Agregador de novas

Filtran á Rede o vindeiro episodio de Game of Thrones

códigocero - Ven, 08/04/2017 - 15:49
A copia filtrada do vindeiro episodio da serie de HBO presenta unha calidade de imaxe semellante á do HBO e con sobreimpresións en pantalla que fan que a súa visualización sexa pouco aconsellable

Pese a que as informacións que daban sobre a enorme filtración que está a padecer a HBO, e que promete continuar nos vindeiros días, apuntaban a que os contidos relativos ao vindeiro episodio de Game of Thrones limitábanse ao seu guión (do que circula un borrador dende hai varios días) finalmente apareceu na Rede unha copia do episodio completo, que pese a ter unha calidade bastante baixa, é dabondo como para animar aos entusiastas a ver o capítulo de xeito anticipado, o que podería estragar varias sorpresas aos seareiros da serie que prefiran esperar ao vindeiro luns para ver esta nova entrega da ficción de George R. R. Martin como corresponde.
A copia en circulación correspondería a un vídeo para uso interno (como reza unha sobreimpresión de texto na súa parte superior esquerda) e incluso presenta en pantalla unha liña de tempo, pero o que resulta especialmente lamentable é que o vídeo está nunha resolución de 640 x 360 píxeles cunha compresión moi forte (de feito, o ficheiro só pesa 291 MB) de xeito que carece de nitidez e estaría incluso bastante por debaixo do que se entende como SD, no que podemos considerar unha calidade próxima ao VHS, de aí que é máis que recomendable desaconsellar o seu visonado a tan poucos días da súa estrea en alta definición.
En calquera caso recomendamos que os seareiros de Game of Thrones procuren evitar ler información sobre a serie durante a fin de semana se queren evitar os temidos spoilers que sen dúbida circularán masivamente polas redes sociais como consecuencia da impaciencia duns poucos.

Categorías: Ciencia

A Deputación da Coruña formará 15 profesionais en desenvolvemento de aplicacións

códigocero - Ven, 08/04/2017 - 12:56

A Deputación da Coruña vén de achegar detalles sobre o seu programa de formación e prácticas para menores de 30 anos en concellos de menos de 50.000 habitantes, un programa que asenta unha parte importante do seu contido nas novas tecnoloxías da información. Este proxecto, chamado Estratexia de Inserción Xove (EIXO), ten como obxectivo principal incrementar a inserción laboral dos mozos e mozas da provincia, “aumentando a súa capacitación nos sectores con máis demanda de profesionais cualificados”.
EIXO ofrecerá nove itinerarios distintos que, ademais da formación profesional e prácticas específicas de cada sector, contarán con módulos transversais de sensibilización á igualdade, prevención de riscos laborais, tecnoloxías da información e da comunicación, redes sociais e inglés profesional. Isto acompañarase con dispositivos de orientación, formación e inserción. En termos concretos, cada participante contará con este tipo de asesoramento a longo de 100 horas como mínimo.
Dentro do proxecto, haberá dous itinerarios de formación e prácticas en actividades auxiliares de almacén, cun total de 30 prazas e 522 horas.
No eido da informática e as telecomunicacións, no itinerario de desenvolvemento de aplicacións con tecnoloxías web formaranse 15 profesionais, que realizarán un programa formativo de 845 horas, incluíndo 80 horas de prácticas profesionais en empresas.
Así mesmo, desenvolveranse outras dúas edicións dun itinerario de limpeza en espazos abertos e instalacións industriais, que contarán con 15 prazas en cada un e un total de 452 horas, 40 delas de prácticas profesionais. Igualmente, ofreceranse dúas edicións de formación para a obtención do carné e o certificado profesional para o transporte de mercancías por estrada. Neste caso, o número de horas será 320.
Doutra banda, haberá un itinerario de coordinación de servizos de socorrismo en instalacións e espazos naturais acuáticas, con prazas para 15 persoas e unha duración de 1.070 horas.
Por último, o proxecto EIXO contará tamén cun itinerario específico de 760 horas de prácticas profesionais en sectores emerxentes.

