Agregador de novas

Lalín promóvese nas redes e de maneira viral

códigocero - Lun, 07/31/2017 - 12:39

O Concello de Lalín presentou os días pasados unha nova iniciativa dirixida a impulsar os atractivos turísticos locais a través das novas tecnoloxías. Trátase dunha cápsula audiovisual dirixida, en palabras da Concellería de Turismo, a promover Lalín como destino de viaxeiros “a través das diferentes plataformas en liña e mailas redes sociais”. A idea, engadiu o concelleiro Francisco Vilariño, era lanzar unha ferramenta útil e innovadora para facer chegar “a milleiros de persoas viralizando contidos”. Máis en detalle, trátase da primeira parte audiovisual dun “lenzo” que se irá completando ao longo do ano con outras achegas. O primeiro anaco trata sobre espazos naturais e os que están por vir sobre gastronomía, cultura, castros e centro urbano. Pódese ver a través das redes sociais do Concello ou na súa canle de Youtube.
Baixo o título Lalín, un lenzo natural, esta primeira peza videográfica propón un rápido percorrido pola riqueza ambiental e paisaxística do Concello. En palabras de Vilariño, o traballo resulta “innovador e impactante pola súa indiscutíbel calidade e polo seu atractivo”, ademais de ofrecer “unha perspectiva descoñecida” de lugares como Ponte Taboada, Mouriscade ou Zobra, entre moitos outros. A idea, sinalou, é que o vídeo consiga causar abraio entre as persoas que o vexan e, ademais, prepare o terreo para que queden con ganas de máis. A intención é que funcione “como reclamo de maneira moito máis eficaz que as típicas campañas ou publicacións en papel”.
Como dixemos, o lenzo que empeza a debuxar esta primeira peza audiovisual sobre espazos naturais irase completando ao longo deste ano 2017 con outras cápsulas temáticas sobre gastronomía, cultura, castros e centro urbano, xa que “un concello cun potencial tan importante coma o noso pódese permitir o luxo de facer vídeos con temáticas diferentes concretas que conviden a quen os vexa a visitarnos e que ao mesmo tempo formen parte da nosa competa estrutura de promoción e información turística”, explicou Vilariño, que tamén recordou que o material foi realizado pola produtora Arthur Gordon, a cuxo responsábel, Emilio Fernández, quixo felicitar polo seu traballo.
Fernández, pola súa banda, afirmou que este paquete de cápsulas permitirá dar a coñecer de maneira moi visual e orixinal unha parte moi importante da enorme oferta turística de Lalín. Incidiu, asemade, en que “o obxectivo é viralizar este contidos a través da Internet”, e cualificou de “acerto” a estratexia do Concello de orientar este tipo de publicidade turística a través das redes sociais.

Categorías: Ciencia

A Memoria Dixital integrará preto de 340.000 arquivos do Catastro do Marqués da Ensenada e El Pueblo Gallego

códigocero - Lun, 07/31/2017 - 10:56

Os días pasados foron días de impulso para a Memoria Dixital de Galicia, o proxecto posto en marcha polo Goberno galego en 2016 para crear, a través das TIC “un novo modelo de xestión e conservación do patrimonio cultural”, dando lugar a un portal-acubillo de coñecemento (Galiciana) no que están accesíbeis máis de 1,8 millóns de páxinas e 175.000 obxectivos dixitalizados. O impulso do que falamos veu dado pola incorporación de 338.000 imaxes e documentos procedentes do Catastro do Marqués de Ensenada, do Arquivo da Casa de Comercio e Banca Bengoechea e do xornal El Pueblo Gallego. Segundo explica AMTEGA, o proceso de dixitalización destes fondos terá lugar durante os vindeiros 6 meses e ao seu remate estarán dispoñíbeis para a súa consulta a través do portal Galiciana.
A Axencia para a Modernización Tecnolóxica de Galicia (AMTEGA) e a Secretaría Xeral de Cultura ocuparanse da dixitalización destes documentos, á que destinan un orzamento de 200.000 euros. A iniciativa enmárcase na creación da Memoria Dixital de Galicia, na que está a traballar a Administración autonómica para consolidar, como dixemos, “un fondo dixitalizado do patrimonio cultural material e inmaterial de Galicia”.
Dos 238.000 documentos que se dixitalizarán, uns 11.000 corresponden a 21 libros de entre 1820 e 1874 do Arquivo da Casa de Comercio e Banca Bengoechea, actualmente custodiados no Arquivo de Galicia.
Do Catastro do Marqués da Ensenada trataranse 189.000 imaxes e páxinas dos Libros Reais e de Persoal de Leigos e Esclesiásticos de entre 1752 e 1754. Segundo informa AMTEGA, os documentos conteñen información sobre as propiedades destes sectores sociais con croques de situación dos bens raíces e de cada un dos bens (rústicos, pecuarios, urbanos), así como a filiación de cada veciño cabeza de familia, co seu estado civil, idade, profesión, estamento e número de fillos.
As 139.000 imaxes restantes procederán do diario El Pueblo Gallego, grazas á dixitalización da colección completa deste periódico editado en Vigo entre os anos 1924 e 1979, e cuxos exemplares orixinais se atopan custodiados na Biblioteca Pública de Pontevedra Antonio Odriozola.

