Agregador de novas

Detectan un keylogger en ordenadores portátiles de HP

códigocero - Lun, 12/11/2017 - 13:59

O investigador Michael Myng alertou da existencia dun keylogger nos controladores de teclado que veñen instalados nun bo número de ordenadores portátiles de HP (máis de 460) de familias tan populares como EliteBook, ProBook, Pavilion e Envy, que estaría desactivado de serie, pero que poderá activarse de xeito doado para espiar todo o que teclea o usuario.
O controlador con este problema de seguridade tería no seu interior código para rexistrar todo o que teclea un usuario para a depuración de erros, pero o feito de que este mecanismo poida activarse por parte dun atacante sería un problema moi serio, xa que facilitaría o acceso a todo o que teclea un usuario, o que non só vulneraría a súa intimidade, senón que tamén serviría para conseguir numerosas credenciais de acceso.
HP xa publicou un boletín de seguridade sobre o asunto no que detallan as versións actualizadas dos controladores afectados para que os usuarios de equipos con esta vulnerabilidade poidan instalalos e así evitar que alguén poida espialos activando esta funcionalidade oculta. A actualización dos controladores tamén está dispoñible a través de Windows Update, confirmándose unha vez máis a necesidade de ter o software dos nosos equipos ao día.

Categorías: Ciencia

AtlantTIC contribúe ás comunicacións seguras a proba de avances tecnolóxicos futuros

códigocero - Lun, 12/11/2017 - 13:16
O investigador da Universidade de Vigo e de AtlantTIC, Marcos Curty

Como facer que unha comunicación cuántica sexa segura hoxe e mañá. Este é un dos grandes retos dos expertos en protección dixital dos nosos días: como evitar que os avances tecnolóxicos futuros deixen vía libre para o descifrado de datos altamente sensíbeis a través, tamén, de computadores cuánticos? Segundo nos conta a Universidade de Vigo, un dos máis recentes achados neste eido acaba de ser publicado pola revista Nature Communications e está asinado por Marcos Curty, investigador do Grupo de Antenas, Radar e Comunicacións Ópticas do Centro AtlantTIC (UVigo), en colaboración coa empresa Toshiba e as universidades de Cambridge e Edimburgo. O artigo, titulado Experimental measurement-device-independent quantum digital signatures, está co-asinado por expertos de Toshiba Research Europe, que se encargaron da parte experimental e do hardware, e por investigadores do Departamento de Enxeñaría da Universidade de Cambridge e do Instituto de Fotónica e Ciencias Cuánticas da Universidade de Edimburgo. Estes investigadores, xunto con Curty, colaboraron na parte teórica do traballo.
A investigación afonda no emprego e nas posibilidades da criptografía cuántica, que emprega principios da mecánica cuántica, para garantir a absoluta seguridade da información transmitida. Este nivel de seguridade, sinalan os investigadores, é tan alto que, a día de hoxe, non podería ser quebrantado “nin con toda a capacidade computacional existente”. Porén, o estudo achega unha serie de claves importantes para asegurar que este nivel de confidencialidade sexa un nivel a proba de avances futuros.
O artigo publicado en Nature Communications presenta unha nova tecnoloxía que permite comunicacións cen por cen secretas a través de nodos de comunicación non-confiábeis e sen que os nodos poidan acceder á información transmitida. Igualmente, permite (por primeira vez) que os usuarios dunha rede poidan comunicarse “de maneira segura cos nodos da mesma para realizar por exemplo actualizacións de software”. Segundo Curty, isto implica un avance importante, xa que até de agora, en topoloxías de rede tipo estrela, non se podía integrar e pór en marchar (sobre o mesmo nodo/equipo central) un servizo de comunicación cuántica segura entre usuarios, e ao mesmo tempo, ofrecer unha comunicación cuántica segura entre os usuarios co nodo central polas mesmas canles físicas. Neste traballo proponse e demóstrase que é factíbel nunha topoloxía de rede tipo estrela para as futuras redes de comunicacións cuánticas multiusuario.
Como exemplo das posíbeis aplicacións desta tecnoloxía, os investigadores empregaron a rede para transferir datos de xeito confidencial entre os diversos usuarios e nodos da mesma, así como para realizar sinaturas dixitais “de maneira incondicionalmente segura”.

