Ciencia

Water-repellent coatings could make de-icing a breeze

Nature - Mar, 10/10/2017 - 16:54

Coatings that force ice to grow upwards from the surface could make it easier to remove.

Nature News doi: 10.1038/nature.2017.22790

Categorías: Ciencia

ABANCA e USC salientan as vantaxes das TIC no envellecemento activo

códigocero - Mar, 10/10/2017 - 16:00

Afundación (ABANCA) e a Universidade de Santiago (Grupo USC-PSICOM) presentaron hoxe un informe sobre envellecemento activo e as metodoloxías futuras máis axeitadas para alentalo e para afrontar con saúde e calidade de vida un fenómeno demográfico (o envellecemento da nosa poboación) que irá a máis nos anos vindeiros (en 2031 o 39% dos galegos terá máis de 60 anos). O informe conclúe que as persoas que participan nos programas de envellecemento activo, cuxa base está constituída en boa medida polo uso das TIC, mostran “niveis significativamente mellores”, tanto na saúde global, como na participación e a contribución social en relación a outras persoas da mesma idade, igualmente autónomas e independentes, pero que non participan en actividades.
O estudo realizouse grazas a unha nova ferramenta deseñada pola Universidade de Santiago, o Índice Persoal de Envellecemento Activo (IPEA USC), en palabras da institución académica compostelá “a primeira no mundo que permite avaliar e cuantificar o nivel de envellecemento activo particular de cada individuo”. Con este recurso o equipo de traballo da USC fixo 391 entrevistas a persoas maiores de 55 anos divididas en dous grupos: socios que acoden a programas de envellecemento activo e persoas que non participan en ningún tipo de actividades destas características. Para avaliar o impacto tivéronse en conta as dúas dimensións que constitúen o envellecemento activo a nivel persoal, a participación global (que se refire ao emprego, a participación social, a formación continua, o uso das novas tecnoloxías da información e o lecer) e a saúde integral (que inclúe a saúde física, funcional, cognitiva, o estado afectivo e o estado social). A conclusión é que os participantes nestes programas teñen un nivel de envellecemento activo elevado, de 0,71 sobre 1, dez puntos máis que os que non participan, o que, en palabras da USC e ABANCA, “probaría a súa eficacia”.
No estudo dise ademais que “en xeral, as persoas que realizan actividades deseñadas especialmente para promover un envellecemento activo teñen un estado de saúde que supera en 6 puntos os que non seguen estes programas”. En termos concretos, teñen menos doenzas e síntomas físicos, maior satisfacción co seu estado de saúde, mellor funcionamento cognitivo e están máis activos dende o punto de vista mental.
Na investigación, respecto da participación global dos maiores, a diferenza nos índices elévase até 14 puntos como media. Así, sinálase, os usuarios destes programas “participan máis na sociedade e xeran máis contribución social, usan máis frecuentemente as TIC e gozan dun lecer máis variado e estimulante”.
Partindo destes resultados, sinalou na presentación dos mesmos Sabela Couceiro, coordinadora de Envellecemento Activo de Afundación, “extraéronse unha serie de recomendacións para reforzar os aspectos máis febles do programa e, desa maneira, favorecer un envellecemento activo de maneira máis integral”. Algunhas propostas son: “Incluír estratexias para xestionar as emocións e favorecer estados de ánimo positivos, levar a cabo accións que favorezan a participación e a contribución social e incidir nas actividades que contribúen a aumentar a autonomía, a autoaceptación, o crecemento persoal e a visión máis positiva da vellez”.
Couceiro tamén recordou que a Afundación dispón dunha rede propia de 11 espazos, situados nas sete principais cidades galegas e noutras catro poboacións (Betanzos, Monforte, Pontedeume e Viveiro). Os centros, que contan na actualidade con máis de 12.000 persoas socias, foron concibidos “como espazos destinados a conseguir que a etapa vital que iniciamos coa xubilación siga ofrecéndonos oportunidades de medrarmos persoalmente e de continuar formándonos”. Con este obxectivo, ofrécese unha programación que abrangue “diferentes dimensións do envellecemento activo”, con diversidade de propostas que se estruturan en cinco bloques: hábitos saudábeis, cultura e expresión artística, formación e coñecemento, novas Tecnoloxías da Información e a Comunicación (TIC) e lecer activo.