Categorías: Ciencia

Amigus formou a mozas e mozos en robótica, drones e impresión 3D

códigocero - Lun, 07/31/2017 - 10:29

A Asociación Informática Amigus desenvolveu este sábado 29 unha nova edición dos Amigus Labs, un obradoiro de traballo compartido e experimentación arredor das tecnoloxías máis puxantes que, desta volta, tivo como fíos temáticos a arte e a creación dixital. Máis polo miúdo, abordáronse os aspectos teóricos e (sobre todo) as cuestións prácticas das impresoras 3D, a dixitalización en tres dimensións de obxectos e persoas, a realidade virtual, a robótica e a electrónica con Arduino e Raspberry Pi, o audio dixital, os drones e os videoxogos. Contouse coa colaboración co Grupo de Empresa, Nodo Dixital, Non Ping, Nauta, Xescourido e o Concello das Pontes. A cita foi no Lar de Endesa, nas Pontes.
Segundo nos contan os organizadores da xornada, unha ducia de participantes tivo oportunidade de crear a cifra nada desprezábel de cinco scornabots, á que vez gozaron aprendendo nocións básicas de electrónica analóxica, sobre o manexo dos soldadores de estaño e sobre a programación con Arduino. Por certo que os aparellos scornabots creados no Amigus Labs terán máis vida alén da cita do 29, xa que viaxarán até os Obradoiros de conciliación en inglés, organizados por You Can School of English e mailo Concello das Pontes, nos que serán parte activa dos obradoiros de robótica que se celebran durante o mes de agosto.
Volvendo ao encontro do sábado, sinalar que durante toda a xornada explicouse perante os asistentes o funcionamento dos proxectos que se están a realizar dentro de Amigus Labs, desde drones impresos en 3D e proxectos de realidade virtual até paneis LED controlados por computador, impresoras 3D, así como as máquinas arcade. Amais dos contidos teóricos, tamén se fixo todo o posíbel por poñer aos participantes “mans á obra”. Así, tralo paso polos simuladores de radio control, puideron poñerse aos mandos dos drones, comezando a controlar as operacións de voo.
Polo que respecta á zona de audio dixital, tiveron ocasión de probar as posibilidades que o controlador de Ableton Push 2 permite á hora de producir proxectos de audio coa ferramenta Live. Ademais, configuráronse varias Rapsberry Pi co sistema operativo Kano, para que os máis pequenos puideran construír o seu propio computador, en palabras da organización, “unha máquina completamente funcional, por menos de 40€, ateigada de ferramentas como Scratch, Minecraft, navegador web, correo, suite office e unha chea de aplicacións para empezar a crear desde o primeiro momento”.
O encontro, segundo conclúen dende Amigus, “serviu para que maiores e pequenos gozáramos dunha xornada onde todos aprendemos co uso das ferramentas que as novas tecnoloxías poñen á nosa disposición, e onde todos quedamos con ganas de repetir a experiencia de novo moi pronto”.