Categorías: Ciencia

Acusan ao mozo que freou o WannaCry de ter creado un troiano bancario

códigocero - Ven, 08/04/2017 - 11:27

O experto de seguridade británico de 23 anos que converteuse en toda unha celebridade ao saberse que atopou o interruptor de apagado dunha das variedades do ransomware WannaCry, Marcus Hutchins, máis coñecido polo seu alcume MalwareTech, tras acudir á conferencia de seguridade informática DefCon en Las Vegas foi arrestado polo FBI, operación que durante as primeiras horas provocou bastante confusión pola falta de información das autoridades, pero finalmente sóubose que as autoridades estadounidenses acusan a Hutchins de ter axudado a crear e distribuír o troiano bancario Kronos entre xullo de 2014 e xullo de 2015.
O escrito de acusación sitúa a Hutchings como o segundo integrante da conspiración na que terían anunciado a dispoñibilidade de Kronos en foros en liña e vendido o malware a través de AlphaBay a prezos de 3.000 e 2.000 dólares (aínda que hai medios que falaban de que inicialmente o malware vendíase a 7.000 dólares).
Haberá que ver como evoluciona a situación, pero xa hai quen apunta o feito de que en xullo de 2014 Hutching pedía por Twitter mostras do malware que agora o acusan de ter creado.

Categorías: Ciencia

Santiago acolle en outubro a cuarta xornada de usuarios galegos de R

códigocero - Ven, 08/04/2017 - 11:03

Á volta do verán temos unha nova cita en Compostela coa ferramenta libre R, un software desenvolvido en orixe para a análise estatística e a creación de gráficos pero con gran potencial, a día de hoxe, para numerosos ámbitos científicos e empresariais relacionados coa estatística e o cómputo. A cita de Santiago, a cuarta Xornada de Usuarios de R en Galicia, celebrarase na aula magna da Facultade de Matemáticas de Santiago, o 19 de outubro. Está dirixida principalmente á cada vez máis importante comunidade galega de usuarios de R, que abrangue xa todo tipo de eidos: empresarial, académico, investigador, administracións, etc.
Para as persoas interesadas en participar, dicirlles que xa está aberto o prazo para presentar relatorios e obradoiros. Podemos facelo a través do formulario específico de envío de propostas. O prazo fica aberto até o 1 de setembro. Unha semana despois o comité seleccionará as propostas e notificará aos participantes a fin de conformar o programa definitivo da xornada.
O obxectivo destas xornadas é promover o coñecemento arredor do software R e as súas posibilidades de uso, achegando un foro de debate e de intercambio de coñecemento e, tamén, facendo o posíbel por estreitar as ligazóns da comunidade de usuarios de R. Ademais preténdese tamén fomentar o traballo colaborativo e multidisciplinar propio do ámbito da investigación e do software libre.
A IV Xornada de usuarios de R en Galicia volve ser organizada novamente Oficina de Software Libre do CIXUG, no marco do convenio de colaboración asinado entre a AMTEGA e a Oficina de Software Libre do CIXUG para a realización de actividades de fomento do software libre en Galicia que forman parte do Plan de Acción en Software Libre 2017.

Categorías: Ciencia

LastPass dobra o prezo do seu plan Premium

códigocero - Ven, 08/04/2017 - 10:30

Cada vez que se produce unha serie intrusión informática lémbrase a necesidade de ter unha boa política de contrasinais, para o que contribúen seriamente os xestores de contrasinais como LastPass, que o ano pasado deu un importante salto ao mellorar o seu plan de balde ofrecendo a posibilidade de sincronizar contrasinais en varios dispositivos sen pasar por caixa, o que de seguro que captou novos usuarios, pero agora o servizo está a experimentar un profundo cambio que pode supor unha grande crise para a compañía, xa que decidiron dobrar o prezo do seu plan Premium, que pasa de 12 a 24 dólares/ano (o que xa está a provocar unha resposta moi negativa en redes sociais).
Cómpre lembra que o competidor máis directo de LastPass, 1Password ten un prezo de 2,99 dólares/mes (facturados anualmente), de xeito que o prezo é LastPass sería máis que competitivo, pero a xogada de incrementar o prezo un 100% é demasiado brusca, aínda que agora LastPass tamén prepara a oferta un novo servizo que en moitos casos podería paliar a suba de prezos: LastPass Families. Este novo servizo familiar incluirá 6 licenzas de LastPass Premium por 48 dólares/ano, de xeito que para grupos de 4 usuarios terían as mesmas tarifas que o ano pasado e para 5-6 usuarios incluso resultaría máis barato.
O plan de balde de LastPass continúa a permitir as funcións básicas de gardado e completado de contrasinais, xerador de contrasinais seguros, identificación multi-factor e acceso dende varios dispositivos; pero os usuarios que queiran gozar de funcións avanzadas, a posibilidade de empregar o xestor de contrasinais con aplicacións e gozar de 1 GB de almacenamento cifrado de ficheiros terán que pagar un par de dólares ao mes.

