Feliz Ano 2017. Feliz Ciencia en Galego 2017!

Submitted by admin on Fri, 12/30/2016 - 16:32

A ONU declarou o ano 2017 como o Ano Internacional do Turismo Sostible , nós traducímolo a 2017-Viaxes pola Ciencia nas que vos convidamos a participar:

-Celebrando a Viaxe do Beagle, a viaxe científica de Darwin que cambiou a maneira de pensar sobre a orixe das especies, a evolución e o papel da xenética neste proceso. A Bioloxía fíxose intelixible e adquiriu unha historia de miles de millóns de anos de evolución, marcada tamén pola evolución xeolóxica.

Resumo Anual e actividades directas de Igaciencia en Ciencia en Galego

Submitted by admin on Tue, 12/20/2016 - 16:32

Citamos, a modo de breve resumo, as actividades que realizamos en Igaciencia ao longo do ano 2016. Comezamos polo¡a entrega de premios de Sensores e Inventa en Galego en febreiro e polo  Rally Científico e Matemático en marzo e abril, a continuación realizamos o VIII Concurso Galego de Robótica en A Coruña e Vigo e a súa espectacular final (2300 alumnos) e, en maio, os nosos centros quedaron campións na Superfinal do Rally Matemático en Toulouse.

O día da Ciencia en Galego 2016 no Parlamento Galego e de Igaciencia

Submitted by admin on Fri, 11/04/2016 - 16:32

Igaciencia estivo presente na conferencia sobre Gallástegui, homenaxeado no día da Ciencia en Galego, realizada no Parlamento de Galicia. E é o momento de agradecer a todos aqueles que participan neste día, fundamentalmente desde os centros educativos galegos. Queremos responder ás "Moitas, moitas grazas" de Eva e de moitos outros profesores e profesoras coas nosas Moitas, moitas grazas pola vosa participación. Que dure, que estamos aínda no mes da Ciencia en Galego.

A noticia en http://www.edu.xunta.gal/portal/node/20360

Ciencia en Galego, Ciencia é Cultura

Submitted by admin on Fri, 10/28/2016 - 16:32

Para recibir material adicional do día da Ciencia en Galego feito por Igaciencia, inscríbete aquí mesmo.

Con isto conseguiredes unha pequena miniexposición do día da Ciencia en Galego. Contrapartida? Que tal se nos contades como saíron os experimentos, en cales gozaron máis, que dixeron dos carteis, que habería que mellorar, etc. e toda aquela información que nos queirades dar.

Fotos da exposición da Luz en Coruña e conclusións

Submitted by admin on Sat, 10/08/2016 - 16:32

Unha das opinións máis repetidas foi a de que non chegan dúas horas para cada centro, que se necesitan tres horas para ver a exposición. O cal quere dicir que todo o que se ve é apreciable e digno de ver e admirar. Iso, expresado polos rapaces énchenos de orgullo e satisfacción: o que presentamos lles interesa, é significativo para o seu futuro, queren velo e aprendelo, é interesante, xenial e é ciencia e en galego...

Sentímolo por aqueles centros que non puideron levar aos seus alumnos. Os que si foron teñen unha visión da Luz, da Ciencia e do futuro distinta.

 

Tags

Desde o día 22 ata o día 30 de setembro pode visitarse a exposición en carteis sobre a LUZ no Centro Ágora na Coruña

Submitted by admin on Thu, 09/22/2016 - 16:32

Desde o día 22 ata o día 30 de setembro pode visitarse a exposición en carteis sobre a LUZ no Centro Ágora na Coruña.

En que horario? De 8 da mañá ata as 9 da noite, o horario de apertura do Centro Ágora de Coruña. 40 carteis sobre a Ciencia e a Tecnoloxía da Luz e un gran poster sobre Historia da Astronomía.

Tags