Categorías: Ciencia

Sateliun lanza a versión en galego da súa app para a xestión de vehículos por GPS

códigocero - Lun, 12/11/2017 - 12:37

A tecnoloxía Sateliun, dirixida a facilitarnos a xestión de vehículos a través de GPS e dos nosos móbiles, xa está dispoñíbel en galego para dispositivos con sistemas Android. Ademais, segundo nos conta a compañía do mesmo nome, con sedes principais en Coruña e Vigo, a versión na nosa lingua da aplicación de xeolocalización estará nas vindeiras semanas operativa para iOS. En palabras dos responsábeis de Sateliun, trátase da primeira aplicación móbil de xestión de frotas por GPS que está accesíbel en galego.
O lanzamento desta pioneira versión para Android responde “ao obxectivo de ofrecer unha atención máis personalizada, para a localización dos máis de 20.000 vehículos que empregan a tecnoloxía de Sateliun en España e Portugal”.
Ademais, dende o seu centro de desenvolvemento tecnolóxico en Cambre (A Coruña), Sateliun traballa arestora, como dixemos, no lanzamento nas vindeiras semanas dunha versión en galego dispoñíbel tamén para dispositivos iOS a través da App Store de Apple.
A maiores, e co mesmo obxectivo de seguir a mellorar a atención aos usuarios da súa aplicación, a marca prevé a incorporación durante o ano 2018 doutras dúas versións, en catalán e éuscaro.
Por certo que a selección do idioma da ferramenta móbil en Android faise de forma automática en función do idioma configurado no dispositivo móbil do usuario.
Como lembraremos, a aplicación de Sateliun permite a localización e control en tempo real de mercadorías e de todo tipo de vehículos industriais e comerciais, para, en palabras da empresa, “acadar unha maior eficiencia, aumentar a produtividade, mellorar a seguridade e reducir os custos operativos”. A ferramenta, engaden os seus desenvolvedores, posibilita “non só coñecer ao momento todo tipo de parámetros sobre os vehículos dunha empresa, senón tamén contar cun histórico de datos, con informes a medida e cun sistema personalizado de avisos no caso de incidencia”.
A tecnoloxía GPS de Sateliun xestiona os vehículos de empresas con frotas de diferentes tamaños, dende multinacionais até PEME e autónomos, con clientes como Inditex, GADISA, Vegalsa-Eroski, Central Lechera Asturiana e Securitas Direct.

Categorías: Ciencia

A Memoria Dixital de Galicia amósase ao mundo a través de Galiciana.gal

códigocero - Lun, 12/11/2017 - 12:25

Galiciana.gal, a porta de acceso á plataforma da Memoria Dixital de Galicia, inicia a súa andaina con máis de 300.000 obxectos dixitalizados de 9 coleccións procedentes de fondos xestionados pola Xunta (como os da Biblioteca Dixital de Galicia e os do Arquivo Patrimonial de Galicia) e doutras entidades como as universidades de Santiago de Compostela, A Coruña e Vigo, da Real Academia Galega e do Instituto de Estudos Padre Sarmiento.
A nova versión do portal Galiciana irá incrementando os seus contidos a media que se desenvolvan as actuacións previstas na Memoria Dixital de Galicia, unha iniciativa para crear un novo modelo de xestión e conservación do patrimonio cultural galego baseado nas TIC para asegurar a súa conservación, a súa difusión e a súa accesibilidade desde calquera lugar do mundo.
Esta estratexia impulsada desde o ámbito público, a través da Consellería de Cultura, Educación Ordenación Universitaria e a AMTEGA, en colaboración coa sociedade galega e con todos os axentes implicados na xestión do patrimonio cultural galego.
A Memoria Dixital de Galicia aséntase en varias medidas, xa en marcha, vinculadas á dixitalización e difusión do patrimonio cultural galego como a posta en funcionamento o pasado ano do Arquivo Electrónico Patrimonial; a Biblioteca Dixital de Galicia, Galiciana; o proxecto transfronteirizo Geoarpad, que permitirá xeolocalizar o patrimonio material e inmaterial de Galicia e o norte de Portugal; ou a dixitalización de preto de 370.000 imaxes e documentos do catastro do Marqués da Ensenada e do diario El Pueblo Gallego.