Categorías: Ciencia

A Deputación de Pontevedra terá seu propio Street View para a xestión das súas estradas

códigocero - Ven, 08/04/2017 - 10:13

A Deputación de Pontevedra quere botar man das novas tecnoloxías para crear unha nova e exhaustiva base de datos sobre a rede de estradas de titularidade provincial. Máis en detalle, o que busca é elaborar un catálogo-inventario que permita, entre outras cousas, facer consultas da rede viaria e dos seus treitos con imaxes de 360º, en tempo real, abranguendo vistas non só das estradas en si mesmas senón de todos os elementos que as acompañan. Ao fío destes requirimentos, a Deputación xa recibiu cinco ofertas de empresas interesadas en facer os traballos. Segundo explicou o deputado de Mobilidade Uxío Benítez, o orzamento de licitación para este novo rexistro é de 217.195 euros.
Amais de permitir imaxes pormenorizadas, o proxecto incorporará un software para traballar con datos de sinistralidade, de tráfico e auscultación que permitirán “unha xestión máis eficiente, ademais da posibilidade de xerar buscas ou informes por items”.
A Deputación tamén informou de que o mércores 9 de agosto está previsto abrir os sobres coas ofertas técnicas presentadas por Ingeniería Insitu, Cotesa, Relieve MDC, AMAC Europa, S.L. e Applus Control, que deberán ser valoradas pola equipa do departamento de Mobilidade. O deputado explicou que a entidade provincial pretende actualizar o inventario, “xa que o actual data de 2004 e está totalmente desactualizado tanto dende o punto de vista da información que manexa como dende a utilización das novas tecnoloxías”. A intención é adxudicar os traballos no outono para poñer en marcha a aplicación doce meses despois, “prazo necesario para realizar a implantación do novo catálogo”. En palabras de Benítez, “trátase dunha ferramenta complementaria ao labor dos técnicos, e tamén moi importante para realizar todas as labores de conservación e mantemento precisas”.
No contrato establécese que “deberá haber unha recollida de datos en campo con captura de imaxes dixitais, así como un levantamento topográfico mediante escaneado con láser móbil sobre vehículo dos 1.700 quilómetros de viario provincial”. O devandito levantamento, que servirá de base cartográfica, poderá ser utilizado mesmo “para a elaboración de futuros proxectos de mellora das estradas”, engadiu a Deputación.
Mediante a ferramenta informática, o usuario poderá situarse en calquera punto de calquera treito e percorrer cada estrada provincial visualizándoa mediante un simulador de vídeo cun paso mínimo de 10 metros. A aplicación deberá conter e xestionar de xeito sincronizado un visor panorámico tipo Street View no que se poidan ver 360º as fotografías inventariadas, un visor panorámico 3D no que se poida visualizar a nube de puntos do levantamento topográfico, e un visor en planta 2D cos elementos inventariados e a cartografía asociada de xeito similar a Google Maps.

Categorías: Ciencia

Ancient genomes shows how maize adapted to life at high altitudes

Nature - Ven, 08/04/2017 - 02:25

Changes to flowering times helped the staple crop spread into new areas thousands of years ago.

Nature News doi: 10.1038/nature.2017.22403

Categorías: Ciencia

Cosmic map reveals a not-so-lumpy Universe

Nature - Ven, 08/04/2017 - 02:25

Odd results could still be consistent with the 'standard model' of cosmology.

