Agregador de novas

ABANCA acada un aumento do 14,4% en clientes dixitais activos

códigocero - Xov, 07/27/2017 - 17:15

ABANCA vén de presentar as cifras relativas á súa actividade no primeiro semestre de ano. Entre o máis destacado figura o seguinte: a entidade foi quen de pechar período cun resultado neto de 229,1 millóns de euros, o que significa unha suba do 23,1% respecto ao mesmo semestre de 2016. Ademais, complementando o acostumado baile de números e fitos figuran novamente informacións relativas á andaina TIC da entidade financeira galega. Segundo se fai saber no informe, no primeiro treito de 2016 constatouse a boa marcha da aplicación móbil de ABANCA, en termos da compañía “unha das mellor valoradas polos usuarios”.
Asemade, a dixitalización “camiña” a bo ritmo e consolídase como “un dos eidos nos que o banco está a ser máis activo”. En termos concretos, o proceso de dixitalización avanzou cun aumento do 27,1% en transaccións realizadas e do 14,4% no número de clientes dixitais activos.
Ademais, no primeiro semestre a entidade incorporou unha novidade funcional que permite aos seus clientes empresas realizar a firma de operacións desde teléfono móbil, e converteuse, nas súas palabras, “na primeira entidade española en facer posíbel o envío de diñeiro de móbil a caixeiro mediante comandos de voz”. Isto, como lembraremos, é unha realidade dende o mes de xuño grazas á incorporación ao servizo ABANCA Cash do asistente Siri de Apple.
Ao abeiro da súa estratexia de innovación desenvolvida no devandito período de tempo, a entidade lembra a posta en marcha do seu programa de fomento do talento tecnolóxico ABANCA Innova, que xa seleccionou as primeiras novas firmas innovadoras ás que apoiará para trasladar os seus proxectos ao mercado financeiro.

Categorías: Ciencia

O Informe Ardán sitúa novamente a EGATEL na cabeza das firmas innovadoras galegas

códigocero - Xov, 07/27/2017 - 17:01

Na nova edición do Informe Ardán, que avanzamos os días pasados dende Código Cero, incluíronse datos sobre as boas perspectivas de crecemento do noso sector TIC, entre outras cuestións máis xenéricas ou específicas sobre o tecido produtivo galego. Porén, tamén se incluíu (como de costume) unha relación con nomes concretos das empresas que, por sectores, máis pintan na nosa economía. Hai novidades a este respecto no que se refire ao sector TIC? Pois moitas non. Unha vez máis, e xa van tres, a firma ourensá EGATEL, especializada no desenvolvemento de tecnoloxías avanzadas de telecomunicacións (sinal TV e comunicacións vía satélite), foi elixida como a empresa máis innovadora da nosa terra. Exactamente igual có ano pasado.
O top 5 (as cinco firmas con cinco estrelas de recoñecemento no ranking de Innovación establecido no informe) complétano as firmas tecnolóxicas Televés (en segundo lugar), Nanoinmunotech (en terceiro lugar), Nanogap (en cuarto), Optare Solutions (quinta) e Quobis Networks (en sexto lugar).
No informe elaborado polo consorcio da Zona Franca de Vigo en colaboración con REDE (Universidade de Vigo) e a Axencia Galega de Innovación (GAIN) valórase unha vez máis a estratexia empresarial innovadora levada a cabo por EGATEL, sobre todo no que atinxe ao seu afianzamento en mercados estranxeiros, á súa capacidade de evolución e adaptación a novas contornas, ao seu potencial de diversificación e, tamén, á súa aposta continua e firme a prol da I+D+i centralizada na nosa terra. Tamén se tivo en conta, novamente, a capacidade da firma en materia de transferencia de coñecemento en tecnoloxías dixitais e de radiofrecuencia cara a outros sectores.

Presentación do novo Informe Ardán de mans do Consorcio da Zona Franca de Vigo

Como lembraremos, EGATEL dedica máis do 40% do seu persoal de maneira exclusiva a actividades de Investigación, Desenvolvemento e Innovación (I+D+i), principalmente no ámbito das comunicacións por radio frecuencia. Segundo apuntan os responsábeis da compañía galega, o recoñecemento como empresa galega máis innovadora “non é froito da casualidade, senón dun firme compromiso coa excelencia tecnolóxica e constante procura de novas oportunidades de negocio nos sectores”.