Categorías: Ciencia

Nova canle de axuda para facilitar o uso dos principais servizos de eAdministración da Xunta

códigocero - Lun, 12/11/2017 - 12:18

O portal da Xunta activou nos pasados días o soporte técnico eServizos para axudar aos cidadáns nas súas xestións online a través da sede electrónica e no uso de Chave 365, notifica.gal e a sala de sinaturas. Está dispoñible a través do espazo eServizos de xunta.gal e ofrece asistencia en liña, guiando a usuario en función das súas dúbidas; manuais de axudas e respostas a preguntas frecuentes, así como avisos en caso de interrupción destes catro servizos da Administración electrónica.
Con esta nova canle de axuda en liña búscase facilitar o uso destes servizos dixitais, cuxa porta de entrada é xunta.gal. O portal autonómico ten unha media anual de 6 millóns de visitas, das que máis do 18% proceden xa de redes sociais e máis dun 43% se realizan a través de dispositivos móbiles.
Actualmente, o catálogo de portais e redes sociais da Xunta suma a día de hoxe 250 sitios web e 287 canles en redes sociais, que contan con máis de 1,3 millóns de seguidores.

Categorías: Ciencia

¿Cómo se formaron los agujeros negros más antiguos del universo?

Investigación y Ciencia - Lun, 12/11/2017 - 00:00
¿Se originaron antes o después que las primeras estrellas? Un estudio propone cómo usar la futura generación de detectores de ondas gravitacionales para responder a esta pregunta.
Categorías: Ciencia

¿Cómo se formaron los agujeros negros más antiguos del universo?

Investigación y Ciencia - Lun, 12/11/2017 - 00:00
¿Se originaron antes o después que las primeras estrellas? Un estudio propone cómo usar la futura generación de detectores de ondas gravitacionales para responder a esta pregunta.
Categorías: Ciencia

Grandes obras hidráulicas del Neolítico en China

Investigación y Ciencia - Dom, 12/10/2017 - 00:00
La cultura de Liangzhu supo ya cómo dirigir en grandes cantidades el agua del Yangtsé a sus arrozales. ¿Establecieron así un hito político y social para muchas culturas asiáticas posteriores?
Categorías: Ciencia

Grandes obras hidráulicas del Neolítico en China

Investigación y Ciencia - Dom, 12/10/2017 - 00:00
La cultura de Liangzhu supo ya cómo dirigir en grandes cantidades el agua del Yangtsé a sus arrozales. ¿Establecieron así un hito político y social para muchas culturas asiáticas posteriores?
Categorías: Ciencia

¿El fin de los programas específicos para jugar al ajedrez?

Investigación y Ciencia - Ven, 12/08/2017 - 00:00
El programa AlphaZero aprende por sí mismo a jugar al ajedrez y se convierte en un contendiente fortísimo, capaz de imponerse al mejor programa específicamente diseñado para jugar al ajedrez.
Categorías: Ciencia

¿El fin de los programas específicos para jugar al ajedrez?

Investigación y Ciencia - Ven, 12/08/2017 - 00:00
El programa AlphaZero aprende por sí mismo a jugar al ajedrez y se convierte en un contendiente fortísimo, capaz de imponerse al mejor programa específicamente diseñado para jugar al ajedrez.
Categorías: Ciencia

