Ciencia

Skype terá unha versión para smartphones de baixa gama

códigocero - Lun, 03/05/2018 - 12:37

Para a realización de videoconferencias unha aplicación que continúa a ser un referente mundial é Skype, que na súa versión para Android superou o pasado outono os mil millóns de descargas, e para non pecharse cancelas dende Microsoft anuncian que están a lanzar unha nova versión da aplicación optimizada para dispositivos con Android entre as versións 4.0.3 e 5.1, que fai un uso reducido do espazo de almacenamento do móbil e da súa memoria, conseguindo así que funcione en terminais moi básicos ofrecendo unha maior velocidade, mellor son e unha maior calidade de vídeo, á vez que busca funcionar con solvencia en redes pouco estables.
A nova versión de Skype aínda non está dispoñible, xa que a súa distribución global será paulatina, completándose en poucas semanas.

Categorías: Ciencia

A xornada 18.2 dos Amigus Labs das Pontes volveu poñer o foco no potencial Maker

códigocero - Lun, 03/05/2018 - 12:03

O Lar de Endesa acolleu esta fin de semana unha nova xornada e divulgación ao abeiro das Fab Lab das Pontes, organizadas pola asociación local Amigus. Nesta nova cita, novamente, argalleiros de todas as idades interactuaron arredor dalgunhas das tecnoloxías específicas máis decididamente Maker. Cousas como impresoras en 3D, placas de hardware e software libre (Arduino e Raspberry Pi) ou ferramentas como por exemplo Tinkercard, que un software de balde creador por Autodesk (referente en programas para deseñar en 3D) co obxectivo de ser empregado ao máximo por profesionais do eido pero tamén por seareiros, educadores e crianzas. Na cita desta finde no Lar de Endesa, Tinkercard foi empregado para deseñar primeiros prototipos de xoguetes e trebellos.
Segundo nos conta a organización, a ultima hora da maña máis de 50 rapaces e rapazas dos equipos de rugby dos clubs Fendetestas, Rugby Ferrol e Muralla Rugby Club de Lugo, visitaron o Fab Lab, interesándose polas posibilidades e funcionamento das impresoras 3D, o uso do Arduino e Raspberry Pi nos proxectos que se realizan ao abeiro dos Amigus Labs, e as posibilidades de transferencia aos seus proxectos persoais.
Ademais, a arcade coas recreativas feitas en anteriores Amigus Labs volveu a ter a visita de curiosos e xogadores cos clásicos de 8 e 16 bits.
Xa pola tarde os participantes puxéronse “ao choio” co proxecto colectivo de dar forma definitiva a unha fresadora (proxecto iniciado nas xeiras de traballo previas), mellorando a súa estrutura e avanzando na súa consecución. Ademais, completáronse os proxectos de reloxos dixitais que estaban en desenvolvemento, probáronse distintos tipos de estruturas para caixas LED e puxéronse en riba da mesa diferentes propostas para o deseño dunha cúpula xeodésica.
Desde Amigus Labs agradecen a participación e implicación das seguintes entidades: Concello das Pontes, COHEMPO, ENDESA, EuroEume, Nauta, No Ping, Nodo Dixital, Triade, Severiano Agrocomercial, Escourido Asociados, Clip Carbono, Ferretería Marcos, Lujo, Matojoma, You can school of English, Fitter, Pontesa Marmoles y granitos, Desguaces Vilabella, Óptica Carmela, Galiorient, Servicio Móvil, Areco, Panadería San José, Fotografía Fabian, Don Dino, CONPLC, IcoEume, Preludio Musical, Arprosa, Radio Eter e ao Grupo de Empresa de Endesa.

Categorías: Ciencia

Telegram e Signal padecen unha importante caída

códigocero - Lun, 03/05/2018 - 11:46

Os fallos nas plataformas de mensaxería instantánea son máis frecuentes do que desexariamos, e en non poucas ocasións o fallo dunha plataforma provoca o colapso das máis cativas por mor de usuarios que recorren rapidamente a alternativas para comunicarse, disparando o volume de conexións. Non sabemos se será o caso desta mañá, pero o certo é que dúas das grandes alternativas a WhatsApp, como son Telegram e Signal, experimentaron grandes problemas, de xeito que boa parte dos usuarios de Telegram en Europa, Oriente Próximo e norte de África non podían conectarse, coincidindo cunha caída global de Signal, a plataforma de referencia para os amantes da seguridade nas comunicacións privadas.
O servizo europea de Telegram xa está a restaurarse no momento de escribir estas liñas, pero a coincidencia na caída de ambas redes leva a pensar en problemas como os problemas que teñen estas infraestruturas de comunicación (estando aínda moi lonxe das tecnoloxías tradicionais en dispoñibilidade) e na elevada dependencia que temos actualmente a estar conectados as 24 horas do día, xa que parece máis que probable que fose a caída dunha plataforma o que provocase a caída da outra pola vaga de usuarios que non querían estar incomunicados.