Categorías: Ciencia

Dulces, refrescos azucarados y trastornos anímicos

Investigación y Ciencia - Lun, 07/31/2017 - 00:00
Una dieta rica en azúcar podría aumentar el riesgo de alteraciones del ánimo en los hombres.
Categorías: Ciencia

Clues emerge in mystery of flickering quasars

Nature - Sáb, 07/29/2017 - 03:04

Some of the Universe's most luminous objects have disappeared much faster than expected

Nature News doi: 10.1038/nature.2017.22376

Categorías: Ciencia

Twitter proba un modelo de subscrición publicitaria

códigocero - Ven, 07/28/2017 - 20:21

A busca dun modelo de negocio sólido leva a Twitter a probar distintos xeitos de consolidar os seus ingresos, e no ámbito publicitario están a innovar cun curioso programas de probas a través do que as empresas poden subscribirse por 99 dólares ao mes para que os seus chíos e as súas contas se vexan amplificados de xeito automático.
Este novo servizo sería diferente a Twitter Ads, xa que está orientado a un funcionamento automático no que as empresas só teñen que preocuparse en definir unha audiencia obxectivo en función dun interese ou dunha localización xeográfica (nos EE.UU.).
O sistema promoverá até os 10 primeiros chíos diarios (sen contar rechouchíos, chíos mencionados e respostas) e a promoción de cada mensaxe dependerá do seu desempeño. Unha solución que moitas compañías considerarán interesante por simplificar a xestión da súa presenza en Twitter.

Categorías: Ciencia

Why astronomers reluctantly announced a possible exomoon discovery

Nature - Ven, 07/28/2017 - 19:07

After hints leaked out on Twitter, researchers made last-minute decision to reveal what might be the first discovery of a satellite outside our Solar System.

Nature News doi: 10.1038/nature.2017.22377

Categorías: Ciencia

Nova suba de prezo para varias tarifas Fusión de Movistar

códigocero - Ven, 07/28/2017 - 19:00

O pasado 5 de febreiro Movistar mudou as condicións das súas tarifas Fusión+ 2 incrementando o volume de datos incluídos nas mesmas como xustificación para poder incrementar os prezos 5 euros/mes, e agora queren repetir a xogada, e o vindeiro 18 de agosto fará que os produtos de Fusión que inclúa 2 ou 4 liñas móbiles incrementen o seu prezo en 5 euros xunto cunha mellora do volume de datos móbiles asociado.
Os contratos que subirán de prezo serán concretamente Fusión+ Ficción Total, Fusión+ Fútbol Total, Fusión+ Premium, Fusión+ Premium Extra, Fusión+4 Premium, Fusión+4 Premium Extra e Fusión+4 Premium Extra Total, que verán medrar en 2 GB cada liña móbil, de xeito que no recibo que recibirán o a partires do 5 de setembro verán como se lles cobrará 5 euros máis do habitual.
Outro servizo que tamén mudará será o de identificacións de chamadas, que subministrábase de balde, e a partires de agora suprimirase e, no caso de querer mantelo, haberá que pagar 2 euros/mes adicionais.

Categorías: Ciencia

A Xunta contratará novos contidos para fortalecer a plataforma do libro dixital

códigocero - Ven, 07/28/2017 - 17:35

Hoxe o Goberno galego informou da vindeira contratación de novos contidos educativos para reforzar a plataforma do libro dixital, “da que disporán 154 centros e máis de 11.600 alumnos o vindeiro curso”. Así o deu a coñecer o presidente da Xunta, Alberto Núñez Feijóo, que engadiu que mediante o novo contrato, dotado con até 2,7 millóns de euros ata 2020, incorporaranse mediante un concurso público un terceiro provedor de contidos dixitais para as materias que se imparten entre 5º de Primaria e 2º de ESO e un cuarto para as materias de inglés destes niveis educativos. “Estes contidos sumaranse aos que xa subministra a empresa tecnolóxica Netex e a editorial Edebé”, informou.
Ao mesmo tempo, Feijóo dixo que ao abeiro deste acordo, crearase un espazo para que os profesores poidan elaborar os seus propios contidos educativos dixitais, para o que as empresas TIC e audiovisuais porán as ferramentas necesarias. Ademais, porase en marcha un plan de formación nos centros sobre todo as iniciativas que acompañan á implantación do libro dixital para os docentes. O obxectivo do Goberno galego, engadiu, é crear “unha rede de contidos de alto valor pedagóxico” en cuxa elaboración participen os docentes.
O presidente subliñou ademais que, “para que o acceso ao libro dixital sexa efectivo”, nos vindeiros dous anos adquiriranse 22.000 ordenadores portátiles, “dos que se poderán beneficiar os alumnos e docentes dos centros que conten co servizo”. Este acordo contempla un servizo de soporte premium 24 horas os sete días da semana en liña e telefónico.