Nature News doi: 10.1038/nature.2017.22413

Categorías: Ciencia

LinkedIn Lite chega a máis de 60 países

códigocero - Xov, 08/03/2017 - 22:23

Tanto para usuarios con móbiles básicos ou con conexións á Internet deficientes resultan moi atractivas as versións Lite ou lixeiras de moitas aplicacións de plataformas como Facebook ou YouTube, e entre a colección de apps que reciben este tratamento destaca agora LinkedIn, que abriu hoxe LinkedIn Lite a máis de 60 países en vías de desenvolvemento (concretamente de África e Asia).
Nunha serie de mercados a versión lixeira de LinkedIn só está dispoñible vía web, mentres que na meirande parte está xa dispoñible como aplicación para Android, destacando por ocupar só 1 MB, o que é máis que suficiente para permitir localizar traballos e establecer conexións con outros usuarios.
LinkedIn Lite non só ocupa menos no móbil, senón que tamén consegue descargar até 5 veces máis rápido (pois reduce o consumo de datos até un 80%) o que será de grande utilidade especialmente nos países nos que esta plataforma social profesional busca gañar usuarios para trasladar o éxito que consegue en mercados como o europeo e o norteamericano.
Polo momento non está previsto que LinkedIn Lite estea dispoñible dende España, pero é probable que co tempo rematen abrindo a aplicación a todo o mundo, por considerarse que calquera territorio é susceptible de ter zonas cunha banda larga deficiente.

Categorías: Ciencia

As historias de Facebook preparan a súa chegada ao escritorio

códigocero - Xov, 08/03/2017 - 20:18

Comezamos a semana dando conta de que as historias de Facebook xa podían configurar a súa privacidade para estar dispoñibles de xeito público e non só limitadas aos amigos, e agora dende TechCrunch informan de que as historias de Facebook estarían a dar o salto (cando menos en probas) á versión de escritorio da plataforma, ou sexa, que non se limitarían á aplicación móbil.
Na versión web de Facebook as historias non ocuparían un lugar tan destacado como no móbil, senón que quedarían relegadas á columna da dereita da páxina web, dende a que poderiamos ver as fotografías e os vídeos que os nosos amigos compartan de xeito efémero (pois desaparecen 24 horas despois da súa publicación).
Haberá que ver como funcionan as historias neste novo contorno, pero polo momento as historias que realmente son efectivas son as de Instagram, que conseguen aglutinar a 250 millóns de usuarios ao día, superando claramente aos 166 millóns de usuarios de Snapchat (servizo co que querían competir) de xeito que a compañía de Mark Zuckerberg conseguiu un éxito impresionante, quedando agora pendente de ver se conseguen arrastrar a tendencia do móbil ao PC (o que podería axudar tamén a que as historias de Facebook teñan algo máis de uso, pois actualmente están consideradas un rotundo fracaso, como resulta evidente cando abrimos a aplicación móbil e vemos que a meirande parte do espazo reservado para as historias aparece en branco).

Categorías: Ciencia

TokApp plántalle cara a WhatsApp adaptando a súa aplicación de mensaxes a empresas e administracións

códigocero - Xov, 08/03/2017 - 19:30

A empresa TokApp, responsábel da aplicación do mesmo nome destinada a mellorar e ampliar a nosa experiencia comunicativa, vén de declararlle a guerra ao servizo de mensaxes instantáneas WhatsApp. Ou mellor dito: aos problemas de toda índole que se poden derivar dunha centralización parcial dun colectivo arredor do WhatsApp. A principal baza de TokApp é precisamente a súa aplicación para os ámbitos escolares, TokApp School, presente en centros educativos dunha manchea de provincias (máis polo miúdo en máis de 2.000 colexios e formando unha comunidade de medio millón de usuarios). A idea da firma viguesa é adaptar esta tecnoloxía ás institucións públicas e privadas.
Con esta adaptación, engade a empresa, acabaríase con boa parte das complicacións derivadas do devandito servizo de mensaxes instantáneas, sobre todo para os administradores de grupos. Cousas como respostas masivas, confirmacións aleatorias, persoas non len unha mensaxe e “unha longa listaxe de inconvenientes que fan que a interacción coas persoas sexa máis e máis difícil”, sinala TokApp, engadindo que estes quebradeiros de cabeza, de seren aplicados ao ámbito dunha asociación ou un concello, non farían máis que ir máis. “Se organizar uns aniversarios de 10 amigos convértese nun debate de semanas, imaxina propor un evento de 200.000 veciños”, comentan dende TokApp.
Segundo explica o conselleiro delegado da firma galega, Javier Romero, “a idea partiu dalgunhas provincias nas que TokApp school estaba moi presente, onde as asociacións nos preguntaron se eles tamén podían utilizar a aplicación para comunicarse, alén dos ámbitos escolares”. A conclusión, engade, “é que nos decatamos de que tanto os concellos como as asociacións teñen o mesmo problema de comunicación: centralizar aos seus integrantes nun mesmo medio comunicativo”. Con TokApp, di Romero, “xa tiñan á gran parte de usuarios dispoñíbeis”.
Algunhas das vantaxes que achega TokApp son que reduce o tempo de xestión na comunicación mellorando a atención a clientes, empregados e asociados, así como o factor privacidade de datos que pon ao alcance dos usuarios, “cunha rápida posta en marcha do servizo e con mensaxes ilimitadas”.
A devandita adaptación a institucións públicas e empresas xa é unha realidade en administracións como o Concello de Llaneras, que ofrece a posibilidade de subscribirse ás novas da área de cultura, deportes, mocidade e emprego, permitindo tamén que os cidadáns utilicen os seus servizos por toda a comunidade.