Categorías: Ciencia

Investigadores do CiTIUS impóñense no reto internacional de cálculo avanzado en cardioloxía clínica

códigocero - Mar, 10/10/2017 - 13:30
De esquerda a dereita, Paulo Félix, Tomás Teijeiro, Constantino García e Daniel Castro. (Foto: Andrés Ruiz / CiTIUS)

O meirande desafío internacional de computación en cardioloxía clínica vén de ser resolto por investigadores da nosa terra. Máis en detalle, por investigadores do centro de investigación CiTIUS da Universidade de Santiago. Segundo nos conta o centro, os científicos do seu programa de eSaúde obtiveron o mellor resultado dos 75 participantes rexistrados, entre os que cómpre salientar equipos de universidades tan referenciais (e tan afeitas a copar galardóns e recoñecementos) como Stanford e Oxford. A equipa galega está formada por Paulo Félix, Tomás Teijeiro, Constantino García e Daniel Castro.
As súas contribucións destacan polo seu potencial para detectar a presenza da fibrilación auricular, que é máis estendida das arritmias cardíacas sostidas no tempo (afectando a entre un un e un dous por cento da poboación mundial, uns 12 millóns de persoas só en Europa e Estados Unidos). Por outra banda, trátase dunha doenza que irá a máis nos vindeiros anos (sobre todo polos malos hábitos aos que nos somete a sociedade industrializada e do “benestar”, inzada de hábitos de sedentarismo e alimentación inaxeitada).
O problema, para combater esta doenza, viña sendo como atopar as mellores metodoloxías para facer diagnósticos certeiros da enfermidade (que non achega pautas fixas nin moito menos unha liña continua no tempo). Segundo informa o CiTIUS a estratexia máis común viña consistindo en pautar un seguimento dos pacientes sospeitosos de sufrir esta doenza mediante un aparello (Holter), que rexistra o seu sinal electrocardiográfico durante 24 horas para que sexa avaliado logo por un experto. Porén, cada vez son máis aceptadas as aproximacións baseadas en novas tecnoloxías que promoven “unha proba simple e inmediata de electrocardiograma (ECG), a realizar nos centros de atención primaria, ou mesmo no domicilio particular do paciente, para a súa detección automática”, explican dende o CiTIUS engadindo que “estas novas probas diagnósticas demostraron xa un mellor rendemento que as clásicas monitoraxes practicadas con Holter, o que dá boa mostra do seu enorme potencial ante o desenvolvemento de novas tecnoloxías que poidan facelas aínda máis simples e precisas”.
O certame mundial
Co obxectivo de alentar os avances neste eido, investigadores de todo o mundo compiten cada ano no reto Physionet/Computing in Cardiology, un desafío internacional que vén de chegar á súa 18ª edición consecutiva no marco do congreso Computing in Cardiology. A finalidade do desafío en 2017 era validar unha proba de baixo custo que poida identificar dun modo sinxelo ao paciente con fibrilación auricular.
Na súa edición de 2017, o reto expuxo o problema do procesado automático de ECG para “localizar a posíbel presenza de fibrilación auricular sobre rexistros electrocardiográficos de curta duración”. O obxectivo era “obter unha proba de baixo custe”, que posibilitase identificar “dun modo sinxelo” ao paciente “coa axuda de pequenos dispositivos de tamaño inferior ao dunha tarxeta de crédito”.
Os algoritmos presentados a concurso polo equipo de investigadores do CiTIUS obtiveron o mellor resultado de entre todos os participantes. “Estamos a falar do foro de referencia a nivel mundial na aplicación da computadora ao procesamento de sinais biomédicos”, afirma un dos gañadores, Paulo Félix. Pola súa banda, o director do CiTIUS salienta que “fomos quen de desenvolver unha estratexia de detección que utiliza os principios da intelixencia artificial para emular o comportamento do especialista cardiólogo cando interpreta un electrocardiograma”. Pola súa banda, o seu compañeiro Tomás Teijeiro sinalou que “dispor dunha ferramenta robusta e fiábel para detectar unha posíbel fibrilación auricular permitiría realizar unha estratificación temperá dos pacientes, que serían así derivados a unha consulta especializada, o que axudaría a axilizar o tempo de diagnose, reducindo así os custos do sistema público de saúde e contribuíndo a garantir a súa sustentabilidade”.
No Physionet/Computing in Cardiology 2017 participaron 75 empresas e universidades de todo o mundo, entre os que destacan equipos das universidades de Stanford (EEUU), Oxford (Reino Unido), e a Escola Politécnica Federal de Zúric, ademais de prestixiosos centros de investigación como o Philips Research North America.

Categorías: Ciencia

O CITIC participa nun pioneiro estudo para a detección temperá de riscos en Internet