Categorías: Ciencia

R estrea descodificador 4K con Android TV

códigocero - Xov, 07/27/2017 - 15:02

A poucas semanas da súa adopción por parte de Euskaltel, xa é oficial o novo desco de televisión 4K de R con Android TV. Estamos ante un pequeno receptor de televisión que destaca especialmente fronte aos anteriores por permitir a instalación de aplicacións para Android TV, de xeito que o mesmo trebello que achega os contidos televisivos de R tamén permite gozar de Netflix, YouTube e moitos outros servizos en liña.
O novo receptor de televisión non só achega contidos de até ultra alta definición (4K), senón que tamén aposta pola gravación de contidos na nube (que permite gardar contidos durante até un mes con posibildiades avanzadas como a posibilidade de programar todos os episodios dunha serie de televisión que queiramos seguir), servizo paralelo ao célebre rebobina (que continúa neste novo descodificador).
O desco 4K tamén permite gozar da pausa en directo (pódese parar unha emisión en directo para retomala en diferido un anaco despois) ou incluso ver dende o principio un programa que xa comezase; e por fin está dispoñible unha nova guía de programación do desco de R, que permite ver nunha única ollada o que emiten varias canles á vez, resultando así tamén máis doada a programación de gravacións.
O cambio do desco HD ao desco 4K será de balde, e pode solicitarse a través das canles de atención ao cliente habituais, estando dispoñible para os clientes dos paquetes de televisión tv festa rachada, tv festa, tv ocio + nenos e tv ocio + cine.
Cómpre destacar que o desco 4K hai que conectalo ao televisor por HDMI e precisa dunha conexión á Rede mediante cable, polo que debería estar situado preto do router (aínda que R tamén ofrece a posibilidade de conectar o desco ao router por cable Ethernet ou mediante un dispositivo PLC financiable).

Categorías: Ciencia

Huge landslide triggered rare Greenland mega-tsunami

Nature - Xov, 07/27/2017 - 14:33

Scientists hope studying last month’s deadly event will improve modelling of rockslides that could become more frequent with climate change.

Nature News doi: 10.1038/nature.2017.22374

Categorías: Ciencia

WhatsApp ten 1.300 millóns de usuarios activos

códigocero - Xov, 07/27/2017 - 13:00

Dende WhatsApp anunciaron que a súa plataforma de mensaxería instantánea vén de superar os 1.000 millóns de usuarios activos ao día, cantidade que chega aos 1.300 millóns de contamos os usuarios activos ao mes, o que supón todo un logro para unha ferramenta que en poucos anos conseguiu converterse na killer application do smartphones en moitos mercados e que, pese a ser de balde e carecer de publicidade, consegue manterse en activo movendo 55.000 millóns de mensaxes ao día, dos que 4.500 millóns son fotografías e 1.000 millóns son vídeos.
Unha das cousas que máis está a sorprender do crecemento de WhatsApp é que unha das súas novas prestacións, os novos estados que xurdiron como resposta a Snapchat, pese a ter un uso relativamente reducido, pode considerarse un éxito, xa que segundo os resultados financeiros de Facebook terían 250 millóns de usuarios activos ao día durante o segundo trimestre do ano, mentres que Snapchat tería 166 millóns de usuarios (nin que dicir ten que as historias de Instagram si teñen un uso moi intensivo, polo que deixarían á plataforma plaxiada na máis absoluta irrelevancia).