Categorías: Ciencia

'Autistic' mice make littermates less social

Nature - Xov, 08/03/2017 - 18:36

Mice genetically engineered to show autism-like symptoms can affect behaviour of unmodified animals when the two are kept together.

Nature News doi: 10.1038/nature.2017.22411

Categorías: Ciencia

A Mariña luguesa terá un centro integral de turismo interactivo

códigocero - Xov, 08/03/2017 - 18:35

O Consello da Xunta aprobou hoxe o proxecto de acordo polo que se autoriza a subscrición do convenio de colaboración entre Turismo de Galicia, a Axencia Galega de Desenvolvemento Rural (AGADER), a Secretaría Xeral da Presidencia e o Concello de Foz para a realización do proxecto A Mariña Virtual.
Ao abeiro deste acordo, a Administración autonómica achegará máis de 240.000 euros para a posta en marcha desta iniciativa, que incluirá un centro integral de turismo da Mariña luguesa, onde, a través dunha visualización tridimensional e interactiva, se presentará o territorio aos visitantes dunha maneira detallada e ordenada.
Este centro estará localizado no edificio do CENIMA (Centro de Interpretación da Mariña), no concello de Foz e permitirá achegar ao visitante todo o potencial deste territorio, interactuando con personaxes históricos, viaxando no tempo e na historia a través de tecnoloxías avanzadas de realidade aumentada, montaxes 3D, videogravación inmersiva e tamén a través de realidade virtual.
Este convenio enmárcase no traballo da Administración autonómica pola promoción turística dos recursos diferenciadores de Galicia, como o é a costa galega, así como por impulsar a innovación turística e as novas tecnoloxías e tamén por promover e coordinar o desenvolvemento rural en Galicia.
Todos estes aspectos están recollidos na Estratexia do turismo de Galicia 2020, a folla de ruta transversal e participativa do turismo galego para os vindeiros catro anos que conta cun investimento de preto de 240 millóns de euros en catro anos, e que recolle de xeito transversal estes asuntos nas súas 11 liñas estratéxicas.
O proxecto permitirá coñecer dun modo diferente da man das novas tecnoloxías esta zona de Galicia, un xeodestino, o da Mariña luguesa, que abarca os concellos de Alfoz, Barreiros, Burela, Cervo, Foz, Lourenzá, Mondoñedo, Ourol, A Pontenova, Ribadeo, Trabada, O Valadouro, O Vicedo Viveiro e Xove.

Categorías: Ciencia

Lugo investiu 3,6 millóns de euros en fomentar o emprego pola vía tecnolóxica e innovadora

códigocero - Xov, 08/03/2017 - 18:20
A concelleira de Economía e Emprego Ana Prieto nunha rolda de prensa recente

