impulsar e consolidar o emprego por conta propia. Estes mecanismos son as partes integrantes do Bono Autónomo, que á súa vez encádrase na Estratexia Autónomo 2020. Trátase, máis polo miúdo, dunha axuda de até 3.000 euros por traballador, dirixida “a apoiar a consolidación das empresas que contan cunha antigüidade mínima de 42 meses e unha facturación mínima de 12.000 euros”. As axudas poden solicitarse até o 31 de agosto (a día de hoxe xa se recibiron unhas mil solicitudes). A Xunta inviste nelas 3 millóns de euros. Con este incentivo pódese facer avanzar dixitalmente a nosa iniciativa de mercado.
Tal e como sinalou a directora xeral, “con este cheque pódense contratar servizos de mellora de xestión financeira, de optimización de procesos de produción e cadea loxística, relanzamento comercial, imaxe e comunicación e posicionamento na web”. Asemade, engadiu, “o bono tamén pódese empregar en plans de mellora empresarial, mercadotecnia, redefinición do modelo de negocio e identificación de socios e redes de cooperación ou no financiamento de servizos que lles permitan afrontar novos retos”.
Amais, lembrou que para axudar ao afianzamento da actividade empresarial e ao inicio da posta en marcha de novos proxectos, o Goberno galego ten en marcha a Oficina do Autónomo no dominio www.oficinadoautonomo.gal, que actúa como “xanela única” onde os interesados “poderán obter información en relación ao estado e progresos dos seus expedientes abertos con calquera órgano ou unidade da propia Administración galega”. Esta oficina, sinalou Toca, é “un punto unificado e integral de asesoramento e consulta de acceso telemático onde tamén se mostra toda a información sobre as axudas aos autónomos”.

Categorías: Ciencia

Artificial intelligence identifies plant species for science

Nature - Ven, 08/11/2017 - 18:12

Deep-learning methods successfully classify thousands of herbarium samples.

Nature News doi: 10.1038/nature.2017.22442

Categorías: Ciencia

Stop hoarding ancient bones, plead archaeologists

Nature - Ven, 08/11/2017 - 18:12

Scientists call for wider access to rare samples rich in DNA.

Nature News doi: 10.1038/nature.2017.22445

Categorías: Ciencia

Páxinas

Subscribirse a IGACIENCIA lector de novas