Categorías: Ciencia

O Grupo Euskaltel consegue en 2017 un medre de 35.000 novas liñas de móbil

códigocero - Ven, 07/28/2017 - 17:34

O Grupo Euskaltel, formado por Euskaltel (Euskadi), R (Galicia) e Telecable (Asturias), vén de presentar os resultados relativos ao primeiro trimestre de 2017. Segundo fai saber o Grupo, sen dúbida un dos grandes fitos da súa traxectoria presenta é a incorporación ao seu seo de Telecable, formalizada esta mesma semana e co obxectivo de crear, no norte de España, a gran compañía líder do mercado en materia de cable. Outro dos grandes fitos é a taxa de medre obtida nos ingresos, do 0,4% no segmento residencial. Ademais, en cuestión de telefonía móbil, o Grupo foi quen de acadar unha cifra marca do 80% (a porcentaxe de clientes seus que contan co servizo de móbil achegado pola compañía). En banda larga logrouse unha taxa do 84,4% e en televisión de pago do 58,9%.
Non plano máis concreto, o Grupo Euskaltel pechou o seis primeiros meses do ano cun crecemento en 35.500 novas liñas de telefonía móbil, que supoñen un incremento do 4,8% sobre a mesma data do exercicio anterior. Semellante tendencia rexistrou no eido da TV de pago, que medrou en preto de 10.000 novas liñas (un 3,5% máis ca no primeiro semestre do 2016).
Respecto das cifras de mercado puramente ditas, na primeira metade de 2017 o Grupo Euskaltel logrou uns ingresos de 279,3 millóns de euros, fronte aos 286 millóns de euros do primeiro semestre do ano anterior, o que supón un descenso do 2,3%. Isto, malia o crecemento devandito do 0,4% rexistrado no segmento residencial, constata unha período complexo para a compañía, de caída de ingresos, motivado polos resultados do segmento empresa e polo “lastre” que supuxo para o Grupo “o impacto da perda do contrato do Goberno vasco”.
Malia todo, o conselleiro delegado do Grupo Euskaltel, Francisco Arteche, destacou “o bo comportamento rexistrado no primeiro semestre a pesar da forte competitividade e da incidencia dos impactos extraordinarios sobre os resultados”, e mostrouse “optimista” sobre a evolución dos resultados da compañía no segundo semestre, mantendo a previsión anunciada ao mercado ao comezo do exercicio.
Arteche mencionou entre as iniciativas lanzadas polo Grupo para consolidar e fortalecer o seu posicionamento de liderado no segmento residencial, o lanzamento do primeiro decodificador do mercado baseado en Android con calidade de imaxe 4K (“para que os clientes poidan mellorar a súa experiencia coa TV)” e a modernización da calidade e a capacidade de rede co despregamento de DOCSIS 3.1, que a mediados de ano alcanzaba xa ao 42% da rede en Euskadi.
Respecto ao segmento empresa, o conselleiro delegado do Grupo Euskaltel sinalou que para final de ano “empezaremos a ver o inicio do crecemento dos ingresos e os primeiros resultados positivos das novas iniciativas postas en marcha neste segmento”. Tamén lembrou que a compañía gañou o concurso da Xunta de Galicia até 2020, “a maior conta do operador nesta Comunidade”.

Categorías: Ciencia

Proliferan os puntos de recollida de paquetes

códigocero - Ven, 07/28/2017 - 16:00

O comercio electrónico ten un serio problema coa entrega de paquetes, xa que non sempre resulta doado atopar ao receptor no seu fogar, e como solución están a xurdir propostas cada vez máis frecuentes como The Hub, unha especie de armario para edificios residenciais que ten caixóns de distinto tamaño cuxa apertura está controlada electronicamente para que os repartidores de Amazon poidan deixar alí os pedidos para que os usuarios os recollan cando cheguen ao seu edificio.
Este tipo de servizo está polo momento limitado a EE.UU. e sorprende ver como Amazon non está a orientarse a lugares públicos para a súa colocación, senón que entende que a demanda dos seus produtos é tan elevada que os veciños estarán dispostos a ceder unha parte do seu espazo común para que poida empregarse para a recepción de paquetería (non só por parte de Amazon, senón tamén doutras compañía). Iso si, Amazon non ten un único deseño dos seus novos hubs, senón que está dispoñible en numerosos tamaños e adaptado tanto para o interior como para o exterior.
En España comezamos a ver solucións semellantes como CorreosPaq, un servizo de Correos que facilita o envío e a recollida de paquetes de até 30 quilos de peso, que preséntase nunha versión para comunidades de veciños (HomePaq) e outra para lugares de paso (CityPaq) como podemos ver en numerosas localidades galegas (A Coruña, Vigo, Pontevedra, Redondela, Ponteareas, A Gudiña, Ourense, Mondoñedo, Vilalba, Arteixo, Lugo, Ferrol...).