Categorías: Ciencia

A Fundación Carlos Velo lanza unha web dar a coñecer o cineasta galego no mundo

códigocero - Lun, 03/05/2018 - 10:12

A Fundación Carlos Velo, adicada a visualizar a obra e o legado do cineasta galego de Cartelle, vén de pór en marcha un portal web cos mesmos obxectivos de reivindicación, pero expandidos aos escenarios dixitais e, polo tanto, con máis amplitude de comunicación. Estamos a falar da páxina www.fundacioncarlosvelo, unha web de coidado deseño e cun marcado compoñente visual, onde todos os elementos comparten a mesma arela: facer comunidade arredor do creador galego, que, en palabras da fundación, converteuse en referente do cinema documental en España durante a República e que foi, no exilio mexicano, un sobranceiro realizador na cinematografía do pais azteca e un director de proxección internacional grazas a títulos como Torero ou Pedro Páramo, entre outros.
Para quen non o saiba, Velo tamén destacou polo seu importante traballo a prol da proxección da cultura galega no mundo. De feito, xunto con outros tres ourensáns, Luís Soto, Florencio Delgado Gurriarán e Elixio Rodríguez, entre outros moitos, puxo en marcha a revista Vieiros, da cal se cumpren agora 50 anos dende que deixou de publicarse e que constitúe a publicación de pensamento social, político e cultural de máis calidade da historia da emigración galega.
Segundo nos conta a fundación, a web está operativa dende o día 1 de marzo, coincidindo co trinta aniversario do pasamento de Carlos Velo e incide en aspectos como a súa biografía, a súa filmografía, así como no funcionamento da propia fundación, actividades, estatutos, etc., sen esquecer unha ampla galería fotográfica sobre o seu transcurso vital e profesional.

Categorías: Ciencia

La adición de grafeno aumenta la vida útil de las baterías de litio

Investigación y Ciencia - Lun, 03/05/2018 - 00:00
La mejora en la circulación de los iones de litio y la menor degradación del ánodo podría lograr que las baterías de los teléfonos móviles y los coches eléctricos fuesen mucho más duraderas.
Categorías: Ciencia

Foro tecnolóxico 25 anos da Rede en Galicia

códigocero - Dom, 03/04/2018 - 20:52

Categorías: Ciencia

Las primeras estrellas y la materia oscura: primeras dudas

Investigación y Ciencia - Dom, 03/04/2018 - 00:00
¿Alegría prematura? Los espectaculares datos sobre los primeros tiempos tras el Big Bang quizá tengan un origen más terráqueo.
Categorías: Ciencia

Ferrol fai un chamamento a compartir vehículo a través da súa aplicación específica

códigocero - Ven, 03/02/2018 - 22:57

O Concello de Ferrol quere unha cidade máis sustentábel en materia de transporte e, por esta razón, está a promover novos hábitos de mobilidade ligados ás posibilidades dos servizos dixitais. En base a isto, o Goberno local vén de relanzar o servizo Compartes Coche?, tamén coñecido como Bla Bla Car Ferrol, un chamamento a prol do uso compartido do automóbil e do aforro de cartos e de esforzos dos cidadáns (en desprazamento, en busca de estacionamento, etc), ao tempo que se pon un gran de area polo medio ambiente.
A medida ten a súa orixe en 2009, cando o Concello lanzou a devandita aplicación específica Compartes Coche?, aloxada aínda na web municipal. «Agora», informan dende o Consistorio, «a nosa intención é darlle hoxe un novo empuxón e e poñela en portada da nosa web para favorecer a accesibilidade dos futuros usuarios». A ferramenta, dispoñible vía web permitirá «poñer en contacto aos veciños de Ferrol para a realización de viaxes comúns».
Para tirarlle proveito, o primeiro que hai que facer é rexistrarnos cun formulario básico (que preserva a intimidade dos datos mais persoais), no que se indica a data, o percorrido itinerario e as prazas dispoñíbeis. Os interesados nun traxecto concreto, poderán contactar de xeito privado coa persoa que publica a viaxe para poñerse en contacto e compartir para aforrar.
Se desexamos poñer un anuncio para compartir coche, deberemos rexistrarnos e cubrir os datos do traxecto (ao engadir o anuncio, non se mostrarán nada máis que o noso nome e o traxecto que compartimos, ocultando os datos persoais e o correo electrónico). As persoas interesadas poderán poñerse en contacto con nós a través da aplicación.