códigocero - Mar, 10/10/2017 - 12:38

Javier Parapar, investigador do Centro de Investigación TIC da Universidade da Coruña (CITIC), e os investigadores David E. Losada, da Universidade de Santiago, e Fabio Crestani, da Universidade de Lugano, veñen de iniciar unha pioneira liña de investigación denominada “eRISK” que se centra no desenvolvemento de novos algoritmos de detección temperá de riscos en Internet. Segundo informa o CITIC, até o de agora o estudos na devandita liña estiveron na súa maioría enfocados ao achado de riscos pero en fases máis avanzadas, e non en alertas de cedo. A este respecto, o centro da Universidade da Coruña salienta o estudo realizado polo IA Lab da Universidade de Arizona co obxectivo de detectar o recrutamento de xente nova para organizacións terroristas. Segundo explica o CITIC, este equipo desenvolveu unha infraestrutura de investigación chamada “Dark Web” que está dispoñíbel para os investigadores das ciencias sociais, informáticos e analistas de seguridade.
Porén, os estudos realizados en detección temperá até este intre careceron de alicerces experimentais sistemáticos, polo que foi difícil comparar e reproducir experimentos con algoritmos de predición que se puidesen executar con bos resultados en situacións diferentes. Esta barreira tentouse superar coas investigacións desenvolvidas en eRISk.
Está demostrado que as palabras que usan as persoas, tendo en conta un período de tempo ou unha secuencia de acontecementos, poden revelar aspectos importantes dos seus mundos sociais e psicolóxicos. Existen probas substanciais que vencellan a linguaxe natural con flutuacións de personalidade, sociais e situacionais. Isto é de especial interese para entender o inicio dunha situación de risco e como se reflicte na linguaxe empregada polos individuos.
As investigacións desenvolvidas en eRISK centráronse no estudo de dous tipos de prognóstico de perigosidade de cedo, con múltiples actores e cun só actor, centrando o foco no estilo lingüístico dos individuos involucrados.
No caso de múltiples actores estudáronse as situacións nas que existe un actor externo que causa o problema. Por exemplo, os delincuentes sexuais, que adoitan usar determinadas tácticas para contactar con nenos vulnerábeis ao abuso sexual.
Na categoría dun só actor analizáronse casos nos que non hai un causante externo que desencadee o problema, senón que o risco provén “de maneira exclusiva” do individuo, como pode ser o padecemento dunha depresión. Para este tipo de risco dun só actor, a evidencia viría en forma dunha secuencia cronolóxica de entradas escritas por un suxeito atormentado.
As conclusións deste interesante proxecto de investigación veñen de ser presentadas nun dos eventos de referencia internacional na materia como é a Conference and Labs of the Evaluation Forum (CLEF 2017) que se celebrou do 11 ao 14 de setembro no Trinity College de Dublín.
O equipo investigador de eRISK planea repetir o estudo para o próximo ano facéndoo extensíbel a outros problemas psicolóxicos como a anorexia ou o trastorno de tensión postraumática.

Categorías: Ciencia

A galega Aerocamaras achega o dron con meirande autonomía do mercado

códigocero - Mar, 10/10/2017 - 12:11

Aerocamaras, empresa galega especializada en desenvolvemento e servizos de drons (e en formación arredor dos drons, liña de traballo de onde abrolla a súa recente colaboración coa Deputación de Ourense), vén de dar forma a un vehículo aéreo non tripulado que funciona con gasolina e con electricidade, con capacidade de brindar até 4 horas de autonomía de voo, o que, en palabras da compañía, convérteo no aparello das súas características con meirande operatividade do mercado a nivel mundial. O dron híbrido de Aerocamaras, cunha carga de até 5 quilos, subministraría 2,5 horas de autonomía. O trebello chámase AeroHybrix e está listo para o seu emprego e comercialización.
O desenvolvemento da aeronave, materializada xunto a enxeñeiros americanos, resultou ser “todo un éxito”, en palabras de Jaime Pereira, xerente da compañía galega, para quen está claro que o vehículo aéreo “marcará un antes e un despois nun sector limitado por uns tempos de voo escasos, achegando un chimpo cualitativo tanto para servizos profesionais como para o desenvolvemento en xeral do sector”.
Entre as características técnicas do dron híbrido a compañía salienta a súa capacidade á hora de trasladar até 5 quilos durante aproximadamente dúas horas e media e voar 4 horas sen carga. Despois dun ano de estudo e desenvolvemento, a aeronave superou máis que satisfactoriamente unha manchea de horas de voo e está preparada para a súa comercialización, prevista para o próximo mes (as especificacións poden consultarse en www.dronehibrido.com).
A empresa, con sede en Ourense, sinala que o aparello é froito da súa aposta polo desenvolvemento propio de drons despois de consolidarse dentro do mercado da formación de pilotos como a empresa con maior número de alumnos de España (máis de 2.000 persoas). Como expertos en asucar o ceo, desde Aerocamaras consideran que é "vital" superar as barreiras para profesionalizar aínda máis o voo non tripulado”. E engaden: “Á hora de facer actuacións de emerxencias, rescates ou inspeccións en sectores como a electricidade, topografía ou agricultura é imprescindíbel contar coa maior autonomía de voo posíbel; isto permitiría desprazamentos máis longos en canto a distancia e mesmo afinar aínda máis os estudos”.
A idea, polo tanto, é cubrir con AeroHybrix un amplo abano de eidos de aplicación: agricultura de precisión, emerxencias, rescate acuático, transporte de mercadorías, localización e procura de persoas, focos de incendios, seguridade, topografía ou achado de furtivos ou bancos de pesca. As probas foron realizadas no Pazo de Vilamarín, instalación cedida pola Deputación de Ourense e onde se iniciaron (e seguen realizándose) os traballos prácticos da formación de pilotos na provincia.