Categorías: Ciencia

A TVG acada 62.400 visualizacións nas súas tres primeiras emisións a través de Facebook Live

códigocero - Xov, 07/27/2017 - 09:36

A Televisión de Galicia vén de iniciar estes días as súas emisións a través de Facebook Live e fíxoo, segundo se desprende das reaccións plasmadas nas redes (e tamén das cifras de seguimento), con grande éxito. En cuestión de números, os perfís de Facebook da CRTVG e da Televisión de Galicia rexistraron, nas tres primeiras retransmisións realizadas a través de Facebook Live, 62.400 visualizacións e preto de 200.000 persoas acadadas.
“Estes datos”, sinalan fontes da corporación, “reflicten o apoio por parte da audiencia, que consume o contido da canle pública non só a través da televisión, senón tamén desde as diferentes plataformas dixitais polas que a CRTVG está a apostar”.
A emisión do triangular de fútbol do trofeo Isidro Silveira foi a primeira publicación realizada desde Facebook Live e foi vista por máis de 15.800 espectadores, acadando un total de 47.500 persoas. A seguinte retransmisión, as Medallas de Galicia, conseguiu case 7.000 visualizacións e preto de 23.000 persoas acadadas.
A última emisión, a que obtivo máis seguimento na Internet, desenvolveuse a noite do pasado luns 24, cos Fogos do Apóstolo, que rexistrou 7.500 reaccións e 550 comentarios e foi compartida máis de 1.100 veces. O espectáculo pirotécnico foi visto por 39.600 espectadores e chegou a máis de 128.400 persoas, engaden fontes da CRTVG.

Categorías: Ciencia

A Industria 4.0 e as súas posibilidades, polo miúdo en Lugo

códigocero - Xov, 07/27/2017 - 09:22

O plan colaborativo de apoio ao emprendemento do Concello de Lugo, Inicia Coworking, contou onte coa presenza dun dos máis senlleiros especialistas en materia de Industria 4.0, ou, o que é o mesmo: en materia de metodoloxías actuais avanzadas para acadarmos xeitos de producir sustentábeis, rendíbeis, limpos, eficientes e eficaces. Ou sexa, xeitos smart de producir. Estamos a falar de Ramón Suárez Alonso, que ofreceu este mércores un obradoiro aos emprendedores e emprendedoras lucenses que participan na segunda fase de Inicia Coworking, que impulsa o Concello en colaboración coa Escola de Organización Industrial (EOI).
Suárez é profesor da Escola de Organización Industrial da Universidade de Vigo, presidente da Asociación de Mentoring de Galicia, mentor do Instituto Galego de Promoción Económica (IGAPE), asesor da Comunidade Europea e experto da ONU en materia da Sociedade da Información.
Con este obradoiro, ao que asistiu a concelleira de Economía, Emprego e Desenvolvemento Económico, Ana Prieto, continúa a actividade da segunda fase do programa Inicia Coworking, que conta con mentores e relatores referenciais no ámbito das novas tecnoloxías aplicadas aos negocios.
Lembrar que neste nova etapa do proxecto toman parte 20 emprendedores, que recibirán gratuitamente (e durante cinco meses) apoio integral, individual e personalizado para poñer en marcha con éxito cadansúas empresas.
O Concello desenvolve o plan Inicia Coworking en colaboración coa Escola de Organización Industrial (EOI), dependente do Ministerio de Industria. Cun orzamento de 800.000 euros, fornecerase entre este ano e 2018, a máis de 260 lucenses, de apoio integral, individual e personalizado para impulsar as súas iniciativas innovadoras de mercado, asegurando a súa viabilidade tanto técnica como financeira.

Categorías: Ciencia

O Grupo Euskaltel formaliza a compra de Telecable e a súa intención de ser líder no norte de España

códigocero - Xov, 07/27/2017 - 09:16
Francisco Arteche e Alberto García Erauzkin, conselleiro delegado e presidente de Euskaltel, nunha imaxe de El Diario Vasco