Categorías: Ciencia

Presentan en Compostela os Hubs de Innovación Dixital

códigocero - Ven, 03/02/2018 - 21:08

Durante a xornada Hubs de Innovación Dixital. Novos marcos de colaboración, celebrada na Cidade da Cultura, o conselleiro de Economía, Emprego e Industria, Francisco Conde, salientou que o Hubs de Innovación Dixital serán o mellor instrumento para desenvolver o ecosistema innovador galego ao marcar o camiño a seguir para facer fronte aos retos do futuro, como a dificultade das PEME para innovar en solitario ou a necesidade de incorporar tecnoloxías facilitadoras en todo o sector produtivo.
Así, desenvolverase un sistema de colaboración aberto público-privado que será capaz de cohesionar o sistema galego para salvar a distancia entre o coñecemento e o mercado e conseguir ser sustentable. Os obxectivos que se perseguen son adaptar as características do tecido galego a unha especialización nos sectores estratéxicos, potenciar a incorporación de tecnoloxías facilitadoras e impulsar o potencial innovador das PEME.
Conde falou de «cambio cualitativo no modelo de innovación que queremos para a Galicia de 2030» e presentou os Hubs como punto de encontro entre a empresa, a investigación e o financiamento e avanzou que se configurarán como xanelas únicas de servizos das que se beneficiarán todos os axentes implicados xa que, entre outros, poderán acceder a facilidades para incorporar tecnoloxía, apoio na planificación e acceso a investimentos, servizo de mentoring especializado, axuda para o emprendemento ou formación. Ademais, os centros de coñecemento participantes ofrecerán as súas infraestruturas e capacidades para o lanzamento de proxectos piloto ou demostración de novas tecnoloxías.
Para a súa posta en marcha (que o Goberno galego espera que se produza en 2019, tras estudar as primeiras propostas nos vindeiros meses) Conde avogou por centrarse naqueles sectores galegos con máis potencial, pois o obxectivo final é contar cun modelo realista, viable e sustentable no futuro.
O conselleiro pediu, ademais, a implicación de todo o sistema: desde os emprendedores ás administracións, pasando polos investidores, as PEME, as empresas tractoras e os centros de coñecemento e tecnolóxicos para que o éxito da innovación en Galicia chegue sobre a base da unión.

Categorías: Ciencia

Santiago acolleu o lanzamento de Dixitalizadas, un programa para formar en TIC a 5.000 mulleres do rural

códigocero - Ven, 03/02/2018 - 20:52

Dixitalizadas, unha iniciativa de ámbito estatal destinada a fornecer de coñecemento tecnolóxico ás mulleres da contorna rural, foi presentada e lanzada hoxe oficialmente en Compostela. A encargada de dala a coñecer foi a raíña Letizia, que estivo acompañada (entre outros persoeiros) polo presidente da Xunta, Alberto Núñez Feijóo, quen salientou o potencial de acción que ten o dito programa na nosa terra, e máis (explicou) tendo en conta o peso demográfico, social e económico das mulleres que viven no rural galego, pois preto da metade das explotacións agrícolas son titularidade delas. A cita de hoxe, celebrada o Hostal dos Reis Católicos, quixo ser unha chamada de atención (á sociedade civil, ás empresas e ás institucións) para acadar máis compromiso contra a fenda dixital de xénero.
Na presentación, amais de representantes das Administracións galega e estatal e dos responsábeis das entidades que desenvolven o programa, que son a ONG do xigante tecnolóxico Google e máis as entidades sociais Fundación Cibervoluntarios e a Fundación Mulleres, participaron o alcalde de Santiago, Martiño Noriega, Francisco Ruiz Antón, director de Políticas e Asuntos Públicos de Google España, María Soleto, directora e vicepresidenta da Fundación Mulleres, Yolanda Rueda, presidenta da Fundación Cibervoluntarios, e Dolors Montserrat, ministra de Sanidade.
No acto celebrado en Santiago, a raíña aproveitou a ocasión para lembrar que a alfabetización dixital vai alén das operacións propias da Administración Electrónica, xa que abrangue tamén as actividades de lecer, o acceso á cultura, a igualdade de oportunidades e o impulso do rural.
Amais destes datos, na cita cos medios tamén se fixo saber que Dixitalizadas pretende chegar en ano e medio a cinco mil mulleres das contornas non urbanas, que disporán, grazas a este programa, de formación dixital e en emprendemento. A intención dos impulsores da iniciativa é abranguer participantes de dez comunidades, incluída a nosa. A todas as mulleres que concorran nas actividades ofreceráselles a posibilidade de participar no programa Google Actívate de competencias dixitais.