Categorías: Ciencia

Twitter prepara unha función para gardar chíos de interese

códigocero - Mar, 10/10/2017 - 12:02

Unha das funcións básicas de Twitter foi sempre a posibilidade de marcar contidos publicados como favoritos, o que pouco a pouco desvirtuouse, de xeito que rematou transformándose nun gústame (pasouse da icona da estrea á icona do corazón), de xeito que para algúns usuarios deixou de existir un xeito efectivo de conservar chíos para a súa consulta posterior, e para atender a esta demanda un dos responsables de desenvolvemento de Twitter vén de dar conta do desenvolvemento dunha función de gardar para despois, ou sexa, da recuperación dos favoritos, aínda que desta volta a función sería privada, de xeito que os marcadores persoais dos usuarios non serían visibles para terceiros, á vez que o resto de usuarios tampouco recibiría notificacións ou avisos de ningún tipo cando un contido se garde para despois.
Polo momento amosaron un prototipo do que sería a nova función de Twitter, que presentaría os marcadores/favoritos de cada usuario a xeito de listaxe na mesma liña de como acontece cos gústame, pero estando accesible a listaxe a través do menú lateral da aplicación, ao igual que acontece coas listaxes e os momentos.

Categorías: Ciencia

CCSS da Comunicación impulsa unha web para promover a creatividade do alumnado

códigocero - Mar, 10/10/2017 - 09:25

A Facultade de Ciencias Sociais e da Comunicación (Campus de Pontevedra) vén de impulsar unha web para dar acubillo e visibilidade aos traballos do alumnado e dos estudantes que xa remataron os seus estudos: proxectos audiovisuais, fotográficos ou de gráfica publicitaria. O resultado, polo de agora, é unha xanela múltiple a máis dun cento de contribucións, cada unha delas (grazas á esta nova web) coas súas oportunidades de promoción perante o sector empresarial. A Canteira, así se fai chamar o sitio en liña, foi impulsado polos egresados Iago Souto (que se encargou do fornecemento de contidos) e David Cegarra (que se encargou da parte técnica), no marco do traballo de fin de grao do primeiro.
Segundo fixeron saber na súa presentación “A Canteira é unha web que pretende ser un portfolio para dar visibilidade aos alumnos das distintas titulacións e que ao mesmo tempo quere servir como ferramenta de promoción para a facultade e para que as empresas poidan buscar aquí novos talentos”. A iniciativa, que reúne tanto traballos realizados para diferentes materias como proxectos desenvolvidos fóra das aulas polos estudantes, contou co apoio do Consello Social da Universidade, que fixo posible a incorporación de Segarra ao proxecto, e do Campus CREA S2i.
En total, reuníronse para o seu lanzamento 109 traballos, divididos nas categorías audiovisual, bandas sonoras, fotografía, gráfica, multimedia e premiados, aos que irán sumándose agora os diferentes contidos que incorpore o propio alumnado. “A idea”, sinalaron, “é que a páxina web poida seguir funcionando de forma automática, cunha pequena supervisión, e que os novos usuarios poidan xerar contidos subindo os seus traballos e facendo crecer á páxina”. Tamén explicaron que se trata dun sitio en liña escalábel, ou sexa, con capacidade para evolucionar, adaptarse e medrar.

Categorías: Ciencia

La sorprendente estrella de Tabby: no, parece que no la oscurece una obra de ingeniería extraterrestre

Investigación y Ciencia - Mar, 10/10/2017 - 00:00
La estrella de Tabby excita la fantasía desde el día en que se descubrieron las fluctuaciones de su luminosidad, difíciles de explicar. Como causa, se ha pensado hasta en extrarrestres. Pero las cosas parecen más prosaicas (aunque no están claras).
Categorías: Ciencia

Novo número da nosa edición impresa

códigocero - Lun, 10/09/2017 - 23:00

Como todos os meses, chega outro número de Código Cero na súa edición impresa, que se pode achegar de balde nunha completa rede de puntos de distribución, podéndose descargar tamén en formato PDF ou ler en dispositivos móbiles a través da aplicación de quiosco dixital Magzter.
Nesta nova entrega salientamos a celebración da Noite Galega das Telecomunicacións (dedicada este ano á ciberseguridade), a Xornada de Informática Xudicial do CPETIG e o proxecto eRISK. Tamén abordamos os seguintes temas:
- O CITIC participa nun proxecto para traballar a prol dunha Rede máis segura
- AMTEGA e R levan as redes ultrarrápidas de última xeración ao Polígono de Ordes
- O Programa Primare achega unha plataforma única para as nosas lonxas
- O CiTIUS impulsa en Compostela o Machine Learning Workshop
- SATEC móstranos as oportunidades da Industria 4.0 e mailos seus desafíos
- A Noite Galega das Telecomunicacións mostrou o noso potencial a prol da ciberseguridade
- A AETG brindará asesoramento pormenorizado en telecomunicacións aos nosos concellos
- A Fundación TIC da Deputación de Lugo duplica prazas ao abeiro dos cursos de InLugo
- Política Lingüística redobra os seus esforzos en materia de impulsar o galego nas redes
- Itelsis achega dende Santiago unha revolucionaria tecnoloxía para termos control total da enerxía
- Acudimos á inauguración das instalacións de Media Markt en Santiago