O Grupo Euskaltel formalizou onte a adquisición do 100% do capital de Telecable, unha operación que xa anunciamos en maio dende Código Cero, sinalando que viña motivada en boa medida pola arela de configurar no norte de España un gran grupo de telecomunicacións, potente, competitivo e referencial. De feito, o Grupo parte para este obxectivo dunha axeitada liña de saída, cos seus diferentes integrantes copando boa parte do mercado das súas Comunidades de orixe: Euskaltel lidera o mercado en Euskadi, e Telecable e R tamén son referentes en Asturias e Galicia, respectivamente.
A formalización da compra produciuse tras a súa ratificación na xunta xeral de accionistas do Grupo celebrada o pasado 26 de xuño, e a súa aprobación por parte da Comisión Nacional dos Mercados e a Competencia. En palabras do Grupo, “esta operación é un importante fito na historia das compañías e do propio sector, significa a creación do operador converxente de fibra óptica líder no norte dentro do mercado das telecomunicacións do Estado”.
Segundo engaden os responsábeis da fronte empresarial, a operación dota ao Grupo Euskaltel e a cada unha das marcas que o compoñen, incluída a galega R, “de maiores fortaleza, eficacia e capacidade de crecemento, nun sector de gran competencia como o das telecomunicacións”.
O Grupo tamén anunciou que a partir de agora ofrecerá os seus servizos a un mercado de 6 millóns de persoas, aumentando un 20% o mercado de seu e fornecendo de 2,4 millóns de servizos diarios a máis de 800.000 clientes, cun elevado cociente de penetración (67%) de 3 e 4 produtos na súa base de clientes.
Por certo que a suma do tres mercados nos que opera o Grupo (Euskadi, Galicia e Asturias), representa o 12,76% da poboación e o 13,34% do PIB do conxunto do Estado. A compañía tamén reiterou onte a súa intención de seguir sendo comprometida localmente coas Comunidades das que proveñen as súas firmas integrantes, mantendo o carácter e a identidade orixinaria das tres empresas, Euskaltel, R e Telecable, “o que se traduce na continuidade e fortalecemento das súas marcas”. Segundo conclúe o Grupo referíndose ás vantaxes directas para os usuarios, alén do mantemento das liñas de identidade, “esta unión do tres operadores beneficiará a clientes, empregados e provedores, porque o tres compañías comparten unha firme e decidida aposta pola proximidade, a calidade e a innovación en produtos e servizos”.

Categorías: Ciencia

Brain’s stem cells slow ageing in mice

Nature - Xov, 07/27/2017 - 00:46

Transplanted cells offer middle-aged rodents an increased lifespan.

Nature 547 389 doi: 10.1038/547389a

Categorías: Ciencia

'True blue' chrysanthemum flowers produced with genetic engineering

Nature - Xov, 07/27/2017 - 00:46

Scientists added two genes to the plant's genome to get the new hue.

Nature News doi: 10.1038/nature.2017.22365

Categorías: Ciencia

Big names in statistics want to shake up much-maligned P value

Nature - Xov, 07/27/2017 - 00:46

One of scientists’ favourite statistics — the P value — should face tougher standards, say leading researchers.

Nature News doi: 10.1038/nature.2017.22375

Categorías: Ciencia

Las células madre hipotalámicas frenan el envejecimiento en ratones

Investigación y Ciencia - Xov, 07/27/2017 - 00:00
Los animales de mediana edad envejecieron más lentamente cuando se les inyectaron células madre del hipotálamo de ejemplares recién nacidos.
Categorías: Ciencia

PuntoGal lanza servizo para acurtar enderezos: i.gal

códigocero - Mér, 07/26/2017 - 21:07

Coincidindo coa celebración do 25 de xullo, a entidade PuntoGal uniu forzas coa firma compostelá Dinahosting e con AGASOL (Asociación de Empresas Galegas de Software Libre) para lanzar unha importante novidade relacionada co dominio galego: unha novidade dirixida a poñernos as cousas o máis doadas posíbeis en relación a todos os que xestionemos unha web baixo o acubillo .gal. Trátase de i.gal, un servizo que acurta os nomes dos URL, codificándoos para facelos máis manexábeis e doados de enviar, compartir, publicar ou mesmo lembrar. Segundo informa PuntoGal, o servizo posibilita tamén personalizar os termos que forman parte da URL resultante, “de xeito que sexa máis sinxelo o seu uso posterior”. En definitiva, i.gal quere ser un empuxe para os dominios galegos ao tempo que os volve, coma os gadgets, cómodos de carrexar.
Como dixcemos, a iniciativa abrolla directamente da colaboración que mantén PuntoGal con Dinahosting, á que se uniu AGASOL como entidade integrada na asociación e colaboradora dende as súas orixes. A ferramenta lanzouse para celebrar conxuntamente o Día de Galicia e “dentro da política das tres organizacións de prestar servizos de valor engadido no ámbito da rede galega”.
Segundo lembran, a saída de i.gal coincide no tempo coa promoción de PuntoGal que permite rexistrar dominios novos por un máximo de 25 euros máis IVE até o día 31 de xullo, iniciativa que podemos aproveitar a través do traballo dos rexistradores Arsys, CdMon, Dinahosting, Entorno Digital, Nominalia, Host Europe e OVH. A información completa sobre esta acción pode atoparse no enderezo dominio.gal/promo25xullo.
A promoción acompáñase do traballo gráfico deseñado especialmente pola empresa Rei Zentolo, socia de PuntoGal, con motivo do primeiro aniversario do dominio, en 2015. De feito, o deseño é unha homenaxe á revista Nós realizada con imaxes de inspiración tecnolóxica.
A entidade PuntoGal tamén tamén lembra que conta a día de hoxe con máis de 4.100 dominios rexistrados.