Maite de Dios, Carmen Cao e María José Álvarez, mulleres digitalizadas que contaron a súa experiencia esta mañá

Dixitalizadas presenta tres áreas de formación básica de 6 horas de duración cada unha:
- Obradoros para cubrir os coñecementos básicos do manexo e contorna da internet co fin de ofrecer independencia na súa usabilidade. Neles ensinarase desde crear un correo electrónico e a súa correcta utilización así como o manexo e a navegación na internet.
- Obradoiros de ferramentas dixitais para o emprendemento: dirixidos a coñecer e mellorar o uso das diferentes ferramentas que ofrecen as redes e internet na xestión da súa propia empresa ou idea emprendedora.
- Obradoiros de habilidades dixitais para a procura activa de emprego: elaboración de currículos e cartas de presentación, coñecemento dos principais portais de procura de emprego así como aprender a detectar aqueles que poidan ser fraudulentos.
programa tamén contempla promover unha rede de voluntarias que poidan apoiar á súa comunidade, así como a creación dunha rede nacional de mulleres Dixitalizadas que se convertan en embaixadoras do programa nas súas comunidades locais para garantir a continuidade da alfabetización dixital na contorna rural.

Categorías: Ciencia

O 14 de marzo toca falar de Cidades Intelixentes no encontro CIMS GAL de Santiago

códigocero - Ven, 03/02/2018 - 16:59

O vindeiro 14 de marzo a Cidade da Cultura vai acoller un encontro arredor das Smart Cities, os principais retos que poñen en xogo e as súas importantes posibilidades en materia de calidade de vida, sustentabilidade, Administración Electrónica, transporte, xestión urbana e comunicación. Estamos a falar do encontro CIMS GAL 2018, acrónimo de Cidades Innovadoras Modernas e Seguras.
A cita, que se vai desenvolver de 9.00 a 14.30 horas, contará coa presenza dos seguintes moderadores: Fernando Suárez, presidente do Colexio Profesional de Enxeñaría en Informática de Galicia (CPEIG), Sandra Sinde, directora de Innovación Aberta do IDOM, Conchi Campos, co-directora da Rede Localis. O evento vén da man do Clúster TIC Galicia, Vicepresidencia da Xunta e as axencias AMTEGA e GAIN.
Os relatores serán André Castelo (socio director de APDTIC), Hugo Álvarez, responsábel de Big Data de Micro Focus, Ana Vázquez, xefa da Área da Subdirección Xeral do Rexistro Xeral de Protección de Datos da AEPD, Andrés López, xerente de Innovación de Ruta N Medellín, Diana Alonso, conselleira técnica e coordinadora da Rede Innpulso (MINECO), Javier Vázquez, asesor TIC do Concello de Santiago, Jesús Cañadas, xefe de área do Gabinete da Secretaría de Estado para a Sociedade da Información (MINETAD), Patricia Argerey (directora da Axencia Galega de Innovación, GAIN), Pedro Rodríguez, conselleiro técnico da Subdirección Xeral de Desenvolvemento Urbano (MINHAFP), Aitor Cubo (subdirector xeral do Impulso á Administración Dixital e Servizos ao Cidadán, SGAD), Daniel Neira (avogado e investigador da USC) e Javier Albertos (responsábel de Modernización e Innovación do Servizo de Administración Electrónica do Concello de Vigo).
A xornada será inaugurada ás 9.00 horas polo vicepresidente da Xunta, Alfonso Rueda, a directora de AMTEGA, Mar Pereira, e o presidente do Clúster TIC, Antonio Rodríguez.
A continuación dará comezo a mesa redonda Cidades Seguras, moderada polo presidente do CPEIG, Fernando Suárez.