O Concello de Lugo fixo reconto hoxe das súas medidas destinadas a fomentar o emprego a través da innovación e as novas tecnoloxías. A máis recente destas medidas é o obradoiro de emprego denominado TIC-Arqueolóxico, que conta cun orzamento de 224.000 euros e que ten como obxectivo a posta en valor e comunicación do patrimonio arqueolóxico de Lugo, ao mesmo tempo que se facilita a formación de 16 persoas desempregadas maiores de 18 anos. Ademais, o TIC-Arqueolóxico está encamiñado a impulsar a actividade no Vello Cárcere, centro que conta precisamente cun espazo dedicado á arqueoloxía.
Este obradoiro ten unha duración de nove meses e todo apunta a que arrincará a finais de setembro. Entre as diferentes especialidades formativas a impartir coas que conta atópase a dixitalización en 3D de bens móbeis e inmóbeis do patrimonio histórico e arqueolóxico do municipio, a elaboración de diversas programacións culturais para desenvolver no Vello Cárcere e a creación dunha canle cultural.
Amais desta actividade formativa e dinamizadora, o Concello de Lugo tamén ten abertas outras frontes a prol do emprego, constituíndo todas elas un programa de oito proxectos con 3,6 millóns de euros investidos no que vai de lexislatura (dous anos de Goberno). Segundo apuntou o Consistorio, o devandito orzamento significa que se investiron 529 euros por persoa desempregada. O programa acubilla (entre outras) iniciativas como o Inicia Coworking (pensado para dar asesoramento a 260 emprendedores), o obradoiro EmpregaTIC (que abriu oportunidades laborais a máis de 15 mozos e mozas en materia de novas Tecnoloxías da Información e Comunicación) ou o Plan Mellora Lugo, (destinado a fomentar a empregabilidade e a mellora de servizos municipais, achegando formación a 20 desempregados).
Estas achegas únense ao TIC-Arqueólico, o Lugo Cóidate (que ofrecerá formación e traballo no coidado e atención de persoas maiores, dependentes e nenos e nenas), e o Empregalia (encamiñado a proporcionar á mocidade de Lugo capacitación en sectores innovadores).

Categorías: Ciencia

Mediación Móbil, entre os elixidos para a segunda edición de Connecting for Good Galicia

códigocero - Xov, 08/03/2017 - 17:23

Xa sabemos cales van ser os proxectos apoiados pola segunda edición da iniciativa-aceleradora Vodafone Connecting for Good Galicia, impulsada pola dita operadora de telecomunicacións e pola axencia AMTEGA co obxectivo de alentar a innovación social dende o Centro de Emprendemento da Cidade da Cultura (Santiago). Ou sexa, o desenvolvemento de tecnoloxías con vocación de botar unha man, facendo fincapé en mellorar a calidade de vida (a capacitación tecnolóxica, a empregabilidade, a independencia, o benestar) de colectivos en risco de exclusión. O xurado do programa decantouse por seis proxectos, entre os que se atopa un dos premiados na última edición dos INCUVI-Emprende, Mediación Móbil, unha iniciativa dirixida a ofrecer servizos de mediación a empresas, organizacións ou particulares a través dunha páxina web, unha aplicación móbil ou unha plataforma de elearning. Os restantes proxectos son Tapper, 3DAcoustic, It!, Formadox e Sense(x).
Segundo nos conta a Universidade de Vigo, Mediación Móbil vén da man dos estudantes Ángel Torres (estudante do grao en Dereito) e Ignacio Fernández (egresado do grao en Dirección e Xestión Pública). Ámbolos dous veñen traballando nos últimos meses no desenvolvemento do seu proxecto empresarial a prol da comunicación e o entendemento (no sentido da expresión máis abeirado á resolución de conflitos), tras proclamarse como unha das dúas iniciativas premiadas no campus pontevedrés na sexta convocatoria dos premios ao emprendemento que promove a UVigo.
Segundo comentan Torres e Fernández ao fío da importancia do apoio de Vodafone e AMTEGA, “a selección para participar en Connecting for Good Galicia vainos axudar a darlle un compoñente tecnolóxico á nosa empresa”, salientan da súa iniciativa, xermolada o pasado curso no Campus de Pontevedra (ao abeiro do Curso de Especialista en Mediación) coa idea de “achegar unha forma diferente de xustiza, como é a mediación” a ámbitos como o educativo, o familiar, o empresarial e o deportivo mediante o emprego das novas tecnoloxías.
Torres e Fernández tamén enxalzan a importancia formativa da súa participación conxunta na palestra de Vodafone e AMTEGA, un programa polo que tamén son galardoados cun patrocinio de 2.000 euros outorgado pola Axencia Galega de Innovación e no que os seis proxectos escollidos polo xurado optan a unha axuda de 25.000 euros, outorgada pola Xunta, así como a un premio de 10.000 euros, que a Fundación Vodafone entregará ao proxecto que mellor incorporase os principios da accesibilidade universal.