Categorías: Ciencia

Cedeira impulsa o turismo local na súa web

códigocero - Ven, 07/28/2017 - 12:19

O turismo e as redes seguen a circular xuntos, coma un vehículo co seu motor. Entre os exemplos recentes desta axeitada combinación sitúase unha iniciativa concreta do Concello de Cedeira, que coa chegada do verán vén de impulsar o sector turístico coa posta en funcionamento dun portal específico (Cedeira Turismo)) na páxina web institucional, www.cedeira.gal. Segundo informou o Goberno local, a idea era lograr que os atractivos (turísticos, hostaleiros, gastronómicos, naturais, patrimoniais, etc) do concello viñeran cara ao internauta dun xeito directo e sen extravíos. En palabras do Concello, “a golpe de clic os interesados poden acceder a todos os contidos necesarios para ter unha visión ampla e completa dos recursos e posibilidades que o municipio ofrece cara aos visitantes”.
O portal Cedeira Turismo preséntase con imaxes representativas do concello coruñés e acubilla no seu seo unha serie de seccións para coñecermos, entre outras cousas, onde se atopa Cedeira, o horario da oficina de turismo ou que descargas podemos facer no noso móbil ou tableta relacionadas cos recursos locais (visitas guiadas). Tamén podemos deixar as nosas suxestións nunha caixa de correo para que poidan terse en conta polos responsábeis municipais.
Segundo explicou o Concello, o servizo Coñece Cedeira é “a mellor ferramenta para entrar en contacto coa oferta máis turística do municipio: para obter información sobre as características das praias, para saber como chegar aos mellores miradoiros ou para achegarnos á historia de San Andrés de Teixido”. O portal complétase cun rueiro e cun feixe de nomes de lugares nos que comer ou durmir.

Categorías: Ciencia

A viguesa Boardfy pecha unha rolda de financiamento de 230.000 euros

códigocero - Ven, 07/28/2017 - 12:05

A plataforma de monitorización de prezos en liña Boardfy vén de pechar a súa primeira rolda de financiamento por un importe de 230.000 euros, operación liderada polo Banco Sabadell a través de BStartup10 á que tamén acudiron investidores como Jaime Ferré e o galego Carlos Blanco (quen xa exercera como business angel na creación da compañía), membros de ESADE BAN e outros axentes do sector, facilitando así que a compañía poida incrementar o seu equipo comercial (en Barcelona) e de desenvolvemento (en Vigo) para incrementar as súas funcionalidades e o seu proceso de internacionalización.

Lavin Luis e Fernando Gómez son os fundadores de Boardfy

A compañía viguesa, fundada polo experto en comercio electrónico Fernando Gómez e o emprendedor en serie Lavin Luis, participou da aceleración de Conector, sendo tamén seleccionada entre as 15 startups na pasada edición de VíaGalicia, e tras preto dun ano no mercado conseguiu posicionarse como unha das solucións chave de automatización e monitorización de prezos en liña, logrando un crecemento recorrente mensual dun 25% en facturación.
Boardfy ofrece ás tendas de comercio electrónico e aos vendedores en marketplaces a posibilidade de monitorizar os prezos dos seus competidores practicamente en tempo real, así como mudar os seus prezos de xeito automático a partires de regras de comportamento en base a múltiples variables, buscando sempre optimizar as marxes de beneficio de cada produto.
As marcas tamén poden facer uso desta ferramenta para controlar aos seus distribuidores no contorno dixital, monitorizando en todo momento os prezos aos que se venden os seus produtos e detectando aos vendedores que non respectan os prezos de venda recomendados.