Categorías: Ciencia

Vitae familiarizará aos nosos profesionais coa estatística e a análise de datos avanzada

códigocero - Lun, 10/09/2017 - 22:30

A información é o principal valor empresarial do noso tempo e nada indica que isto vaia cambiar no futuro, máis ben o contrario: a información a gran escala está a resolver atrancos de investigación que se crían insalvábeis e a fornecer ideas e rumbos de proveito para unha manchea de proxectos tecnolóxicos. Tendo en conta isto, os perfís profesionais relacionados coa análise dos datos serán cada vez máis demandados. Porén, coma en case todo na vida, temos que formarmos e adestrarnos para acadar un manexo eficaz da información. Cara a isto, cara a achegar parte desta formación específica, é cara a onde se dirixe o Curso Ciencia de Datos con Excel, Powerb BI e R (PDF) que organiza Vitae Consultores en Vigo, os días 10, 11, 17 e 18 de novembro. Trátase dunha actividade de 20 horas moi dirixida a todos aqueles profesionais que queiran, hoxe en día, enfocar a súa carreira cara a análise de datos.
O obradoiro, polo tanto, achegará os coñecementos e habilidades precisos para manexar histogramas, gráficos de Pareto, boxplots, o Teorema de Bayes e, segundo engade Vitae, “algunha cousa máis”. E todo, explica a consultora, aprendendo estes e outros conceptos dende o principio “e utilizando ferramentas familiares”.
Ao remate deste curso de estatística aplicada os asistentes estarán en capacidade de subir novos chanzos de coñecemento no ámbito da ciencia dos datos. As vantaxes disto? Pois son claras e evidentes, pero segundo explica Vitae a capacidade de avaliar información axudaranos a unha mellor toma de decisións e forneceranos dunha sólida experiencia en estatística e probabilidade básica, o que contribuirá, precisamente, a unha mellor comprensión dos datos.
Os obxectivos do curso son os seguintes: subministrar formación avanzada en estatística (estatística descritiva, probabilidade básica, variábeis aleatorias, probas e intervalos de confianza, probas de hipóteses), visualización de datos con Excel e Power BI, coñecemento de R para a análise de datos e visualización.
Respecto dos requirimentos que se demandan, para poder tirar proveito do curso debemos de estar familiarizados coa organización e a análise de datos en Excel, empregando as ferramentas que proporciona a folla de cálculo como táboas, táboas dinámicas e gráficos dinámicos.
O curso abrangue 20 horas de formación en catro xornadas de cinco horas cada unha.
Celebrarase no Centro Social AFundación de ABANCA en Vigo, nos números 24-26 da rúa Policarpo Sanz.
A persoa encargada de impartir estes contidos será Antonio Soto Rodríguez, enxeñeiro en Informática de Sistemas pola Universidade da Coruña e profesional con máis de dúas décadas de experiencia como consultor técnico experto e certificado, achegando formación na Universidade Microsoft e a empresas e organismos como a NASA, NASDAQ, PEMEX, SERGAS, Citroen, CEAGA, Inditex, Ferroplast, Banco Popular, ABANCA, Xunta de Galicia ou Abertis.

Categorías: Ciencia

Cancer-genome study challenges mouse 'avatars'

Nature - Lun, 10/09/2017 - 17:41

Grafting human cancer cells into mice alters tumour evolution.

Nature News doi: 10.1038/nature.2017.22782

Categorías: Ciencia

LIGO's unsung heroes

Nature - Lun, 10/09/2017 - 17:41

Nature highlights just a few of the people who played a crucial part in the discovery of gravitational waves — but didn’t win the Nobel Prize.

Nature News doi: 10.1038/nature.2017.22786

Categorías: Ciencia

Balidea, entre as firmas galegas máis xeradoras de riqueza

códigocero - Lun, 10/09/2017 - 16:13

A empresa galega Balidea, centrada en servizos e ferramentas avanzadas do ámbito das Tecnoloxías da Información e da Comunicación (TIC), vén de aparecer por vez primeira como empresa xeradora de riqueza no Informe Ardán Galicia 2017, o que significa, entre outras cousas, a certificación do pulo innovador e competitivo da firma con sede en Compostela, tanto a nivel galego, como estatal, como internacional. En palabras de Balidea, o devandito informe (feito polo departamento de Servizos Avanzados Consorcio da Zona Franca de Vigo) é “o documento de referencia para coñecer o estado do tecido empresarial galego”. Ou sexa, un dos seus diagnósticos máis certeiros. A edición deste ano presentouse este verán, constatando que as empresas TIC facturaron 1.400 millóns de euros en 2016, o que supuxo un 2,5% do PIB galego.
Volvendo a Balidea, a empresa recibiu a distinción xunto con outras 246 firmas das 18.235 rexistradas na comunidade. Entre os méritos para obter este indicador están “o bo comportamento dos resultados económicos e a redución do custo dos recursos”.
O propio director xeral de Balidea, Lorenzo Rodríguez, explica nesta publicación (formato PDF) como se foi consolidando a estrutura de negocio ao longo destes 15 anos e avalía o proceso de espallamento nacional e internacional da empresa e o enfoque ao produto da área de I+D+i. Tamén fai saber detalles de gran relevancia, como o feito de que a empresa fose quen de facturar o ano pasado case 8 millóns de euros e de que a equipa profesional estea configurada, hoxe en día, por preto de 200 persoas, dos que o 95% (agás temas estruturas) son todos enxeñeiros ou técnicos en Informática. Lorenzo tamén lembra na devandita entrevista a importancia da I+D+i para a compañía, “unha área fundamental para consolidar estrutura e crear produto”, e, tamén, da busca de novos mercados (en Galicia pero tamén fóra, “sen ningún tipo de fronteira nin limitación xeográfica”).