Google achéganos respostas de celebridades en vídeos captados co móbil

códigocero - Xov, 12/07/2017 - 22:30

A versión móbil de Google en EE.UU. (en inglés) está a sorprender cunha curiosidade que serve para achegar ao público a celebridades do cine e da televisión, de xeito que cando preguntamos cousas sobre eles, en vez de atopar como resposta un artigo dun medio de comunicación ou unha páxina da Wikipedia teremos á propia persoa respondendo en vídeos ao máis puro estilo selfie, ou sexa, que buscan dar un toque persoal ao ofrecer gravacións en vertical tomadas cun smartphone.
Este experimento de Google conta actualmente con Priyanka Chopra (Quantico), Will Ferrell (Saturday Night Live), Tracee Ellis Ross (Black-ish), Gina Rodríguez (Jane the Virgin), Kenan Thompson (Starday Night Live), Allison Williams (Déjame salir), Nick Jonas (Jonas Brothers), Mark Wahlberg (El Planeta de los Simios), James Franco (Oz, un mundo de fantasía), Seth MacFarlane (Padre de Familia), o artista Jonathan Yeo e o cociñeiro Dominique Ansel, de quen poderemos coñecer diferentes anécdotas narradas en primeira persoa. Unha vez que chegamos a unha resposta dunha celebridade, podemos desprazarnos mediante xestos por todas as demais que gravou, polo que practicamente poderiamos estar vendo unha entrevista da que as preguntas foron elaboradas por unha enorme base de afeccionados.
Polo momento só teñen unha mostra do que poden ofrecer este tipo de respostas en vídeo, adiantando que nos vindeiros meses terán moitos máis contidos de celebridades.

Categorías: Ciencia

Un estudo confirma a Movistar como o mellor operador en relación calidade-prezo

códigocero - Xov, 12/07/2017 - 19:00

A Unión de Consumidores de Galicia dá a coñecer os resultados do seu XV Observatorio de calidade-prezo dos operadores de telecomunicacións de fixo e móbil, baseado en datos oficiais, no que Movistar consegue un ano máis situarse como o primeiro operador cunha puntuación global dun 8,23, seguida moi de preto por Euskaltel no País Vasco cun 8,20. En contraste temos que R perdeu máis dun punto dende o estudo do ano pasado, quedando nun 6,79. En vista desta situación dende UCGAL confían en que das dinámicas de Euskaltel poidan trasladarse a R e Telecable, compañías que agora pertencen ao mesmo grupo.
No que a calidade da Internet se refire, Movistar, Ono e Euskaltel quedan por enriba dos 7 puntos, mentres que Vodafone, Orange e Jazztel non chegarían ao 6. En asistencia técnica Orange sería a peor compañía, tardando 5 días en reparar unha avaría, seguida por Telecable con 4 días. Vodafone e R, pola súa banda veríanse penalizados pola porcentaxe de avarías por liña (un 4%). Sorprendentemente Movistar presenta un 5% de avarías por liña, volume pouco habitual para este operador (que, por outra banda, soluciona o 98% das avarías en 48 horas).
No relativo ás reclamacións, no ámbito móbil destaca que R supera o 2% de taxa de reclamacións, tardando uns 10,14 días en resolvelas, de xeito que sería a peor compañía do Estado neste ámbito (Vodafone, tamén cun 2%, solucionaría as reclamacións en menos de 4 días).

Táboa comparativa do estudo
Categorías: Ciencia

Qualcomm presenta a plataforma móbil Snapdragon 845

códigocero - Xov, 12/07/2017 - 14:12

Qualcomm adianta o que será a plataforma Snapdragon 845, que en 2018 converterase no estándar nos smartphones de gama alta, e que suporá un desempeño un 25% maior que na xeración actual no que a procesador se refire, incorporando tamén melloras que facilitarán solucións de realidade virtual ou captura de vídeo en ultra alta definición con HDR.
Un dos elementos chave da nova plataforma é o modem LTE X20, que permite velocidades de descarga de até 1,2 Gbps, de xeito que superaría as ofertas comerciais de fibra óptica (aínda que en velocidade de subida o límite queda nun máis que solventes 150 Mbps), aínda que non serán poucos os consumidores que agradezan máis a introdución da tecnoloxía Quick Charge 4+ (capaz de completar o 50% da carga da batería do móbil en só 15 minutos).
De cara ao usuario tamén é moi importante a cámara, polo que agora Qualcomm fará uso do ISP Spectra 280, que será capaz de capturar até 60 imaxes por segundo de 16 Mpíxeles, disparar fotografías de 16 Mpíxeles con dobre cámara ou 32 Mpíxeles cunha única cámara, acelerar por hardware o recoñecemento facial, soportar sensores de profundidade e gravar vídeo con HDR ou incluso permitir capturar vídeo en cámara lenta até a 480 imaxes por segundo (a 720p).
Tamén pode salientarse que a nova plataforma poderá funcionar con pantallas 4K a 60 fotogramas por segundo e incluso con cascos de realidade virtual (con 2 pantallas de 2.400 x 2.400 píxeles a 120 imaxes por segundo). Non faltarán o soporte de Wi-Fi AD, Bluetooth 5 ou do codec de audio Aqstic.
En definitiva, un importante salto adiante que concretarase nos primeiros meses de 2018.