A rolda de financiamento de Boardfy permitirá, entre outras cousas, incrementar o equipo de desenvolvemento da plataforma, que traballa dende a cidade de Vigo
Categorías: Ciencia

Vodafone e Down Pontevedra lanzan iniciativa pioneira de inserción laboral

códigocero - Ven, 07/28/2017 - 10:36

Os días pasados presentouse no Pazo de Mugartegui en Pontevedra unha iniciativa de networking directamente encamiñada a ceibar de obstáculos o camiño das persoas con síndrome de Down cara as empresas da nosa contorna. Trátase de Enreda2, un proxecto que vén da man de Xuntos (Down Pontevedra) e a Fundación Vodafone España e que inclúe entre as súas grandes liñas de traballo a de xuntar (precisamente) ás empresarias e aos empresarios da contorna con rapazas e rapaces no. Para materializar as súas propostas, Enreda2 abrangue encontros, xeiras de traballo compartido e faladoiros, amais da formulación de diversos xogos. A través desta iniciativa, o empresariado pode coñecer de primeira man as vantaxes de contar nas súa fileiras con mozos do devandito colectivo. Enreda2 insírese nun proxecto máis amplo, estatal, para loitar contra as fendas sociais e de empregabilidade a través das TIC.
Para presentar esta iniciativa estiveron presentes a deputada de Cohesión social e Xuventude, Digna Rosa Rivas Gómez; a técnica de Benestar Social e Deportes, Patricia González; o responsábel de Administracións Públicas de Vodafone España en Pontevedra, Severino Castromán; e o presidente de Down Pontevedra Xuntos, Manuel Pérez Cabo. Todos eles coincidiron en subliñar a importancia das novas tecnoloxías como facilitadoras de inserción laboral e como vehículos para a xeración de oportunidades de emprego en colectivos en risco de exclusión. Neste senso, Patricia González lembrou que “Down Pontevedra aposta pola formación en novas tecnoloxías co fin de posibilitar que as persoas con diversidades de calquera índole desempeñen postos de traballo nos que hai anos estaban practicamente excluídos”.
Tamén salientaron que Enreda2 xorde directamente dunha proposta de alcance estatal, o proxecto de formación prelaboral Yo me me prep@ro, cuxo obxectivo é proporcionar a esta mocidade “as ferramentas e estratexias precisas en aspectos clave como o uso axeitado das TIC, ou sexa, programas informáticos, navegación por Internet, acceso a redes bancarias informatizadas ou aplicacións móbiles”. E todo, engaden dende Xuntos, “co obxectivo de axudarlles a salvar a fenda dixital que lles condiciona enormemente á hora de atopar un posto de traballo, o que supón unha seria traba ás súas aspiracións de mellorar a súa autonomía e levar unha vida o máis plena e independente posíbel”.
Na cita tamén se fixo saber que este ano están a recibir na provincia de Pontevedra a devandita formación prelaboral en novas tecnoloxías 8 persoas usuarias de Down Pontevedra Xuntos, que “adquiren as competencias necesarias para poder desempeñar un posto de traballo coa normalidade e eficacia de calquera empregado ou empregada”.
Este alumnado de Pontevedra sumarase a outro en diversas provincias, alcanzando un total de 240 mozos e mozas que recibirán esta formación en toda España. En total, engadiuse, serán 10.500 horas docentes apoiadas en vídeo-titoriais sobre o uso avanzado da Internet, a xestión do correo electrónico ou o manexo redes sociais como LinkedIn, entre outras habilidades.
Este ano, o proxecto vai pola súa terceira edición. Desde a súa posta en marcha en 2014, e “malia complicadas condicións do mercado de traballo”, este programa conseguiu 222 contratos para mozos e mozas con síndrome de Down.
A realización deste proxecto enmárcase dentro do convenio marco subscrito o 8 de novembro de 2013 entre Fundación Vodafone España, Plena Inclusión e Down España para a realización de actividades conxuntas en materia de accesibilidade e inserción laboral.

Categorías: Ciencia

Arnoia achegará dinamización TIC para maiores dende unha nova aula

códigocero - Ven, 07/28/2017 - 09:46

O Concello de Arnoia (Ourense) quere apostar polo envellecemento saudábel. Ou sexa, por todos aqueles hábitos que axuden a ter unha vida mellor pasada “certa idade”, hábitos que adoitan abranguer o emprego das novas tecnoloxías: móbiles, tabletas, Internet, servizos de mensaxería, fotografía dixital, redes sociais, etc. Para impulsar esta vertente o Concello mercou a antiga sede da Cooperativa de Salvador, pechada na actualidade e nos seus días adicada á produción de pemento. O edificio será convertido nun Centro para o envellecemento activo e saudable das persoas maiores. O proxecto busca dar servizo a unha poboación (a dos maiores) que no caso de concellos coma o de Arnoia, representa arredor da metade dos veciños.
Contará con salas de lecer e xuntas, servizo de fisioterapia e, por suposto, unha aula de informática e novas tecnoloxías. Tamén haberá un espazo para o desenvolvemento de obradoiros de memoria e fortalecemento cognitivo, entre outras dependencias. Segundo o Concello, trátase non só de achegar formación e servizos de envellecemento activo, senón tamén de “fomentar a convivencia entre os usuarios”. As melloras precisas para o acondicionamento do edificio e o equipamento de mobiliario serán obxecto dunha convocatoria de concurso público por parte do Concello, cun orzamento global de 217.000 euros. A previsión é que os traballos estean rematados a comezos de 2018. Segundo engadiu o Concello, o edificio contará cun axente de desenvolvemento, con traballadores de mantemento municipais e, tamén, cun equipo de especialistas nos ámbitos nos que se quere dar servizo e cobertura: fisioterapia, informática e obradoiros de memoria.