Categorías: Ciencia

O Kit de Activación Dixital da Coruña encara a elaboración da súa guía definitiva

códigocero - Ven, 03/02/2018 - 14:30

O Kit de Activación Dixital da Coruña está a comezar unha nova e importante andaina, no camiño de achegarse o máximo posíbel á cidadanía e ao seu importante potencial creativo (o seu obxectivo fundamental). O kit, posto en marcha polo Concello para atender a demanda dos axentes sociais e culturais de ferramentas accesíbeis que favorezan a creación e distribución de contidos, estivo os días pasados aberto á participación directa da veciñanza. Até o día 28 de febreiro, de feito, recolleuse un importante feixe de contribucións educativas, sociais e artísticas, sobre todo da man de persoas con experiencia en narrativas dixitais, audiovisuais e tecnolóxicas. Con elas, elaborarase un documento, que será tamén descargábel en PDF, e que será a guía metodolóxica final, á que poderán acceder todos os usuarios do kit.
Segundo informa o Concello, está previsto que a guía se incorpore á web a mediados deste mes de marzo e que as persoas que sigan querendo compartir un proxecto, así como trasladar ideas, suxestións ou dúbidas, poidan seguir facéndoo (xa que o formulario online, que até o de agora se podía atopar no apartado de Achegas, manterase operativo nese mesmo espazo).
Para quen non o saiba, o Kit de Activación Dixital é unha guía e un punto de encontro entre “persoas que fan e persoas que queren facer”, en palabras de Coruña Dixital, que engade que o proxecto pon en común experiencias, retos e recursos cos que poder expandir novas prácticas culturais e activistas a través da creación audiovisual e a comunicación dixital, “pensando especialmente nas aulas de ensino (formal ou non) e nos espazos culturais de proximidade, pero tamén en asociacións veciñais, culturais ou vinculadas a colectivos específicos”.
O Kit de Coruña Dixital está dispoñíbel para o público dende o 3 de febreiro. Detrás deste proxecto atópanse as seguintes entidades e colectivos: Coruña Dixital (Concello da Coruña), Gingko e La Mujer Forzuda.

Categorías: Ciencia

O Galaxy S9+ confírmase como o móbil coa mellor cámara do mercado

códigocero - Ven, 03/02/2018 - 12:46

Até a semana que vén non haberá consumidores que poidan pór a man enriba aos novos Samsung Galaxy S9 e S9+, pero o novo smartphone insignia de Samsung xa está a pasar por distintos laboratorios para comprobar a excelencia das súas novas cámaras, e parece confirmarse o feito de que estamos ante a mellor cámara de smartphone até o momento, superando lixeiramente ao iPhone X e ao Pixel 2, actuais referentes.
Até o momento a análise máis exhaustiva e rigorosa do Galaxy S9+ chega de DxOMark, onde a cámara do teléfono conseguiu unha puntuación xeral de 99 (104 en fotografía e 91 en vídeo), mentres que o Pixel 2 tiña un 98 (99 en fotografía e 96 en vídeo) e o iPhone X un 97 (101 en fotografía e 89 en vídeo) asegurándose que o teléfono carecía de puntos febles na súa cámara, comportándose moi ben en numerosas situacións e conseguindo un dos mellores efectos de profundidade de campo.
Confírmase que a competición neste apartado non para, e cada poucos meses temos un smartphone de alta gama que consegue superar aos anteriores, o que resulta cada vez máis complexo, aínda que resulta rechamante que iso poida ser posible empregando distintas técnicas, como o feito de que o Pixel 2 destaque sen contar con dobre cámara traseira, ou que Apple opte por aproveitar sensores de profundidade do que carecen o resto de fabricantes.
No caso de Samsung a aposta pola dobre apertura da cámara principal, que admite modo f/1.5 e f/2.4 permite unha versatilidade destacable, de xeito que compórtase moi ben con pouca e con moita luz; conseguindo tamén brillar grazas a un novo modo de cámara superlenta no que poden facer que nun vídeo estiremos 0,2 segundos de gravación para que ocupen 6 segundos en reprodución.