Categorías: Ciencia

Baía afianza o seu proceso de medre e inaugura instalacións en Ourense

códigocero - Lun, 10/09/2017 - 15:33

A empresa TIC Baía Software inaugurou o pasado 29 de setembro unha nova sede de seu na cidade de Ourense, a engadir á que xa tiña previamente en Santiago de Compostela, onde están situadas as oficinas centrais da firma. A apertura das novas dependencias son froito do proceso de espallamento no que está mergullado Bahía, tanto no que se refire a liñas de traballo despregadas como no que atinxe ao número de traballadores, que se duplicou nos últimos catro anos e que xa chegou á cifra de 160. Como consecuencia deste medre de Bahía, as oficinas centrais de Compostela tamén serán obxecto de ampliación ao longo do ano vindeiro. A renovación das instalacións, tanto nunha coma noutra cidade, responde o interese de “mellorar o espazo onde desenvolven o seu labor os profesionais que conforman o persoal”.
Segundo informan fontes da empresa galega de novas tecnoloxías, esta rexistrou un crecemento sostido no tempo en canto a proxectos e clientes durante os últimos anos. Este incremento produciuse tanto no sector público como no privado, cun fortalecemento especial nas áreas de negocio intelixente, mobilidade e Investigación e Desenvolvemento (I+D), con “importantes proxectos innovadores”, segundo explican dende Bahía, engadindo que esta “aposta decidida polo talento” supuxo que o persoal duplicase o seu número nos últimos 4 anos, “de forma que na actualidade está integrada por 160 traballadores, sumadas a oficina central de Santiago e a de Ourense”. A estimación de Baía Software é que esa tendencia se consolide no que resta de ano e o vindeiro 2018.
Respecto das instalacións de Ourense, as novas oficinas diríxense a amplificar ao máximo unha actividade sostida na cidade das Burgas que xa se remonta (fisicamente, con presenza propia) a 2015, ano no que Bahía contaba alí con 10 empregados. Na actualidade, o persoal ascende a 30 profesionais e a previsión é crear a medio prazo outros 30 postos de traballo máis. As oficinas teñen unha superficie de 250 metros cadros e están situadas na céntrica praza de Santa Eufemia.

Categorías: Ciencia

O ciberacoso de xénero e na mocidade, a debate este 10 de outubro no CCG

códigocero - Lun, 10/09/2017 - 15:33
Ramón Villares, presidente do Consello da Cultura Galega, será un dos inauguradores do encontro

O Consello da Cultura Galega vainos achegar á realidade das novas formas que están a adquirir a violencia de xénero e o acoso ao abeiro das novas tecnoloxías da información: formas que manteñen o mesmo substrato pero que engaden perigosos ingredientes: anonimato, viralidade e mantemento no tempo do problema (perpetuación nos diferentes sitios e terminais de actividade acontecida hai tempo). A xornada Ciberacoso: violencia de xénero e mocidade (formato PDF) vén da man a Comisión de Igualdade do CCG, con Carme Adán e Nieves Santomé en labores de coordinación. Ramón Villares, presidente do Consello, e María Xosé Porteiro García, coordinadora da Comisión de Igualdade do CCG, serán os encargados de inaugurar a cita. Nela, abordarase “un tema de actualidade como é a violencia de xénero, centrando o foco nas idades máis temperás e no uso das tecnoloxías”.
Contarase coa presenza de policías, investigadores e expertos, entre os que cómpre salientar a antropóloga e feminista arxentina Laura Segato. Segundo informan as organizadoras, “debido á delicadeza do tema e a seguridade das persoas participantes, algunhas das sesións non se poderán retransmitir por streaming”.
Segundo informa a Comisión de Igualdade sobre os porqués da xornada, cómpre impulsar o debate acerca do rumbo que queremos dar á Sociedade do Coñecemento, que faga honra ao seu nome e sexa integradora, formativa e beneficiosa, ou non. Apuntan as integrantes da comisión: “As redes sociais e o ciberespazo poden devir en espazos de liberdade e transformacións e, tamén, “en novas trampas para reproducir os modelos de submisión e violencia contra as mulleres”.
Atendendo a isto, desde a Comisión de Igualdade do Consello da Cultura Galega consideran “importante contribuír ao debate social”, de aí a convocatoria dunha xornada que, “desde unha óptica multidisciplinar, antropolóxica, educativa, xurídica, policial, entre outras”, permita afondar “na relación violencia-mocidade nas contornas vinculadas coas novas tecnoloxías”. E engaden: “Propoñemos unha achega ás novas formas de violencia que, acotío e a través do ciberespazo, se traducen en formas de control e dominación sobre as mozas”.