Categorías: Ciencia

Novo número da nosa edición impresa

códigocero - Xov, 08/03/2017 - 14:25

Como todos os meses, chega outro número de Código Cero na súa edición impresa, que se pode achegar de balde nunha completa rede de puntos de distribución, podéndose descargar tamén en formato PDF ou ler en dispositivos móbiles a través da aplicación de quiosco dixital Magzter.
Nesta nova entrega achegámonos á situación actual do noso turismo con respecto á Rede. Tamén abordamos os seguintes temas:
- O CITIC pon en xogo a súa tecnología avanzada para o estudo da retina
- O CPEIG formou a maiores e pequenos en desenvolvemento e programación
- AMTEGA fai balance dos dous primeiros anos da Axenda Dixital 2020
- A Deputación de Lugo achega un novo e rendíbel sistema de aforro enerxético
- En marcha o primeiro programa de impulso empresarial de Conector Galicia
- Tek-Fest converterá Pontevedra na gran capital das tecnoloxías creativas
- Cruz Vermella, Televés e Xunta impulsan a teleasistencia avanzada para maiores
- A innovación galega segue a encher de referentes o desenvolvemento das TIC
- Achegámonos á intensa vida dixital dun referente da CRTVG, Luar
- Santiago será en datas vindeiras a capital do movemento Maker

Categorías: Ciencia

Authors retract controversial NgAgo gene-editing study

Nature - Xov, 08/03/2017 - 13:04

Researchers pull study after several failed attempts by others to replicate the findings describing a proposed alternative to CRISPR.

Nature News doi: 10.1038/nature.2017.22412

Categorías: Ciencia

A filtración da HBO inclúe moita información sensible

códigocero - Xov, 08/03/2017 - 13:01
A información filtrada partiu inicialmente da web Winter-leak.com, que en poucos minutos saturouse pola grande cantidade de tráfico recibido

Que varios episodios de series da HBO poidan circular pola Rede por mor dunha intrusión nos seus sistemas pode parecer algo moi grave nun momento como o actual, coa serie Game of Thrones en curso, pero o problema de seguridade da compañía parece estar a ter consecuencias moito peores do que se pensaba, e Variety está a dar conta do feito de que, xunto a varios episodios inéditos das súas series, entre os 1,5 TB de datos roubados figurarían milleiros de documentos internos da compañía.
Dende a HBO están a actuar rapidamente para evitar que as filtracións estean dispoñibles a través de Google e así poidan chegar ao grande público con facilidade, pero parece constatado o feito de que, aparte de contidos importantes (episodios das series Ballers, Insecure e Room 104 e incluso de Barry, serie que non verá a luz até 2018), resulta máis preocupante a enorme cantidade de información persoal dunha das directivas de HBO. Entre os datos filtrados habería nomes de usuario e contrasinais do correo electrónico, as redes sociais, numerosos servizos accesibles en liña (dende a súa entidade bancaria até a subscrición a algunha revista), números de tarxetas bancarias... en definitiva, que veñen de complicarlle a vida de xeito importante, pois a afectada terá serias complicacións para poder asegurar a súa economía persoal despois da filtración.
A filtración masiva que está a verse polo momento sería só un primeiro paso, xa que ameazan con continuar, existindo o temor de que poida ver a luz numerosa información sensible, xa que os responsables desta acción criminal parece que conseguiron acceso ás ferramentas de administracións interna da HBO, ao listado de traballadores e os seus enderezos de correo electrónico... polo que a posible información sensible á que tiveron acceso sería bastante.
No que á serie Game of Thrones, os intrusos conseguiron acceder aos guións dos episodios 3 e 4 da actual tempada, ou sexa, que dentro de poucos días perdería interese a filtración, aínda que os seareiros da serie deberán limitar a lectura en liña sobre a mesma se queren evitar incómodos spoilers.