Categorías: Ciencia

A 5ª Pont-Up Store amosará propostas para protexer trebellos tecnolóxicos e vehículos

códigocero - Mér, 07/26/2017 - 17:54

Quen queira innovación, vaina ter en Pontevedra dende un enfoque imaxinativo, moderno e, tamén, tradicional. Porque de xuntar vangarda tecnolóxica e historia é do que trata en parte a feira Pont-Up Store, cuxa cuarta edición desenvólvese na cidade do Lérez do 21 ao 23 de setembro. Segundo puidemos saber hoxe, a feira vai polo bo camiño. De feito, xa foron escollidos os casos de emprendemento para ter presenza nela (41 dun total de 123 candidaturas achegadas). Entre estas iniciativas, a xeito de exemplos, inclúense propostas como Paus (que vende paquetes de adhesivos especiais para tapar as cámaras dos dispositivos móbiles e protexelos de ciberataques), Care your Car (unha aplicación de Degaltc que permite xestionar o mantemento do vehículo), ou a plataforma Send2Me (caixas de correo electrónicas que permiten recibir compras electrónicas aínda que o comprador non estea no domicilio).
Pont-Up Store vén da man da Universidade de Vigo (Campus de Pontevedra) dentro do proxecto de especialización CREA S2i. O patrocinador principal é o Concello de Pontevedra.
Segundo fixo saber hoxe o director da feira, Pedro Figueroa, esta cuarta edición salientará pola calidade das propostas, tanto a nivel de innovación e orixinalidade como polo seu potencial de desenvolvemento.
Destes 41 emprendedores escollidos, 33 contarán cun emprazamento de balde, de seu, para mostraren os seus produtos, ideas e servizos, e cinco terán tamén a oportunidade de participar no programa de actividades de dinamización, desenvolvendo propostas como unha sesión de networking empregando a intuición e o xogo para obter información útil na empresa; unha cata de cervexa artesá; un obradoiro no que aprender a arte floral dos kokedamas; unha sesión de contacontos para promover a arte e a cultura, e un achegamento en familia ao mundo do álbum ilustrado empregando as vivencias persoais. Por último, dez das propostas elixidas participarán no Puntazo Exprés, no que terán a oportunidade de explicar o seu caso en cinco minutos a cinco destacadas empresas e entidades galegas.
Amais das devanditas iniciativas teremos oportunidade de coñecer aos creadores de 7Varas (que fan bicicletas de bambú) e de Start-T-Case, que desenvolven carcasas que ademais de recargar os teléfonos móbiles aproveitando a luz solar ou a luz artificial son ao mesmo tempo fundas protectoras e poden carrexar enerxía a outros dispositivos. A organización da Pont-Up Store tamén informou que reservará parte do seu espazo a iniciativas empresariais que operan dentro da economía social, como nesta ocasión Bico de Xeado, da cooperativa Granxa O Cancelo.
No que se atinxe á orixe das propostas, Pedro Figueroa sinalou que “Pont-Up Store consolídase como o referente do novo emprendemento en Galicia cun 50% das solicitudes procedentes de fóra da provincia de Pontevedra”. Ademais, engadiu, “é relevante que preto do 35% das candidaturas procedan de fóra das sete grandes cidades galegas, o que é indicativo da boa saúde das dinámicas emprendedoras nas vilas e no rural galego”. O director do Pont-Up tamén salienta a presenza nos proxectos de novas tecnoloxías e achegas de enxeñaría, con apostas “moi valentes e innovadoras”.