Categorías: Ciencia

Os contidos terroristas en liña deberán eliminarse antes dunha hora da súa notificación

códigocero - Ven, 03/02/2018 - 12:11
Andrus Ansip nunha imaxe de Dominique Hommel para a Unión Europea

A Comisión Europea vén de presentar un conxunto de medidas operativas, acompañadas das salvagardas correspondentes, que terán que adoptar as empresas e os Estados membros para intensificar a loita contra os contidos ilícitos en liña, que comprenderían dende os contidos terroristas até a incitación ao odio e á violencia, material relacionado con abusos sexuais a menores, produtos falsificados ou a violación de dereitos de autor.
O vicepresidente responsable do mercado único dixital, Andrus Ansip, asegura que «as plataformas en liña estanse a converter na principal porta de acceso do público á información, de xeito que estas plataformas teñen a responsabilidade de ofrecer un contorno seguro aos seus usuarios. O que é ilícito no mundo real o é tamén no virtual. É certo que hai varias plataformas que están a retirar máis contidos ilícitos que nunca antes, e iso demostra que a autorregulación pode funcionar pero, con todo, temos que responder con maior velocidade ante a propaganda terrorista e outros contidos ilícitos que supoñen unha grave ameaza para a seguridade e os dereitos fundamentais dos nosos cidadáns».
A Comisión recomenda medidas operativas que garantan a detección e retirada rápida dos contidos ilícitos con procedementos de notificación e acción máis claros, instrumentos máis eficaces e tecnoloxías proactivas, salvagardas máis sólidas para garantir os dereitos fundamentais, prestar especial atención ás pequenas empresas e cooperar de xeito máis estreito coas autoridades.
No que aos contidos terroristas en liña realizan recomendacións na mesma liña, entre as que destaca a norma dunha hora, ou sexa, que perseguen que as empresas de contidos en liña retiren de xeito xeral os contidos terroristas no prazo dunha hora dende a súa notificación para responder ao feito de que resulta máis nocivos nas súas primeiras horas de aparición na Rede.
A Comisión analizar o cumprimento destas recomendacións, para ver se é preciso establecer medidas suplementarias e incluso chegar a lexislar ao respecto.

Categorías: Ciencia

A aplicación móbil de YouTube permite facer chromas sen fondo verde

códigocero - Ven, 03/02/2018 - 11:44

O pasado outono YouTube estreou novos formatos para os seus creadores que superasen os 10.000 subscritores, os que xa poden publicar, entre outras cousas, contidos nun formato semellante ás historias que podemos ver noutras plataformas sociais, e que estes días están a integrar unha tecnoloxía moi interesante que está en probas, e que facilitará a creación de efectos de chroma key sen ter que empregar os tradicionais fondos verdes.
Deste xeito, valéndose do móbil do creador, será posible gravar vídeo mudando o fondo e aplicando distintos efectos, xa que a aplicación é capaz de distinguir ao usuario, separando a imaxe en dúas capas (unha frontal e outra traseira) para así poder simular que estamos en distintos lugares, á vez que tamén pode aplicar efectos de iluminación ao usuario para conseguir atractivos efectos e dar máis realismo ás historias creadas dende a aplicación.