Categorías: Ciencia

Fagoterapia contra bacterias resistentes a los antibióticos

Investigación y Ciencia - Ven, 07/28/2017 - 00:00
Los fagos, virus que atacan a las bacterias, representan una estrategia prometedora contra las infecciones, pero se necesita también la participación del sistema inmunitario del paciente.
Categorías: Ciencia

Un fallo de seguridade deixa expostos os datos de todos os procesos xudiciais en curso

códigocero - Xov, 07/27/2017 - 22:00

O sistema informático da Administración de Xustiza estatal implantado en xaneiro de 2016, LexNET, viviu unha xornada crítica ao detectarse un fallo de seguridade que permitía que calquera usuario do sistema puidese acceder a todos os cartafoles do mesmo, ou sexa, que os usuarios podían acceder aos contidos de todos os demais (podendo tanto descargar os contidos dos cartafoles como subir ficheiros aos mesmos), ou sexa, que sería posible consultar contidos confidenciais de procesos xudiciais en curso, o que é un erro de seguridade crítico que, unha vez posto en coñecemento dos responsables de LexNET, levou á paralización do sistema para o seu restablecemento tras corrixir a vulnerabilidade.
Dende o Ministerio de Xustiza remitiron un comunicado informando de que o «defecto no control de accesos ao sistema» era un erro na programación do código da nova versión de LexNET que, entre outras cuestións, atende as peticións que os profesionais realizaron para dispor de acceso multicaixa e a práctica de substitucións. Aseguran que dende a notificación da incidencia corrixiron o erro en menos de 5 horas e reforzaron a seguridade do sistema. Tamén aseguran que «os sistemas de auditoría e control do Ministerio non identificaron acceso indebido algún ás caixas de LexNET dun usuario que non fose lexítimo», ou sexa, que se algún usuario accedeu a contidos que non fosen propios quedaría rexistrado, polo que podería esixírselle responsabilidades legais polo acceso non autorizdo.
Dende o Ministerio tamén aseguran ter «aberto unha auditoría interna para coñecer os detalles que provocaron este incidente e esixir, no seu caso, as posibles responsabilidades», aínda que hai letrados que xa demandan o cesamento do ministro de Xustiza, á vez que consideran que os datos de LexNET non deberían estar en mans do poder Executivo, senón do Xudicial.

Categorías: Ciencia

Domesting.com consolídase como buscador de empresas de limpeza

códigocero - Xov, 07/27/2017 - 21:44

Nos últimos anos demos conta dos distintos recoñecementos que ía atesourando Domesting, proxecto de orixe galega que incluso participou no programa de aceleración ViaGalicia (iniciativa que estes días abre a súa quinta convocatoria), e agora que esta plataforma de reservas en liña e móbil para buscar, comparar e contratar empresas de limpeza camiña cara a consolidación buscando un enfoque diferente ao dos seus competidores, de xeito que en vez de recoller a profesionais nun mercado alternativo apostan por facilitar a conexión do usuario sen tempo coa empresa de limpeza que mellor se axusta ás súas necesidades, podendo comprobar non só prezos, senón tamén a valoración doutros clientes.
En menos dun minuto o usuario pode reservar calquera tipo de limpeza (doméstica, oficinas, comunidades, locais comerciais, garaxes, colexios e industrial) para quedar logo en comunicación coa empresa para os servizos contratados a través da plataforma. Deste xeito o usuario poderá estar ao tanto dos servizos e facturas mentres dispón dunha comunicación en tempo real coa empresa a través dunha ferramenta de xestión para tal fin.
Domesting oferta actualmente máis de 1.000 empresas de limpeza repartidas por toda a xeografía española, presentándose como un servizo de busca cómodo, seguro, económico, rápido, personalizado e variado que busca transformar o sector da limpeza.