Categorías: Ciencia

HIV milestone, discrimination suit and China's AI plans

Nature - Mér, 07/26/2017 - 17:10

The week in science: 21–27 July 2017.

Nature 547 384 doi: 10.1038/547384a

Categorías: Ciencia

ViaGalicia abre quinta convocatoria

códigocero - Mér, 07/26/2017 - 16:51

Imos ter quinta convocatoria de ViaGalicia. Isto que significa? Pois basicamente que quen teña en mente unha desas iniciativas que poden marcar un antes e un despois na liña de evolución tecnolóxica e empresarial, vai ter unha importante oportunidade para darlle forma. En primeiro lugar, polo factor “cuantitativo”. De feito, ao longo das catro convocatorias anteriores, xa foron impulsados 120 proxectos, creándose medio centenar de empresas na nosa terra, unha parte moi significativa delas relacionadas directamente coas novas ferramenta dixitais. E logo está o factor “cualitativo”, onde figura o investimento despregado (seis millóns de euros até o de agora) e unha equipa de asesores e adestradores que forman aos novos empresarios e desenvolvedores a tempo completo.
Como lembraremos, ViaGalicia vén da man do Consorcio da Zona Franca de Vigo e máis da Xunta de Galicia. O seu obxectivo, unha vez máis, é apostar por proxectos innovadores, acelerábeis e invertíbeis. O prazo para presentar abre mañá e fica aberto até o 29 de setembro. Toda a información está dispoñíbel en www.viagalicia.gal.
Cun orzamento de 2,65 millóns de euros, a nova edición apoiará proxectos de negocio a través de formación, asesoramento, titorías, traballo colaborativo e financiamento. En termos concretos de pulo económico, os proxectos poderán obter até 125.000 euros en axudas directas e de capital risco. Ademais, e como novidade da quinta edición, impulsaranse dous proxectos de edicións anteriores, que participarán directamente na nova fase de aceleración.
Desde a súa posta en marcha en 2013, este programa de aceleración, ao que se presentaron case 900 propostas de negocio, contou cuns 6 millóns de euros de investimento e impulsáronse máis de 120 proxectos, dos que máis de 50 convertéronse en empresas, xerando máis dun centenar de novos empregos.
Volvendo á nova convocatoria, sinalar que trala fase inicial de inscricións, levarase a cabo unha primeira selección de oitenta proxectos que participarán no Startup Day, xornada na que se avaliarán as habilidades dos emprendedores e do que sairán seleccionados corenta. Estes recibirán seis semanas de pre-aceleración nas sedes de ViaGalicia (situadas en Vigo e Lugo) durante a fase de academia, na que se lles achegarán as ferramentas precisas para adquirir competencias que lles axuden a definir o seu modelo de negocio e mellorar as súas propostas de valor.
Na seguinte fase, Demo Day, deberán defender a súa proposta fronte ao comité técnico, formado por expertos de ViaGalicia e por representantes das entidades colaboradoras. Este comité seleccionará o quince mellores proxectos que pasarán á fase de aceleración, que se desenvolverá durante medio ano no Centro de Negocios do Parque Empresarial Porto do Molle (Nigrán), co apoio dun experto equipo de titores e mentores.
Na última fase, Investors Day, os emprendedores defenderán o seu proxecto fronte a empresas, colaboradores e fondos de investimento para captar novos socios.