Categorías: Ciencia

Amazon Prime Video estréase no Apple TV

códigocero - Xov, 12/07/2017 - 12:41

Nas últimas horas os usuarios de dispositivos Apple TV de terceira xeración ou superior estrearon a posibilidade de instalar a aplicación oficial de Amazon Prime Video, servizo de vídeo baixo demanda que ofrece Amazon aos seus subscritores do servizo de entregas urxentes sen custo adicional, facilitando así a reprodución dun emerxente catálogo de series de televisión, películas e incluso algún programa orixinal (como o espazo de motor The Grand Tour, un importante reclamo deste servizo).
En EE.UU. Amazon Prime Video tamén inclúe retransmisións deportivas en directo, de aí que o incremento de dispositivos dende os que estea dispoñible resulta tan interesante para os consumidores, aínda que cómpre lembrar que a principal carencia do servizo é a política de Amazon contra dispositivos de vídeo de Google, ou sexa, contra o Chromecast, facendo moi complicado o acceso aos seus contidos en moitos escenarios, aínda que nos últimos meses a situación mellorou moito grazas á estrea de aplicacións oficiais para PS4 e Xbox One.
No caso da última versión de Apple TV o servizo de Amazon Prime Video é especialmente interesante xa que inclúe contidos en ultra alta definición (4K), de xeito que pódese así tirar proveito da elevada resolución dos novos televisores e incluso do soporte de HDR, conseguindo así unha calidade de imaxe impresionante que por fin pode gozarse no Apple TV 4K (tras unha actualización que soluciona problemas coa interpretación dos formatos de HDR).

Categorías: Ciencia

Papá Noel comunicarase coa infancia galega por videoconferencia

códigocero - Xov, 12/07/2017 - 12:18

Entre os días 11 e 21 de decembro preto de 1.600 alumnos de educación infantil de 32 concellos de Galicia poderán realizar as súas peticións de Nadal a Papá Noel grazas á rede de videoconferencia das aulas CeMIT, presentes en todas as comarcas galegas.
Os escolares de Educación Infantil de Betanzos, Celanova e Barreiros serán os primeiros que reciban esta visita nas aulas CeMIT destes concellos. Este intercambio de mensaxes comezará o luns 11 de decembro a partir das 11 da mañá, cunha duración de media hora en cada aula.
Nos seguintes días, ata o 21 de decembro inclusive, conectarán con Laponia as aulas CeMIT de Abegondo, Bande, Beariz, Boiro, Burela, A Cañiza, Carballedo, Castro Caldelas, Catoira, Cerceda, Ferrol, Fisterra, A Fonsagrada, Leiro, Marín. Muros, Ourense, Ortigueira, Oroso, Pontedeume, As Pontes, Quiroga, Ribeira, Santa Comba, Sarreaus, Valga, O Vicedo, Vilagarcía, Vimianzo e Xunqueira de Ambía, ata completar así as 32 localidades que recibirán a visita virtual do noso Papá Noel.
Ademais dos alumnos de educación infantil dos diferentes colexios de Galicia, tamén terán a posibilidade de solicitar en directo os seus agasallos a Papá Noel o alumnado do Centro Pai Menni de persoas con discapacidade de Betanzos e as persoas con trastorno do espectro autista da Asociación Bata de Vilagarcía de Arousa
O obxectivo desta actividade, que neste ano cumpre o seu décimo aniversario, é facilitar a comunicación entre Papá Noel e os nenos e nenas destas localidades, que poderán falar e interactuar con el poucos días antes da Noiteboa.
Con este tipo de experiencias, a Rede CeMIT da Xunta de Galicia busca converter estas aulas multimedia en puntos de encontro dos municipios e dar a coñecer todas as posibilidades que ofrece este tipo de espazos de comunicación e a tecnoloxía da que dispoñen.