Categorías: Ciencia

Chega Feiradoc.gal, o documental interactivo sobre a feira galega contemporánea

códigocero - Ven, 03/02/2018 - 11:30

Finalmente, o documental interactivo sobre a feira galega e o seu relevante papel socioeconómico na nosa historia recente e antiga, vén de ser lanzado na Rede a través da páxina web específica feiradoc.gal, un sitio dixital que plasma á perfección o espírito da peza audiovisual e que salienta en parte pola súa calidade visual e informativa e en parte tamén polo seu compoñente de preservación dunha realidade en vieiros de desaparecer. O documental, como lembraremos, foi desenvolvido ao abeiro da segunda Bolsa Nacho Mirás para novos titulados, convocada polo Colexio Profesional de Xornalistas de Galicia e máis ABANCA. A obra foi dirixida por Laura Santos e Jorge Váquez e, segundo nos conta o colexio, “reúne testemuños de feirantes nas catro provincias galegas, para construír unha visión ampla do que supón o mercado tradicional nas nosas vilas”.
O documental, amais de destacar polo achegamento que propón a unha práctica social e económica que se remonta a unha manchea de séculos atrás (que nos define e que ao mesmo tempo está en risco de esmorecer por mor do afianzamento de novos modelos produtivos e sociais), tamén salienta polo seu compoñente innovador. Segundo lembran os responsábeis da obra, o compoñente interactivo “permítelle ao usuario decidir por onde quere seguir o seu camiño virtual polas feiras do país”, un camiño percorrido na compaña dos feirantes e os seus relatos, as máis das veces saudosos dos tempos en que as feiras eran un fervedoiro de xente procedente de todos os recantos da nosa terra (os grandes e históricos mercados de gando das nosas vilas e cidades).
Os directores do proxecto, Laura Santos e Jorge Vázquez, tamén poñen o foco no “feito de facer memoria dixital e deixar pegada preservando relatos que antes ou despois desaparecerán”. Ao seu xuízo, proxectos coma este son “un xeito de seguir formándonos, de experimentar cos formatos e de darlle visibilidade a un fenómeno de moito peso na nosa sociedade". Ambos os dous teñen traballado en proxectos dixitais, son titulados en Comunicación Audiovisual pola Universidade da Coruña. Laura Santos cursa o Máster en Direccción de Arte Publicitaria, Jorge Vázquez é Máster en Comunicación e Industrias Creativas e investigador doutorando na Universidade de Santiago de Compostela, onde estuda as narrativas de non ficción interactiva.
O documental interactivo ten presenza en Facebook e Instagram, onde os interesados poderán seguir as novidades do proxecto e enviar as súas visións en formato audiovisual para facer de Feira unha obra colaborativa.

Categorías: Ciencia

A Galipedia celebra este mes de marzo os seus quince históricos anos de vida

códigocero - Ven, 03/02/2018 - 11:30

O mes de marzo de 2003, concretamente o día 8, nacía un dos grandes proxectos web da nosa terra, con toda probabilidade un dos máis importantes pola súa utilidade no subministro de coñecemento, e tamén, pola reivindicación do galego como unha lingua válida, viva e plenamente afianzada na era da Internet. Estamos a falar da Galipedia, a Wikipedia en galego, que está xa mergullada na celebración dos seus quince anos de historia, tres lustros de traballo incansábel a prol do coñecemento sen cancela de milleiros de voluntarias e voluntarios, que foron quen de facer medrar a Galipedia e de dar azos ao galego na Internet. Segundo nos lembra a comunidade do proxecto, a enciclopedia dixital en galego segue viva e con devezos de continuar medrando.
A día de hoxe, a Galipedia foi quen de mellorar a calidade das súas entradas e de chegar ao posto número 14 na lista de wikipedias por mostra de artigos, cando no 2013 estaba na posición 22, sobre un total de máis de 280 linguas.
No balance de cifras tamén cómpre salientar os case 150.000 artigos acadados, entre os que se contan máis de 150 de gran calidade (que son os que a comunidade etiquetou como as melloras achegas e entre os que se inclúen traducións de entradas da Wikipedia e artigos de colleita propia, abordando temáticas variadas: historia, artes, xeográfica, bioloxía, medicina ou ciencias exactas).
Os impulsores da Galipedia, no seu ollar cara atrás (que é o complemento ideal para a práctica de ollar cara adiante, cara ao futuro), engaden que dun tempo a esta parte e co obxectivo de reparar a discriminación masculina perpetuada en décadas e séculos de xeración de coñecemento, están a darlles meirande visibilidade ás mulleres, “tentando reducir a fenda de xénero existente neste tipo de artigos entre as biografías de homes e de mulleres”.
Outra mostra do traballo realizado é que, dos máis de 3.500 artigos de parroquias de Galicia, máis de 3.000 xa teñen a súa propia fotografía, estando completas as das provincias de Pontevedra e A Coruña, grazas ós esforzos dos editores e doutras persoas que publican as súas fotografías con licenzas libres (este proxecto organízase no Wikiproxecto fotos de parroquias).
O equipo coordinador da Galipedia tamén informa que, co gallo deste aniversario, vanse realizar unha serie de actividades, a máis importante das cales será o Primeiro wikimaratón do Día Internacional da Muller que se vai levar a cabo en Ourense o día 10 de marzo, en colaboración co Concello de Ourense a través da súa concellaría de Igualdade. Este evento será unha actividade aberta a toda a cidadanía na que se realizará un obradoiro de introdución á edición e, a continuación, un wikimaratón para mellorar e crear artigos de biografías de mulleres destacadas, uníndose así esta celebración á do Día Internacional da Muller.
A comunidade da Galipedia tamén aproveita esta celebración para agradecer o traballo das persoas que apoian acotío o proxecto, colaborando cada día, que se suman ao colectivo voluntario que cooperou nos seus inicios, e todas e todos mellorando a enciclopedia libre en galego, que devagar pero con paso firme vai incrementando a calidade e o contido das súas entradas, amais da cantidade. A comunidade agradece igualmente o apoio das lectoras e lectores, “que cada día consultan as súas páxinas aumentando así a súa utilidade”.