Categorías: Ciencia

Lugo achega 14 novos cursos no seu Edificio de Novas Tecnoloxías

códigocero - Lun, 10/09/2017 - 13:20

Quen queira formación tecnolóxica en Lugo, vaina ter. E sen necesidade de ir lonxe (a cidadanía ten no centro da cidade, en pleno casco vello, un centro formativo e divulgativo especialmente remodelado para o devandito cometido: o Edificio de Novas Tecnoloxías, de cuxa apertura e de cuxos primeiros obradoiros falamos polo miúdo en Código Cero). Pois ben, respecto da continuidade desta liña de difusión de contidos e coñecemento, a concelleira de Concello e Cidadanía, Rosana Rielo, presentou este 6 de outubro os cursos do novo programa formativo Tecnoloxíza-T!, que se impartirá no dito centro da man do Concello. Trátase de 210 prazas totalmente de balde artelladas en 14 cursos dirixidos a públicos de todas as idades. Desenvolveranse dende o 21 de outubro ao 22 de decembro.
Na cita cos medios, Rosana Rielo fixo saber que “estes cursos permiten coñecer as vantaxes das novas tecnoloxías, mellorar as competencias dixitais e impulsar o desenvolvemento persoal no ámbito da tecnoloxía”. Ademais, animou a toda a cidadanía “para que participe nestes cursos, que en edicións anteriores tiveron moita demanda”.
Entre as distintas alternativas de accións formativas que ofrece o Concello atópanse facturación electrónica, iniciación ás redes sociais, deseño web, utilización do smartphone, trámites bancarios en liña, mercadotecnia dixital, comunicación dixital, posicionamento web, emprego do Whatsapp, creación de aplicacións móbiles, Internet segura, uso da tableta, introdución á programación e retoques fotográficos.
Rielo tamén lembrou que para inscribirse nalgún destes cursos é necesario achegarse ao Edificio de Novas Tecnoloxías, aberto en horario de luns a venres, de 10:00 a 13:00 horas, e de 17:00 a 21:00 horas, e os sábados de 17:00 a 21:00 horas. As persoas interesadas poderán formalizar a matrícula ata as 20:00 horas do día de peche da inscrición, anterior ao inicio do curso, data distinta para cada unha das accións. A listaxe de persoas admitidas poderase consultar en www.lugo.gal, no propio centro, ou a través do teléfono de atención cidadá 010. Será necesario asistir a un 80% das horas para pode recibir o diploma. O programa e as bases de participación nestes cursos están dispoñíbeis na web municipal www.lugo.gal.

Categorías: Ciencia

Telefónica ultima o lanzamento do seu asistente virtual

códigocero - Lun, 10/09/2017 - 13:00

O ano pasado Telefónica adiantou no XXX Encontro de Telecomunicacións e Economía Dixital a súa intención de lanzar unha cuarta plataforma coa que tomar control dos datos do usuario, formando parte desta tecnoloxía o asistente virtual Aura, que segundo comentan no diario económico Cinco Días revolucionaría a atención ao cliente e botaría a andar a primeiros de 2018 en España, Alemaña, Reino Unido, Brasil, Arxentina e Chile.
Este asistente virtual chegaría cunha primeira versión bastante básica que iría evolucionando e incorporando novas prestacións, e nos distintos mercados nos que vai aplicarse abordarase dun xeito diferente, de xeito que nos países será unha aplicación móbil a que servirá de canle de acceso, mentres que noutros casos apostarase por comunicacións sociais a través de plataformas como LinkedIn ou Facebook Messenger.
Aura non terá custo para o usuario, senón que pretende ser principalmente unha tecnoloxía que mellore a experiencia na súa relación coa compañía de telecomunicacións, que tanto podería axilizar as xestións de acceso a facturas e cambios na contratación de servizos até a suxestión de películas e series de televisión que ver.