Domesting non se limite á busca de empresas de limpeza doméstica, senón que abre o seu abano a moitos outros tipos de limpeza
Categorías: Ciencia

Jeff Bezos considerado o home máis rico do mundo durante varias horas

códigocero - Xov, 07/27/2017 - 19:30

Durante a xornada de hoxe as accións de Amazon.com Inc. na Bolsa de New York experimentaron unha suba moi importante chegando até as os 1.083,41 dólares, para rematar finalmente nun valor de 1.046 dólares, de xeito que durante unhas 4 horas podía estimarse a riqueza do fundador da compañía, Jeff Bezos, en 92.300 millóns de dólares, superando os 90.800 millóns de Bill Gates, ou sexa, sendo considerado o home máis rico do mundo durante un breve momento.
Esta situación non só confirma o grande pulo de Amazon no comercio electrónico global e a importancia do sector tecnolóxico na creación de valor, xa que a metade dos 10 homes máis ricos do mundo son fundadores de empresas tecnolóxicas, aínda que tamén podemos destacar que o terceiro home máis rico actualmente non sería outro que Amancio Ortega, galego que pese a ter unha empresa moi tradicional, nos últimos tempos debe boa parte do seu crecemento á súa aposta polo comercio electrónico.
Nos últimos tempos Bill Gates lidera as distintas listaxes de homes máis ricos do mundo elaboradas por distintos medios de comunicación, e os breves momentos nos que persoeiros como Amancio Ortega ou Carlos Slim conseguiron superalo debeuse principalmente aos tipos de cambio, factor que fai bastante complicada unha comparación real entre a capacidade económica dos mil millonarios máis célebres, entre os que pode sorprender que xa estea en quinto posto Mark Zuckerberg, que pese tomou numerosas decisións discutidas polos mercados, pero que a longo prazo están a demostrar ser moi atinadas.

Categorías: Ciencia

LibreCon abre prazo de presentación de relatorios

códigocero - Xov, 07/27/2017 - 17:29

Xa está aberto o prazo para presentarmos propostas á nova edición do congreso LibreCon, que, como lembraremos, celébrase novamente en Santiago da man da asociación galega AGASOL e máis a estatal ASOLIF. Segundo informan estas dúas entidades, o período para o envío de relatorios e participación na LibreCon 2017 estará aberto até o vindeiro 10 de setembro. Dende a organización da LibreCon quérese contar “cunha gran asistencia de participantes que acheguen a súa experiencia e coñecemento”, polo que fan un chamamento aos integrantes da nosa comunidade de usuarios e desenvolvedores de software libre a contribuír con cadansúas propostas. Así até conseguir un panorama de intervencións o máis plural posíbel, malia que os fíos temáticos sigan a ser fixos: Industria 4.0, sector primario e economía colaborativa. Todo, por suposto, dende a óptica do software e o hardware libre.
Como dixemos, LibreCon vaise trasladar novamente a Compostela para celebrar a súa edición 2017, e vaino facer da man da Asociación de Empresas Galegas de Software Libre (AGASOL) e de ASOLIF. Será os días 19 e 20 de outubro e o obxectivo será, esta vez, achegar solucións abertas aos novos retos da Industria 4.0 e o sector primario.
Tocaranse temas como os sistemas na nube, as cidades intelixentes, os drones, a tecnoloxía social, a economía colaborativa, a ciencia aberta ou o futuro da Sociedade do Coñecemento.
Segundo lembrou recentemente AGASOL, a anterior edición de LibreCon celebrada en Santiago (a de 2015) recibiu máis de 500 profesionais do mundo tecnolóxico e expertos en software libre, amais de servir de escaparate para presentar casos de éxito de grandes compañías e administracións públicas que están a aforrar custos e mellorando o seu negocio grazas ás tecnoloxías abertas. “Ademais, no marco do encontro celebráronse máis dun centenar de reunións empresariais”, engade a asociación galega, que tamén avanza que na seguinte convocatoria Galicia será novamente anfitrioa do evento, sendo o obxectivo “xuntar aos mellores expertos en cada unha das áreas de negocio que imos tratar no ámbito da industria das tecnoloxías abertas”. E engade Luis Fernández, xerente da entidade: “A capital galega converterase unha vez máis en epicentro da open innovation durante dous días”.

Categorías: Ciencia

Páxinas

Subscribirse a IGACIENCIA lector de novas