Á hora de cubrir o formulario de inscrición pregamos que os centros da capital, sempre que lles sexa posible, reserven o primeiro ou o último tramo horario da mañá, de maneira que se facilite a asistencia aos que teñen que trasladarse desde outras localidades. Lembrade que os grupos deben ter un máximo de 30 alumnos e alumnas.
O obxectivo fundamental da exposición é ilustrar e profundar no diálogo entre a ciencia e a arte. Para explorar esa interacción selecciónanse obras e autores representativos de distintos movementos artísticos ao longo do tempo, iniciando a viaxe na arte castrexa e rematándoa con obras de arte dixital 3D entre as que figuran as seleccionadas para ser expostas en congresos internacionais.
Na exposición prima a compoñente didáctica e divulgativa e está composta por:
O noso agradecemento a todos os visitantes, especialmente aos que nos acompañaron na inauguración e, sobre todo, ao profesorado que reiteradamente deposita a súa confianza en nós, en que as actividades que brindamos merecen incluso facer unha viaxe de moitos quilómetros para asistir a elas en exclusiva.
Balance da concorrencia á exposición Arte e Ciencia:
O número de asistentes superou as 500 persoas.
Grazas a todas e todos os que compartistes con nós a inauguración de Arte e Ciencia o pasado día 3 de novembro.
Achegamos algunhas imaxes.
O vindeiro luns, día 10, iniciase a semana dedicada ás visitas guiadas para os centros e grupos inscritos.
O día 3 de novembro ás 7 da tarde, na Galería Sargadelos de Santiago, inaugurouse a exposición Arte e Ciencia na que destacan os apartados de Op Art, Cuasicristais, Fullereno, perfís na arte, Escher, Juan Gris -coa explicación inédita en España dos seus métodos de creación-, e a exposición -tamén única en España- de obras artísticas creadas en impresoras 3d (algunha exposta tamén en norteámerica durante un ano, como podedes ver en http://www.mosaicmathart.org/
Exposición Arte e Ciencia en Santiago de Compostela
O obxectivo fundamental da exposición é ilustrar e profundar no diálogo entre a ciencia e a arte. Para explorar esa interacción dinámica selecciónanse obras e autores representativos de distintos movementos artísticos ao longo do tempo, iniciando a viaxe na arte castrexa e rematándoa con obras de arte dixital 3D recentemente expostas en congresos internacionais.
Na exposición prima a compoñente didáctica e divulgativa e está composta por:
Día da Ciencia en Galego. Entrega de Premios from INES BEN on Vimeo.
Entrega de Premios dos concursos convocados por Igaciencia, con motivo do Día da Ciencia en Galego, 2013.
Dentro do “ciclo Arte e Ciencia” realizáronse: propostas de actividades nas webs, concursos, obradoiros de cúpulas xeodésicas nos centros educativos, xornadas de formación para o profesorado, conferencias e a exposición Arte e Ciencia, que pechamos o pasado día 20 de novembro.
O balance é positivo, pola diversidade de colectivos e número de asistentes –ao redor de mil seiscentos- e pola satisfacción por contribuír a establecer visións integradas e integradoras que, sen dúbida, propician unha maior comprensión da ciencia e da arte.
Ademais da conferencia do presidente da RAG o día 4 de novembro, clausuramos o ciclo coa conferencia Estética e Semiótica da Química: formulando con Arte do Profesor da Facultade de Ciencias de Lugo, Marcelino Maneiro no IES Leiras Pulpeiro o día 15 de novembro co motivo do Día da Ciencia en Galego e organizada por IGACIENCIA