Categorías: Ciencia

Xa se poden presentar webseries ao Carballo Interplay, que repartirá máis de 5.000 euros en premios

códigocero - Lun, 10/09/2017 - 12:33

Xa comeza a facer ruído un dos festivais máis queridos polos seareiros do novo audiovisual, das novas tecnoloxías e polo público crecente que constitúe o colectivo onde se xuntan e mesturan un eido (o audivovisual) e mailo outro (as TIC). Estamos a falar do Festival de Contidos Dixitais Carballo Interplay, que vai pola súa quinta edición e que semella vir con máis forza ca nunca para converter a vila bergantiñá no Cannes das webseries (entre o 4 e o 7 de abril do ano que vén). Segundo nos conta a súa principal impulsora, Sonia Díaz (xunto co Concello), xa está aberto arestora o prazo presentarmos webseries ou proxectos de webseries ao festival. Repartiranse máis de 5.000 euros en premios. As persoas que queiran participar poden facelo dende hoxe mesmo ata o 18 de febreiro na web www.carballointerplay.com.
Segundo engade Díaz, as contribucións participantes, que deben ser producidas entre os anos 2016 e 2018 e ter un mínimo de 3 capítulos emitidos no momento de inscrición, poden ser de calquera duración, temática, xénero, de imaxe real ou animación, estatais ou internacionais. Respecto das categorías e das contías dos galardóns, sinalar que das achegas recibidas, un xurado composto por profesionais do mundo dos contidos en liña, do audiovisual e da cultura, así como de representantes de asociacións profesionais relacionadas co sector, premiará a mellor webserie, a mellor webserie internacional e a mellor webserie en versión orixinal en galego con 800 euros e trofeo, para cada categoría.
A escolla do público, pola súa banda, levará 400 euros e trofeo. A mesma contía recibirá a contribución gañadora do premio do xurado novo, que nace nesta quinta edición do festival. Tamén haberá un premio ao mellor guión e un premio á mellor dirección, dotados con 200 euros e trofeo. Finalmente, entregaranse cadanseu trofeo á mellor actriz e ao mellor actor.
Por outra banda, o Carballo Interplay ofrecerá de novo un premio de 1.500 euros para o mellor proxecto de webserie en galego. O galardón resolverase cun pitching en directo durante o festival e a dotación económica deberá destinarse á produción dos primeiros capítulos da webserie premiada, que se proxectarán na sexta edición do festival.

Categorías: Ciencia

BlackBerry amosa o seu novo smartphone

códigocero - Lun, 10/09/2017 - 12:10

Tras a filtración dunha imaxe do futuro BlackBerry Motion, o novo teléfono de TCL coa marca BlackBerry ve por fin a luz no marco da GITEX Technology Week, grande feira tecnolóxica para África e Oriente Próximo, de xeito que confírmanse os detalles que tiñan transcendido deste dispostiivo que prescinde de teclado físico e aposta por resistencia ao po e á auga (IP67), pantalla Full HD de 5,5 polgadas, 4 GB de RAM, dobre SIM e batería de 4.000 mAh con Quick Charge 3.0, que venderase a uns 1.699 dirhams (395 euros), deixando claro que non queren entrar a competir cos grandes teléfonos de alta gama.
Este novo smartphone funcionará cun procesador Qualcomm Snapdragon 625, estará equipado con cámaras de 12 e 8 Mpíxeles, contará con lector de pegadas dixitais e a súa única opción de almacenamento interno será de 32 GB. A medidos de mes iniciará a súa comercialización en Oriente Próximo, descoñecéndose cando chegará ao noso mercado (lembremos que o BlackBerry KEYone aínda ten unha distribución moi limitada).

Categorías: Ciencia

Confírmase que Windows para móbiles é un proxecto morto

códigocero - Lun, 10/09/2017 - 11:52

Aínda que Microsoft non saíu á palestra para dar unha explicación clara, é evidente que tiraron a toalla no contorno móbil, como demostrouse nas últimas semanas con Bill Gates recoñecendo que o seu móbil funcionaba con Android (probablemente un Samsung Galaxy S8 Microsoft Edition), Satya Nadella comentando publicamente que estaba en contra da operación de compra de Nokia e, finalmente, o que estaba considerado a cara visible de Windows Phone, Joe Belfiore, declarando a través de Twitter que continuarán a dar soporte á plataforma (corrixindo erros e publicando actualizacións de seguridade) pero sen engadir novas prestacións nin hardware.
De feito, dende HP xa falan abertamente da súa decepción con Microsoft, xa que a compañía esforzouse en comercializar o HP Elite x3, un smartphone que conectado a un teclado, un rato e un monitor pode funcionar a xeito de ordenador persoal, e que xa non conta con apoio da compañía de Redmond, o que levou a que a partires de agora no ámbito empresarial recomenden o uso de iPhone.
Estaba claro que Windows Phone 8.1 era unha plataforma morta, pero quedaba esperanza en que Microsoft recuperase a versión móbil de Windows 10, algo que non parece que será así segundo as declaracións de Belfiore, quen recoñece abertamente que resultaba moi complicado incentivar aos desenvolvedores de aplicacións a creación de software para plataformas móbiles Windows, o que é o recoñecemento dun fracaso que non foi só cousa de cartos, senón que Microsoft tivo cambios de dirección moi bruscos en poucos anos, facendo que o sector perdese a pouca confianza que podía ter nun Windows móbil, que pese a ser prometedor non é viable se a propia Microsoft realiza cambios profundos cada poucos meses e os seus máximos directivos opóñense a avanzar nese eido.

Categorías: Ciencia

Páxinas

Subscribirse a IGACIENCIA agregador - Ciencia