Ciencia en Galego

O ano 2023 foi especialmente intenso para Igaciencia no tema de impresión 3d: en Bridges 2023, en Canadá, en Schulpt 2023, en Génova, e coa publicación de un novo algoritmo para realizar o fractal de Menger e infinitas variantes del. Razón pola que introduciremos o cálculo dunha variante de Menger-Díaz entre as posibilidades de participación en Novos poliedros deste ano.

Despois do éxito das Videoconferencias promovidas por Igaciencia polo Mes da Ciencia en Galego 2020, 2021, e 2022 que superaron cada ano os 8000 espectadores, dos centros educativos e público en xeral, estamos obrigados a repetir o esforzo no 2023, cunha serie de videoconferencias dirixidas aos centros educativos galegos, especialmente aos de secundaria.

O día 1 de decembro de 2022, ás 12 horas convocamos aos centros educativos que o desexen a acudir á Conferencia sobre Ángeles Alvariño, titulada: “Ángeles Alvariño, a vontade de facer ciencia de calidade en condicións difíciles” impartida polo Doutor Xosé Fraga, autor, precisamente, da biografía de Ángeles Alvariño no Album da Ciencia.

Como o aforo está limitado a 160 persoas podes inscribir unha clase túa para asistir aquí mesmo. Alumnos preferiblemente de Bacharelato. Cando se cubran as prazas pecharemos a inscrición.

Despois do éxito das Videoconferencias promovidas por Igaciencia polo Mes da Ciencia en Galego 2020 e 2021, que superaron cada ano os 8000 espectadores, dos centros educativos e público en xeral, estamos obrigados a repetir o esforzo no 2022, cunha serie de videoconferencias dirixidas aos centros educativos galegos, especialmente aos de secundaria.