Categorías: Ciencia

Dispárase a cifra de peregrinos que empregan os recursos TIC de Smart Camiño

códigocero - Mér, 07/26/2017 - 13:04

Os días pasados as entidades responsábeis de Smart Camiño (a axencia AMTEGA e Turismo de Galicia) fixeron un balance das actividades que se están a desenvolver ao abeiro do devandito plan, como lembraremos unha batería de iniciativas destinadas a fomentar o impulso de Galicia como destino xacobeo a través das máis avanzadas ferramentas TIC. Segundo explicaron, as accións do plan están “a consolidar o seu interese entre os peregrinos”. Deste xeito, no primeiro semestre de ano, constatouse un medre no emprego das distintas opcións dispoñíbeis (web, aplicación móbil e conexión Wi-Fi nos albergues da rede pública).
No caso da páxina web do Camiño de Santiago, www.caminodesantiago.gal (na que se recollen todos os aspectos precisos para descubrir, preparar e planificar a ruta xacobea), a curva de crecemento mantívose constante desde principios de 2017, con preto de 110.000 sesións e ao redor de 80.000 usuarios, cunha taxa de internautas fixos moi próxima ao 30%. No que atinxe ao uso que os internautas fan da páxina, AMTEGA e Turismo de Galicia salientan a duración media da sesión de visita (“moi elevada, con máis de seis minutos por persoa”) e máis o baixo índice acadado na porcentaxe de rebote, o que significa, nas súas palabras, “que os visitantes non abandonan decepcionados o portal pouco despois de entrar; máis ben ao contrario, a maioría deles visitan máis dunha páxina”.
En canto a aplicación móbil do Camiño de Santiago (de balde e apta para as plataformas iOS e Android), tamén tivo “un papel destacado”, sinalaron as entidades responsábeis da súa posta en marcha, que salientan que está dispoñíbel en tres linguas (galego, castelán e inglés) e que xa suma máis de 6.000 descargas nos primeiros seis meses do ano, confirmándose como “unha das máis demandadas das aplicacións de Turismo de Galicia”. A ferramenta, como lembraremos, contén o trazado, a descrición, fotografías e información útil dos diferentes itinerarios xacobeos, dos albergues, dos recursos turísticos e dos distintos eventos. Polo tanto, o peregrino pode consultar nela cousas como os horarios, a localización ou os teléfonos en cada tramo, amais de ter acceso ás condicións meteorolóxicas e aos enderezos e contactos dos centros de saúde e emerxencias.
Polo que atinxe á dotación de conexión Wi-Fi na rede de albergues, en xaneiro conectáronse a ela máis de 3.500 usuarios e no pasado mes de xuño, coa chegada do verán, a cifra subiu até máis de 18.500. En total, neste tempo, foron preto de 60.000 peregrinos aloxados os que se conectaron a ela.
Como recordaremos, Smart Camiño é unha das iniciativas enmarcada no Plan director do Camiño de Santiago, cuxa folla de ruta está a desenvolver numerosas melloras. Do seu orzamento de máis de 60 millóns de euros, xa foi executado ao redor do 60%. Os seus obxectivos, coa vista posta no próximo Xacobeo 2021, están aliñados coa Estratexia do turismo de Galicia 2020.

Categorías: Ciencia

O servizo de mensaxería do 010 de Lugo xa ten 3.350 inscritos

códigocero - Mér, 07/26/2017 - 12:48

O Concello de Lugo vén de facer reconto da actividade do seu Servizo de Información 010, logo de 12 anos de funcionamento. O balance, en liñas xerais, é o seguinte: logo dunha ducia de anos, contabilizáronse un millón de consultas atendidas. Polo que respecta a 2017, máis de 35.200 persoas (6.200 máis có ano pasado) contactaron no primeiro semestre do ano con este servizo, que recibe unha media de 5.200 chamadas mensuais, unhas 6.200 máis que o mesmo período do pasado ano. No que atinxe ao que nos ocupa, a vertente TIC, o número de cidadáns inscritos no servizo de mensaxería gratuíta a través do correo electrónico é de 3.350, e no de mensaxes ao móbil, 2.100. En canto ás redes sociais, o 010 conta con 2.700 seareiros.
De xaneiro a xuño, xestionáronse arredor de 2.700 correos electrónicos, un 16% máis de peticións ca no primeiro semestre do pasado ano.
Segundo engadiu o Concello sobre a actividade xerada ao longo dano arredor destes servizos, sen dúbida foi o mes de xuño un dos meses de meirande volume de chamada.
O servizo, entre outras funcións, serve para dar e recibir avisos das distintas incidencias no funcionamento de servizos públicos, como atoamentos nas redes de sumidoiros ou avarías no subministro da auga, así como para demandar información municipal ou información de actividades realizadas por entidades colaboradoras do Concello. Salientan ademais chamadas relacionadas coa xestión e trámites como as inscricións para actividades, por exemplo.
Como dixemos, o 010 complementa a comunicación tradicional con información por outros medios, como as redes sociais ou mensaxería. Neste senso, o número de persoas inscritas no servizo de mensaxería de balde a través do correo electrónico é de 3.350, 100 persoas máis con respecto ao 2016, e no de mensaxes de texto ao móbil, 2.100 persoas inscritas. En canto ás redes sociais, o 010 está presente en Facebook, Twitter e YouTube.