Categorías: Ciencia

Santiago acolle unha relevante xornada sobre mulleres que collen as rendas do sector TIC

códigocero - Ven, 03/02/2018 - 09:49

O vindeiro 16 de marzo celebrarase en Santiago de Compostela unha completa e interesante xornada sobre as importantes posibilidades de enriquecemento que se abren nas empresas TIC de todo coa incorporación da muller a todo tipo de postos de relevancia. A sesión, que se vai desenvolver co epígrafe A era tecnolóxica: un desafío para as empresas e os seus líderes, vén da man de AUDICON e a Asociación para el Progreso da Dirección (APD), e conta (no que a nosa terra se refire) coa colaboración activa do Colexio Profesional de Enxeñaría en Informática de Galicia (CPEIG), Executivas de Galicia, Mindset, e Valora Consultores. A xornada terá lugar no Auditorio ABANCA, no número 23 da rúa do Preguntoiro, en horario de 9:00 e as 14:30 horas.
A xornada busca pór de relevo dous feitos que, en palabras dos organizadores, son a todas luces incontestábeis: “Estamos convencidos de dúas cousas; a primeira, que ningunha actividade económica poderá sobrevivir se non integra a tecnoloxía ao seu modelo de negocio e ao seu quefacer cotián; e a segunda, que é imprescindíbel que as mulleres estean presentes nesta revolución tecnolóxica que estamos a vivir e que é noso deber outorgarlles visibilidade”.
Para incidir neste obxectivo de “dar visibilidade” participarán na sesión empresas e profesionais referentes en Santiago de Compostela para falar de tecnoloxía, talento e “do imprescindíbel papel da muller no proceso de crecemento das organización”. Participará como relatora a directora financeira en Ebay Internacional, Laurent St. Clair, e outros representantes de organizacións como a Fundación Telefónica (Rosa María Sainz e Milagros Sainz), Bahía Software (Ana Armada), MindSet (Mónica Quintana), Gamering (Txema Arnedo), Accenture (María José Sanz), Gradiant (Luis Pérez Freire), Clun (Adali Morales), Executivas de Galicia (Carla Reyes Uschinsky), Inteligenz (Cristina Aranda), Eventim.com (Basola Vallés), e docentes da Universidade de Santiago de Compostela (Ángeles Romero ou Elela Vázquez Cendón).

Categorías: Ciencia

¿Por qué se «divorcian» las parejas de aves?

Investigación y Ciencia - Ven, 03/02/2018 - 00:00
Algunas especies muestran este comportamiento para asegurar su éxito reproductivo.
Categorías: Ciencia

Lowi ofrece fibra óptica no fogar por só 26 euros/mes

códigocero - Xov, 03/01/2018 - 23:00

Até o 30 de abril Lowi está a ofrecer aos seus clientes de móbil ou de fibra+móbil o dobre de volume de datos, promoción que están a dar a coñecer a partires de hoxe entre os seus clientes, mentres que non parecen dar importancia a un cambio bastante máis profundo da súa oferta actual, xa que as súas conexións de fibra óptica de 50 Mbps pasaron de custar 33 euros/mes a 26 euros/mes, estando suxeita tal rebaixa de prezo á aceptación dun compromiso de permanencia de 24 meses. Deste xeito, temos así cunha das opcións máis económicas do mercado para gozar dunha conexión de fibra óptica no fogar que, ao non incluír número de teléfono fixo, pode rebaixar o seu prezo até un límite moi asumible.
A fibra óptica de Lowi emprega a infraestrutura de Vodafone, inclúe instalación e router Wi-Fi de balde e tamén pode combinarse con números de teléfono móbil de Lowi con chamadas ilimitadas.

Categorías: Ciencia

Páxinas

Subscribirse a IGACIENCIA agregador - Ciencia