O guión do vindeiro episodio de Game of Thrones é un dos contidos filtrados esta semana
Categorías: Ciencia

Phottic presenta as súas últimas publicacións na Feira do Libro da Coruña

códigocero - Xov, 08/03/2017 - 12:24

A Feira do Libro da Coruña vai ter vertente dixital. Máis en detalle, a vertente dixital achegada pola plataforma en liña Phottic, o proxecto de memoria dixital nacido de Abertal Networks (hoxe en día operando como start-up). Na cita no encontro editorial coruñés, contarase coa presenza dos autores de dous libros impulsados por Phottic e polo xerente de Abertal, Manuel Pan, que fará un percorrido polas orixes da plataforma, polos seus fitos recentes (xa superou as 15.000 fotografías da nosa terra dixitalizadas e acubilladas) e polo seu alto nivel de convocatoria (colaboran nesta iniciativa, achegando pegadas visuais e textuais do noso pasado, unha manchea de persoas e entidades, dende veciños e asociacións até empresas e concellos). A cita na Coruña será mañá ás 19 horas. Nela, os autores Xan Fraga e Hector Pose presentarán os seus libros De Arsenio a Arsenio e Mar de invernía.
Da primeira das obras falamos recentemente en Código Cero, salientando o seu potencial para coñecermos a fondo o período do club coruñés marcado pola fichaxe do ex xogador e ex adestrador Arsenio Iglesias, a quen o libro rende unha “humilde homenaxe” por ser Arsenio unha figura transcendental do deportivismo. O libro, destacabamos con motivo da súa presentación, constitúe ante todo unha análise pormenorizada da historia do equipo durante o devandito período e tanto pode atoparse para a súa compra nas librarías coruñesas como na tenda en liña de Phottic.

Categorías: Ciencia

En marcha unha guía de recursos sobre a nosa riqueza lúdica

códigocero - Xov, 08/03/2017 - 11:59

Se hai unha figura á que acudir cando buscamos información sobre brinquedos e actividades lúdicas populares galegas, sen dúbida esta figura é Paco Veiga, da Asociación Galega do Xogo Popular e Tradicional. Del temos falado en Código Cero para dar conta da páxina do devandito colectivo, agxpt.gal, e do seu traballo catalogando e mostrando perante o mundo máis dun cento de xogos tradicionais galegos. Tamén temos dado conta da importancia da dita web en materia de recursos e documentación sobre os nosos múltiples xeitos de xogar, incluído o catálogo de actividades lúdicas populares. Destes vimbios, precisamente, e combinando todo cun xeito participativo de facer Rede (que é, tamén, un análogo xeito de brincar) vén de xurdir a que sería a primeira base de datos en liña sobre xogos tradicionais da nosa terra. Comeza a súa andaina con máis de 200 recursos e acubilla empresas, asociacións, clubs, centros educativos e fabricantes de brinquedos. A iniciativa conta co apoio do Consello da Cultura Galega.
Segundo puidemos saber, a finalidade do proxecto é atender a necesidade crecente de información sobre a riqueza lúdica galega, unha demanda que non para de medrar e que ten o seu reflexo nas redes e nos múltiples faladoiros abertos sobre a cuestión. A iniciativa, a maiores, xorde directamente da cooperación: moitas mans cunha arela común de facer preservar o que somos e como aprendemos xogando a ser o que somos. Tralo proxecto atópanse empresas e colectivos como ETNOGA, Melga, Xotramu, Tempo de Xogar, Brinquedia ou a devandita Asociación Galega de Xogo Popular e Tradicional.
Segundo reflicte o propio Paco Veiga para Sermos Galicia, para darlle forma á base de datos houbo que ir colleitando a información aos poucos e recuperar os dados “case a conta gotas”. Engade que malia ser o patrimonio lúdico galego un dos máis ricos da Península, o xogo tradicional é un eido do que apenas hai información até comezos do século XIX e non foi até a recta final dos anos 90 do noso século cando se comezaron a pór en marcha contribucións globais. Esta liña de traballo culmina de facto coa base de dados recentemente presentada, unha “obra en permanente construción” na que podemos atopar descricións dos propios xogos ou fondos documentais e bibliográficos, amais de recursos en liña e musicais. A páxina web pode atoparse en www.xogostradicionais.gal e www.xogospopulares.gal .

Categorías: Ciencia

Páxinas

Subscribirse a IGACIENCIA lector de novas