Categorías: Ciencia

Orange estrea descodificador 4K

códigocero - Mér, 07/26/2017 - 12:19

Os operadores de telecomunicacións con oferta televisiva están a esforzarse para pór ao día a súa tecnoloxía audiovisual para o que precisan renovar os seus descodificadores, e tras subir ao carro da ultra alta definición Vodafone e Euskaltel, chega agora Orange presentando o seu novo descodificador 4K de altas prestacións para Orange TV, que facilitará o acceso a contidos coa máxima calidade de imaxe e son.
O novo descodificador 4K integra un sintonizador de TDT de última xeración e unha nova e mellorada interface gráfica a través da que pódese acceder ás canles premium de cine e series, ao fútbol, ás series á carta e a completo videoclub. No que a contidos en ultra alta definición se refire, inicialmente teñen tanto canles lineais (Fútbol 4K, Canal Cocina 4K, Odisea 4K...) e cine de estrea no videoclub. O descodificador tamén inclúe aplicacións de terceiros como Wuaki TV e Netflix.
Este novo dispositivo funciona tanto para redes de fibra e ADSL, e ofrecerase de balde aos clientes de Orange TV, servizo que vén de estrear a funcionalidade Últimos 7 Días, que permite acceder aos contidos emitidos por televisión na última semana dende o descodificador e outras plataformas compatibles con Orange TV (como smartphones, tabletas, ordenadores e algúns televisores).
Outra interesante novidade de Orange TV é que veñen de estrear aplicación para Android TV, de xeito que a súa oferta audiovisual estará dispoñible directamente en televisores co sistema operativo de Google (de marcas como Sony, Philips ou Sharp) e a través de distintos dispositivos externos (como a Mi Box de Xiaomi ou a consola nVIDIA SHIELD).

Categorías: Ciencia

Android Pay estréase en España

códigocero - Mér, 07/26/2017 - 12:00

Os pagamentos co móbil está a coller un grande pulo en España, e tras a chegada de Apple Pay e Samsung Pay faltaba un terceiro axente para completar a nosa oferta de pagamentos móbiles sen contacto, Android Pay, que hoxe mesmo inicia a súa andaina da man do BBVA, entidade bancaria que permite o uso das súas tarxetas de crédito e débito de Mastercard e Visa.
Android Pay funciona en máis dun millón de tendas en toda España, pois é compatible cos sistemas de pagamento sen contacto, de xeito que podemos empregalo en establecementos como El Corte Inglés, VIPS, Zara, Fnac, Media Markt, Repsol... e para poder empregar Android Pay chega con instalar a súa aplicación no noso smartphone (con sistema operativo Android) e engadir a nosa tarxeta bancaria.
Para despois empregar Android Pay chegará con que a pantalla do smartphone estea acendida e achegar o teléfono ao terminal de pagamento. Rematada a compra recibirase información da transacción no móbil, facilitando así un control dos recibos e as compras.
Pero Android Pay non permitirá só empregar as tarxetas bancarias para pagar en establecementos físicos, senón que tamén é compatible con plataformas en liña como Deliveroo, Vueling ou Zara (e, en breve, Just Eat) que integran un botón de Android Pay, de xeito que os establecementos electrónicos non reciben o noso número de tarxeta bancaria, fornecendo unha maior seguridade aos nosos pagamentos.
Para poder empregar Android Pay chega con que teñamos un teléfono con Android 4.4 ou superior con tecnoloxía NFC, de xeito que é unha solución aberta a un impresionante número de dispositivos (fronte a Samsung Pay, que está limitado a uns poucos dispositivos de alta gama).

Android Pay tamén pode empregarse en liña a través dun botón de pagamento específico
Categorías: Ciencia

Páxinas

Subscribirse a IGACIENCIA lector de novas