Categorías: Ciencia

¿Derecha o izquierda? La dominancia manual aparece antes de nacer

Investigación y Ciencia - Xov, 12/07/2017 - 00:00
En concreto, a las dieciocho semanas de gestación. El hallazgo podría contribuir a la detección precoz de trastornos como la depresión o el autismo.
Categorías: Ciencia

¿Derecha o izquierda? La dominancia manual aparece antes de nacer

Investigación y Ciencia - Xov, 12/07/2017 - 00:00
En concreto, a las dieciocho semanas de gestación. El hallazgo podría contribuir a la detección precoz de trastornos como la depresión o el autismo.
Categorías: Ciencia

Nuevo cálculo de los ritmos de las supererupciones: no nos es favorable

Investigación y Ciencia - Mér, 12/06/2017 - 00:00
Cada 17.000 años podría haber una de estas gigantescas erupciones volcánicas capaces de amenazar a una civilización; es una frecuencia mayor de la que se creía que tenían.
Categorías: Ciencia

Microsoft anuncia os primeiros portátiles con Windows 10 baseados en procesadores ARM

códigocero - Mar, 12/05/2017 - 23:30

Hai xa un ano do anuncio de Microsoft de que estaba a preparar unha versión de Windows 10 para procesadores ARM que non sería a volta a Windows RT (que só funcionaba con aplicacións universais) senón que sería un sistema operativo completo que tiraría proveito das posibilidades dos equipos con ARM de cara ao seu uso en mobilidade; e finalmente a promesa concretouse nunha realidade, e hoxe presentan novos equipos de HP e Asus que dende a compañía de Redmond definen como ordenadores sempre conectados.
Deste xeito faise realidade algo que xa acontecía no mundo das tabletas: equipos que poden acender ao momento, que están sempre conectados á Rede e que gozan dunha grande autonomía. Para que isto puidese ser realidade Microsoft colaborou con HP e Asus para prepara un par de equipos con procesadores Qualcomm Snapdragon que corren Windows 10 e contan cunha versión optimizada de Office 365, levando os ordenadores persoais a un novo nivel. Tamén adiante que Lenovo tamén prepara un ordenador portátil nesta liña.
Estes novos ordenadores portátiles presumen dunha pantalla que se acende ao momento, de xeito que non hai que esperar a que se inicie o sistema operativo para comezar a traballar; están equipados con conectividade móbil, de xeito que poden estar sempre conectados á Rede; e a súa batería permitiría a moitos usuarios ter que recargar só a súa batería unha vez á semana (evitando ter que andar cargando cun adaptador de corrente en usos esporádicos).
Dende Microsoft confían en que este novo tipo de dispositivos teñan unha importante implantación nas empresas, facilitando novos xeitos de traballo, xa que tense a versatilidade dos dispositivos móbiles no formato dun ordenador portátil tradicional, de xeito que son moi aptos para labores de produtividade.
Os dous primeiros equipos en funcionar con Windows 10 para ARM serían o Asus NovaGo e o HP Envy x2. O portátil de Asus sería o primeiro portátil do mercado con Gigabit LTE (de xeito que sería capaz de descargar unha película de 2 horas en 10 segundos a través dunha conexión móbil), funciona cun procesador Qualcomm Snapdragon 835 con X16 LTE, e a súa batería pode aguantar até 30 días en espera e 22 horas de uso activo. Pola súa banda o equipo de HP confórmase con 4G LTE2 e unha batería cunha autonomía de até 20 horas de uso (tendo este equipo un formato semellante ao dos Surface Pro de Microsoft, ou sexa, que funciona con funda-teclado e lapis dixitalizador). Espérase que estes equipos saian á venda na primeira metade de 2018 a un prezo que estaría no contorno dos 600 dólares.

Vídeo promocional dos ordenadores sempre conectados

Categorías: Ciencia

Páxinas

Subscribirse a IGACIENCIA lector de novas